൧൯. അതീതാരമ്മണത്തികം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി ഹേതുപച്ചയാ – അതീതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. പടിസന്ധിക്ഖണേ അതീതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

൨. അനാഗതാരമ്മണം ധമ്മം പടിച്ച അനാഗതാരമ്മണോ ധമ്മോ ഉപ്പജ്ജതി ഹേതുപച്ചയാ – അനാഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

൩. പച്ചുപ്പന്നാരമ്മണം ധമ്മം പടിച്ച പച്ചുപ്പന്നാരമ്മണോ ധമ്മോ ഉപ്പജ്ജതി ഹേതുപച്ചയാ – പച്ചുപ്പന്നാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. പടിസന്ധിക്ഖണേ പച്ചുപ്പന്നാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധാ. (൧)

ആരമ്മണപച്ചയാദി

൪. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി ആരമ്മണപച്ചയാ… അധിപതിപച്ചയാ (അധിപതിയാ പടിസന്ധി നത്ഥി)… അനന്തരപച്ചയാ… സമനന്തരപച്ചയാ… സഹജാതപച്ചയാ… അഞ്ഞമഞ്ഞപച്ചയാ… നിസ്സയപച്ചയാ… ഉപനിസ്സയപച്ചയാ… പുരേജാതപച്ചയാ… ആസേവനപച്ചയാ (പുരേജാതേപി ആസേവനേപി പടിസന്ധി നത്ഥി)… കമ്മപച്ചയാ… വിപാകപച്ചയാ (വിപാകം അതീതാരമ്മണം ഏകം ഖന്ധം, തിസ്സോപി പഞ്ഹാ പരിപുണ്ണാ. പവത്തിപടിസന്ധി കാതബ്ബാ)… ആഹാരപച്ചയാ… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ… വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

൫. ഹേതുയാ തീണി, ആരമ്മണേ തീണി, അധിപതിയാ തീണി…പേ… (സബ്ബത്ഥ തീണി), വിഗതേ തീണി, അവിഗതേ തീണി (ഏവം ഗണേതബ്ബം).

അനുലോമം.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൬. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം അതീതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ …പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

൭. അനാഗതാരമ്മണം ധമ്മം പടിച്ച അനാഗതാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം അനാഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

൮. പച്ചുപ്പന്നാരമ്മണം ധമ്മം പടിച്ച പച്ചുപ്പന്നാരമ്മണോ ധമ്മോ ഉപ്പജ്ജതി നഹേതുപച്ചയാ – അഹേതുകം പച്ചുപ്പന്നാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ… അഹേതുകപടിസന്ധിക്ഖണേ…പേ… വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നഅധിപതിപച്ചയോ

൯. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നഅധിപതിപച്ചയാ (അനുലോമസഹജാതസദിസം).

നപുരേജാതപച്ചയോ

൧൦. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നപുരേജാതപച്ചയാ – അരൂപേ അതീതാരമ്മണം ഏകം ഖന്ധം പടിച്ച…പേ… ദ്വേ ഖന്ധേ…പേ… പടിസന്ധിക്ഖണേ…പേ…. (൧)

അനാഗതാരമ്മണം ധമ്മം പടിച്ച അനാഗതാരമ്മണോ ധമ്മോ ഉപ്പജ്ജതി നപുരേജാതപച്ചയാ – അരൂപേ അനാഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

പച്ചുപ്പന്നാരമ്മണം ധമ്മം പടിച്ച പച്ചുപ്പന്നാരമ്മണോ ധമ്മോ ഉപ്പജ്ജതി നപുരേജാതപച്ചയാ – പടിസന്ധിക്ഖണേ പച്ചുപ്പന്നാരമ്മണം ഏകം ഖന്ധം പടിച്ച…പേ… ദ്വേ ഖന്ധേ…പേ…. (൧)

നപച്ഛാജാതപച്ചയാദി

൧൧. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ (നഅധിപതിസദിസാ)… നകമ്മപച്ചയാ – അതീതാരമ്മണേ ഖന്ധേ പടിച്ച അതീതാരമ്മണാ ചേതനാ. (൧)

അനാഗതാരമ്മണം ധമ്മം പടിച്ച അനാഗതാരമ്മണോ ധമ്മോ ഉപ്പജ്ജതി നകമ്മപച്ചയാ – അനാഗതാരമ്മണേ ഖന്ധേ പടിച്ച അനാഗതാരമ്മണാ ചേതനാ. (൧)

പച്ചുപ്പന്നാരമ്മണം ധമ്മം പടിച്ച പച്ചുപ്പന്നാരമ്മണോ ധമ്മോ ഉപ്പജ്ജതി നകമ്മപച്ചയാ – പച്ചുപ്പന്നാരമ്മണേ ഖന്ധേ പടിച്ച പച്ചുപ്പന്നാരമ്മണാ ചേതനാ. (൧)

നവിപാകപച്ചയോ

൧൨. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നവിപാകപച്ചയാ…പേ… (നവിപാകേ പടിസന്ധി നത്ഥി).

നഝാനപച്ചയോ

൧൩. പച്ചുപ്പന്നാരമ്മണം ധമ്മം പടിച്ച പച്ചുപ്പന്നാരമ്മണോ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

നമഗ്ഗപച്ചയോ

൧൪. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം അതീതാരമ്മണം ഏകം ഖന്ധം പടിച്ച തയോ ഖന്ധാ…പേ… (നഹേതുസദിസാ തിസ്സോ പഞ്ഹാ, മോഹോ നത്ഥി ).

നവിപ്പയുത്തപച്ചയോ

൧൫. അതീതാരമ്മണം ധമ്മം പടിച്ച അതീതാരമ്മണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അതീതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

അനാഗതാരമ്മണം ധമ്മം പടിച്ച അനാഗതാരമ്മണോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അനാഗതാരമ്മണം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ…പേ…. (൧)

൨. പച്ചയപച്ചനീയം

൨. സങ്ഖ്യാവാരോ

൧൬. നഹേതുയാ തീണി, നഅധിപതിയാ നപുരേജാതേ നപച്ഛാജാതേ നആസേവനേ നകമ്മേ നവിപാകേ തീണി, നഝാനേ ഏകം, നമഗ്ഗേ തീണി, നവിപ്പയുത്തേ ദ്വേ (ഏവം ഗണേതബ്ബം).

പച്ചനീയം.

൩. പച്ചയാനുലോമപച്ചനീയം

ഹേതുദുകം

൧൭. ഹേതുപച്ചയാ നഅധിപതിയാ തീണി, നപുരേജാതേ നപച്ഛാജാതേ നആസേവനേ നകമ്മേ നവിപാകേ തീണി, നവിപ്പയുത്തേ ദ്വേ (ഏവം ഗണേതബ്ബം).

അനുലോമപച്ചനീയം.

൪. പച്ചയപച്ചനീയാനുലോമം

൧൮. നഹേതുപച്ചയാ ആരമ്മണേ തീണി…പേ… (സബ്ബത്ഥ തീണി) അവിഗതേ തീണി (ഏവം ഗണേതബ്ബം).

പച്ചനീയാനുലോമം.

പടിച്ചവാരോ.

൨-൬. സഹജാത-പച്ചയ-നിസ്സയ-സംസട്ഠ-സമ്പയുത്തവാരോ

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ.)

൭. പഞ്ഹാവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧൯. അതീതാരമ്മണോ ധമ്മോ അതീതാരമ്മണസ്സ ധമ്മസ്സ ഹേതുപച്ചയേന പച്ചയോ – അതീതാരമ്മണാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. പടിസന്ധിക്ഖണേ അതീതാരമ്മണാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ ഹേതുപച്ചയേന പച്ചയോ – അനാഗതാരമ്മണാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ഹേതുപച്ചയേന പച്ചയോ – പച്ചുപ്പന്നാരമ്മണാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. പടിസന്ധിക്ഖണേ പച്ചുപ്പന്നാരമ്മണാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ആരമ്മണപച്ചയോ

൨൦. അതീതാരമ്മണോ ധമ്മോ അതീതാരമ്മണസ്സ ധമ്മസ്സ ആരമ്മണപച്ചയേന പച്ചയോ – അതീതം വിഞ്ഞാണഞ്ചായതനം പച്ചവേക്ഖതി, നേവസഞ്ഞാനാസഞ്ഞായതനം പച്ചവേക്ഖതി. അതീതാരമ്മണം അതീതം ഇദ്ധിവിധഞാണം പച്ചവേക്ഖതി, ചേതോപരിയഞാണം… പുബ്ബേനിവാസാനുസ്സതിഞാണം… യഥാകമ്മൂപഗഞാണം പച്ചവേക്ഖതി. അരിയാ അതീതാരമ്മണേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. അതീതാരമ്മണേ അതീതേ ഖന്ധേ അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ അതീതാരമ്മണോ രാഗോ ഉപ്പജ്ജതി, ദിട്ഠി…പേ… വിചികിച്ഛാ…പേ… ഉദ്ധച്ചം…പേ… ദോമനസ്സം ഉപ്പജ്ജതി. അതീതാരമ്മണാ അതീതാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അതീതാരമ്മണോ ധമ്മോ അനാഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ – അനാഗതം വിഞ്ഞാണഞ്ചായതനം പച്ചവേക്ഖതി, നേവസഞ്ഞാനാസഞ്ഞായതനം പച്ചവേക്ഖതി. അതീതാരമ്മണം അനാഗതം ഇദ്ധിവിധഞാണം പച്ചവേക്ഖതി, ചേതോപരിയഞാണം…പേ… പുബ്ബേനിവാസാനുസ്സതിഞാണം…പേ… യഥാകമ്മൂപഗഞാണം പച്ചവേക്ഖതി. അതീതാരമ്മണേ അനാഗതേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി; തം ആരബ്ഭ അനാഗതാരമ്മണോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. അതീതാരമ്മണാ അനാഗതാ ഖന്ധാ ചേതോപരിയഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

അതീതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ – ചേതോപരിയഞാണേന അതീതാരമ്മണപച്ചുപ്പന്നചിത്തസമങ്ഗിസ്സ ചിത്തം ജാനാതി. അതീതാരമ്മണാ പച്ചുപ്പന്നാ ഖന്ധാ ചേതോപരിയഞാണസ്സ, ആവജ്ജനായ ആരമ്മണപച്ചയേന പച്ചയോ. (൩)

൨൧. അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ – അനാഗതാരമ്മണം അനാഗതം ഇദ്ധിവിധഞാണം പച്ചവേക്ഖതി, ചേതോപരിയഞാണം…പേ… അനാഗതംസഞാണം…പേ… അനാഗതാരമ്മണേ അനാഗതേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി; തം ആരബ്ഭ അനാഗതാരമ്മണോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. അനാഗതാരമ്മണാ അനാഗതാ ഖന്ധാ ചേതോപരിയഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അനാഗതാരമ്മണോ ധമ്മോ അതീതാരമ്മണസ്സ ധമ്മസ്സ ആരമ്മണപച്ചയേന പച്ചയോ – അനാഗതാരമ്മണം അതീതം ഇദ്ധിവിധഞാണം പച്ചവേക്ഖതി, ചേതോപരിയഞാണം… അനാഗതംസഞാണം…പേ… അരിയാ അനാഗതാരമ്മണേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി. പുബ്ബേ സമുദാചിണ്ണേ കിലേസേ ജാനന്തി. അനാഗതാരമ്മണേ അതീതേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി; തം ആരബ്ഭ അതീതാരമ്മണോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. അനാഗതാരമ്മണാ അതീതാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

അനാഗതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ – ചേതോപരിയഞാണേന അനാഗതാരമ്മണപച്ചുപ്പന്നചിത്തസമങ്ഗിസ്സ ചിത്തം ജാനാതി. അനാഗതാരമ്മണാ പച്ചുപ്പന്നാ ഖന്ധാ ചേതോപരിയഞാണസ്സ, ആവജ്ജനായ ആരമ്മണപച്ചയേന പച്ചയോ. (൩)

൨൨. പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ – ചേതോപരിയഞാണേന പച്ചുപ്പന്നാരമ്മണപച്ചുപ്പന്നചിത്തസമങ്ഗിസ്സ ചിത്തം ജാനാതി. പച്ചുപ്പന്നാരമ്മണാ പച്ചുപ്പന്നാ ഖന്ധാ ചേതോപരിയഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ അതീതാരമ്മണസ്സ ധമ്മസ്സ ആരമ്മണപച്ചയേന പച്ചയോ – അതീതം ദിബ്ബം ചക്ഖും പച്ചവേക്ഖതി, ദിബ്ബം സോതധാതും പച്ചവേക്ഖതി, പച്ചുപ്പന്നാരമ്മണം അതീതം ഇദ്ധിവിധഞാണം പച്ചവേക്ഖതി, ചേതോപരിയഞാണം പച്ചവേക്ഖതി. അരിയാ പച്ചുപ്പന്നാരമ്മണേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. പച്ചുപ്പന്നാരമ്മണേ അതീതേ ഖന്ധേ അനിച്ചതോ…പേ… വിപസ്സതി, അസ്സാദേതി അഭിനന്ദതി; തം ആരബ്ഭ അതീതാരമ്മണോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. പച്ചുപ്പന്നാരമ്മണാ അതീതാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

പച്ചുപ്പന്നാരമ്മണോ ധമ്മോ അനാഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ – അനാഗതം ദിബ്ബം ചക്ഖും പച്ചവേക്ഖതി, ദിബ്ബം സോതധാതും പച്ചവേക്ഖതി, പച്ചുപ്പന്നാരമ്മണം അനാഗതം ഇദ്ധിവിധഞാണം പച്ചവേക്ഖതി, ചേതോപരിയഞാണം…പേ… പച്ചുപ്പന്നാരമ്മണേ അനാഗതേ ഖന്ധേ അനിച്ചതോ…പേ… വിപസ്സതി…പേ… തം ആരബ്ഭ അനാഗതാരമ്മണോ രാഗോ ഉപ്പജ്ജതി…പേ… ദോമനസ്സം ഉപ്പജ്ജതി. പച്ചുപ്പന്നാരമ്മണാ അനാഗതാ ഖന്ധാ ചേതോപരിയഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൩)

അധിപതിപച്ചയോ

൨൩. അതീതാരമ്മണോ ധമ്മോ അതീതാരമ്മണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അതീതം വിഞ്ഞാണഞ്ചായതനം ഗരും കത്വാ പച്ചവേക്ഖതി, നേവസഞ്ഞാനാസഞ്ഞായതനം ഗരും കത്വാ പച്ചവേക്ഖതി. അതീതാരമ്മണം അതീതം ഇദ്ധിവിധഞാണം ഗരും കത്വാ പച്ചവേക്ഖതി, ചേതോപരിയഞാണം…പേ… പുബ്ബേനിവാസാനുസ്സതിഞാണം…പേ… യഥാകമ്മൂപഗഞാണം ഗരും കത്വാ പച്ചവേക്ഖതി. അതീതാരമ്മണേ അതീതേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ അതീതാരമ്മണോ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അതീതാരമ്മണാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അതീതാരമ്മണോ ധമ്മോ അനാഗതാരമ്മണസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അനാഗതം വിഞ്ഞാണഞ്ചായതനം ഗരും കത്വാ…പേ… നേവസഞ്ഞാനാസഞ്ഞായതനം …പേ… അതീതാരമ്മണം അനാഗതം ഇദ്ധിവിധഞാണം ഗരും കത്വാ…പേ… ചേതോപരിയഞാണം…പേ… പുബ്ബേനിവാസാനുസ്സതിഞാണം…പേ… യഥാകമ്മൂപഗഞാണം…പേ… അതീതാരമ്മണേ അനാഗതേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ അനാഗതാരമ്മണോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

൨൪. അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – അനാഗതാരമ്മണം അനാഗതം ഇദ്ധിവിധഞാണം ഗരും കത്വാ…പേ… ചേതോപരിയഞാണം…പേ… അനാഗതംസഞാണം ഗരും കത്വാ പച്ചവേക്ഖതി. അനാഗതാരമ്മണേ അനാഗതേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ അനാഗതാരമ്മണോ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – അനാഗതാരമ്മണാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അനാഗതാരമ്മണോ ധമ്മോ അതീതാരമ്മണസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അനാഗതാരമ്മണം അതീതം ഇദ്ധിവിധഞാണം ഗരും കത്വാ…പേ… ചേതോപരിയഞാണം…പേ… അനാഗതംസഞാണം ഗരും കത്വാ…പേ… അനാഗതാരമ്മണേ അതീതേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ അതീതാരമ്മണോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

൨൫. പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – പച്ചുപ്പന്നാരമ്മണാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ അതീതാരമ്മണസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അതീതം ദിബ്ബം ചക്ഖും ഗരും കത്വാ പച്ചവേക്ഖതി, ദിബ്ബം സോതധാതും ഗരും കത്വാ പച്ചവേക്ഖതി, പച്ചുപ്പന്നാരമ്മണം അതീതം ഇദ്ധിവിധഞാണം ഗരും കത്വാ…പേ… ചേതോപരിയഞാണം ഗരും കത്വാ…പേ… പച്ചുപ്പന്നാരമ്മണേ അതീതേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ അതീതാരമ്മണോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

പച്ചുപ്പന്നാരമ്മണോ ധമ്മോ അനാഗതാരമ്മണസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – അനാഗതം ദിബ്ബം ചക്ഖും ഗരും കത്വാ പച്ചവേക്ഖതി, ദിബ്ബം സോതധാതും ഗരും കത്വാ …പേ… പച്ചുപ്പന്നാരമ്മണം അനാഗതം ഇദ്ധിവിധഞാണം ഗരും കത്വാ…പേ… ചേതോപരിയഞാണം ഗരും കത്വാ…പേ… പച്ചുപ്പന്നാരമ്മണേ അനാഗതേ ഖന്ധേ ഗരും കത്വാ അസ്സാദേതി അഭിനന്ദതി; തം ഗരും കത്വാ അനാഗതാരമ്മണോ രാഗോ ഉപ്പജ്ജതി, ദിട്ഠി ഉപ്പജ്ജതി. (൩)

അനന്തരപച്ചയോ

൨൬. അതീതാരമ്മണോ ധമ്മോ അതീതാരമ്മണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അതീതാരമ്മണാ ഖന്ധാ പച്ഛിമാനം പച്ഛിമാനം അതീതാരമ്മണാനം ഖന്ധാനം അനന്തരപച്ചയേന പച്ചയോ. (൧)

അതീതാരമ്മണോ ധമ്മോ അനാഗതാരമ്മണസ്സ ധമ്മസ്സ അനന്തരപച്ചയേന പച്ചയോ – അതീതാരമ്മണം ഭവങ്ഗം അനാഗതാരമ്മണായ ആവജ്ജനായ അനന്തരപച്ചയേന പച്ചയോ. (൨)

അതീതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ അനന്തരപച്ചയേന പച്ചയോ – അതീതാരമ്മണം ചുതിചിത്തം പച്ചുപ്പന്നാരമ്മണസ്സ പടിസന്ധിചിത്തസ്സ അനന്തരപച്ചയേന പച്ചയോ. അതീതാരമ്മണം ഭവങ്ഗം പച്ചുപ്പന്നാരമ്മണായ ആവജ്ജനായ അനന്തരപച്ചയേന പച്ചയോ. (൩)

൨൭. അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അനാഗതാരമ്മണാ ഖന്ധാ പച്ഛിമാനം പച്ഛിമാനം അനാഗതാരമ്മണാനം ഖന്ധാനം അനന്തരപച്ചയേന പച്ചയോ. (൧)

അനാഗതാരമ്മണോ ധമ്മോ അതീതാരമ്മണസ്സ ധമ്മസ്സ അനന്തരപച്ചയേന പച്ചയോ – അനാഗതാരമ്മണം ഇദ്ധിവിധഞാണം അതീതാരമ്മണസ്സ വുട്ഠാനസ്സ…പേ… ചേതോപരിയഞാണം അതീതാരമ്മണസ്സ വുട്ഠാനസ്സ…പേ… അനാഗതംസഞാണം അതീതാരമ്മണസ്സ വുട്ഠാനസ്സ…പേ… അനാഗതാരമ്മണാ ഖന്ധാ അതീതാരമ്മണസ്സ വുട്ഠാനസ്സ അനന്തരപച്ചയേന പച്ചയോ. (൨)

൨൮. പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ പച്ചുപ്പന്നാരമ്മണാ ഖന്ധാ പച്ഛിമാനം പച്ഛിമാനം പച്ചുപ്പന്നാരമ്മണാനം ഖന്ധാനം അനന്തരപച്ചയേന പച്ചയോ. പച്ചുപ്പന്നാരമ്മണം പടിസന്ധിചിത്തം പച്ചുപ്പന്നാരമ്മണസ്സ ഭവങ്ഗസ്സ…പേ… പച്ചുപ്പന്നാരമ്മണം ഭവങ്ഗം പച്ചുപ്പന്നാരമ്മണസ്സ ഭവങ്ഗസ്സ അനന്തരപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ അതീതാരമ്മണസ്സ ധമ്മസ്സ അനന്തരപച്ചയേന പച്ചയോ – പച്ചുപ്പന്നാരമ്മണം പടിസന്ധിചിത്തം അതീതാരമ്മണസ്സ ഭവങ്ഗസ്സ…പേ… പച്ചുപ്പന്നാരമ്മണം ഭവങ്ഗം അതീതാരമ്മണസ്സ ഭവങ്ഗസ്സ…പേ… പച്ചുപ്പന്നാരമ്മണാ ഖന്ധാ അതീതാരമ്മണസ്സ വുട്ഠാനസ്സ അനന്തരപച്ചയേന പച്ചയോ. (൨)

സമനന്തരപച്ചയോ

൨൯. അതീതാരമ്മണോ ധമ്മോ അതീതാരമ്മണസ്സ ധമ്മസ്സ സമനന്തരപച്ചയേന പച്ചയോ (അനന്തരസദിസം).

സഹജാതപച്ചയാദി

൩൦. അതീതാരമ്മണോ ധമ്മോ അതീതാരമ്മണസ്സ ധമ്മസ്സ സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ…(തയോപി പച്ചയാ പടിച്ചവാരസദിസാ).

ഉപനിസ്സയപച്ചയോ

൩൧. അതീതാരമ്മണോ ധമ്മോ അതീതാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അതീതാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ അതീതാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൧)

അതീതാരമ്മണോ ധമ്മോ അനാഗതാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അതീതാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ അനാഗതാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൨)

അതീതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അതീതാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ പച്ചുപ്പന്നാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൩)

൩൨. അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അനാഗതാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ അനാഗതാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൧)

അനാഗതാരമ്മണോ ധമ്മോ അതീതാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – അനാഗതാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ അതീതാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൨)

അനാഗതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ. പകതൂപനിസ്സയോ – അനാഗതാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ പച്ചുപ്പന്നാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൩)

൩൩. പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പച്ചുപ്പന്നാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ പച്ചുപ്പന്നാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ അതീതാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പച്ചുപ്പന്നാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ അതീതാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൨)

പച്ചുപ്പന്നാരമ്മണോ ധമ്മോ അനാഗതാരമ്മണസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – പച്ചുപ്പന്നാരമ്മണാ അനിച്ചാനുപസ്സനാ, ദുക്ഖാനുപസ്സനാ, അനത്താനുപസ്സനാ അനാഗതാരമ്മണായ അനിച്ചാനുപസ്സനായ, ദുക്ഖാനുപസ്സനായ, അനത്താനുപസ്സനായ ഉപനിസ്സയപച്ചയേന പച്ചയോ. (൩)

ആസേവനപച്ചയോ

൩൪. അതീതാരമ്മണോ ധമ്മോ അതീതാരമ്മണസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അതീതാരമ്മണാ ഖന്ധാ പച്ഛിമാനം പച്ഛിമാനം അതീതാരമ്മണാനം ഖന്ധാനം ആസേവനപച്ചയേന പച്ചയോ. (൧)

അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അനാഗതാരമ്മണാ ഖന്ധാ പച്ഛിമാനം പച്ഛിമാനം അനാഗതാരമ്മണാനം ഖന്ധാനം ആസേവനപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ പച്ചുപ്പന്നാരമ്മണാ ഖന്ധാ പച്ഛിമാനം പച്ഛിമാനം പച്ചുപ്പന്നാരമ്മണാനം ഖന്ധാനം ആസേവനപച്ചയേന പച്ചയോ. (൧)

കമ്മപച്ചയോ

൩൫. അതീതാരമ്മണോ ധമ്മോ അതീതാരമ്മണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അതീതാരമ്മണാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. പടിസന്ധിക്ഖണേ…പേ…. നാനാക്ഖണികാ – അതീതാരമ്മണാ ചേതനാ വിപാകാനം അതീതാരമ്മണാനം ഖന്ധാനം കമ്മപച്ചയേന പച്ചയോ. (൧)

അതീതാരമ്മണോ ധമ്മോ അനാഗതാരമ്മണസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അതീതാരമ്മണാ ചേതനാ വിപാകാനം അനാഗതാരമ്മണാനം ഖന്ധാനം കമ്മപച്ചയേന പച്ചയോ. (൨)

അതീതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അതീതാരമ്മണാ ചേതനാ വിപാകാനം പച്ചുപ്പന്നാരമ്മണാനം ഖന്ധാനം കമ്മപച്ചയേന പച്ചയോ. (൩)

൩൬. അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അനാഗതാരമ്മണാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – അനാഗതാരമ്മണാ ചേതനാ വിപാകാനം അനാഗതാരമ്മണാനം ഖന്ധാനം കമ്മപച്ചയേന പച്ചയോ. (൧)

അനാഗതാരമ്മണോ ധമ്മോ അതീതാരമ്മണസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അനാഗതാരമ്മണാ ചേതനാ വിപാകാനം അതീതാരമ്മണാനം ഖന്ധാനം കമ്മപച്ചയേന പച്ചയോ. (൨)

അനാഗതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അനാഗതാരമ്മണാ ചേതനാ വിപാകാനം പച്ചുപ്പന്നാരമ്മണാനം ഖന്ധാനം കമ്മപച്ചയേന പച്ചയോ. (൩)

൩൭. പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – പച്ചുപ്പന്നാരമ്മണാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. പടിസന്ധിക്ഖണേ…പേ… നാനാക്ഖണികാ – പച്ചുപ്പന്നാരമ്മണാ ചേതനാ വിപാകാനം പച്ചുപ്പന്നാരമ്മണാനം ഖന്ധാനം കമ്മപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ അതീതാരമ്മണസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – പച്ചുപ്പന്നാരമ്മണാ ചേതനാ വിപാകാനം അതീതാരമ്മണാനം ഖന്ധാനം കമ്മപച്ചയേന പച്ചയോ. (൨)

പച്ചുപ്പന്നാരമ്മണോ ധമ്മോ അനാഗതാരമ്മണസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – പച്ചുപ്പന്നാരമ്മണാ ചേതനാ വിപാകാനം അനാഗതാരമ്മണാനം ഖന്ധാനം കമ്മപച്ചയേന പച്ചയോ. (൩)

വിപാകപച്ചയാദി

൩൮. അതീതാരമ്മണോ ധമ്മോ അതീതാരമ്മണസ്സ ധമ്മസ്സ വിപാകപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ… അത്ഥിപച്ചയേന പച്ചയോ… നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൩൯. ഹേതുയാ തീണി, ആരമ്മണേ നവ, അധിപതിയാ സത്ത, അനന്തരേ സത്ത, സമനന്തരേ സത്ത, സഹജാതേ അഞ്ഞമഞ്ഞേ നിസ്സയേ തീണി, ഉപനിസ്സയേ നവ, ആസേവനേ തീണി, കമ്മേ നവ, വിപാകേ തീണി, ആഹാരേ തീണി, ഇന്ദ്രിയേ ഝാനേ മഗ്ഗേ സമ്പയുത്തേ തീണി, അത്ഥിയാ തീണി, നത്ഥിയാ സത്ത, വിഗതേ സത്ത, അവിഗതേ തീണി (ഏവം ഗണേതബ്ബം).

അനുലോമം.

പച്ചനീയുദ്ധാരോ

൪൦. അതീതാരമ്മണോ ധമ്മോ അതീതാരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൧)

അതീതാരമ്മണോ ധമ്മോ അനാഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൨)

അതീതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൩)

൪൧. അനാഗതാരമ്മണോ ധമ്മോ അനാഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൧)

അനാഗതാരമ്മണോ ധമ്മോ അതീതാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൨)

അനാഗതാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൩)

൪൨. പച്ചുപ്പന്നാരമ്മണോ ധമ്മോ പച്ചുപ്പന്നാരമ്മണസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൧)

പച്ചുപ്പന്നാരമ്മണോ ധമ്മോ അതീതാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൨)

പച്ചുപ്പന്നാരമ്മണോ ധമ്മോ അനാഗതാരമ്മണസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… കമ്മപച്ചയേന പച്ചയോ. (൩)

൨. പച്ചയപച്ചനീയം

൨. സങ്ഖ്യാവാരോ

൪൩. നഹേതുയാ നവ, നആരമ്മണേ നവ, നഅധിപതിയാ നവ, നഅനന്തരേ നവ, നസമനന്തരേ നവ (സംഖിത്തം, സബ്ബത്ഥ നവ), നോവിഗതേ നവ, നോഅവിഗതേ നവ (ഏവം ഗണേതബ്ബം).

പച്ചനീയം.

൩. പച്ചയാനുലോമപച്ചനീയം

ഹേതുദുകം

൪൪. ഹേതുപച്ചയാ നആരമ്മണേ തീണി, നഅധിപതിയാ നഅനന്തരേ നസമനന്തരേ നഉപനിസ്സയേ നപുരേജാതേ നപച്ഛാജാതേ നആസേവനേ നകമ്മേ നവിപാകേ തീണി (സബ്ബത്ഥ തീണി, സംഖിത്തം), നോനത്ഥിയാ നോവിഗതേ തീണി (ഏവം ഗണേതബ്ബം).

അനുലോമപച്ചനീയം.

൪. പച്ചയപച്ചനീയാനുലോമം

നഹേതുദുകം

൪൫. നഹേതുപച്ചയാ ആരമ്മണേ നവ, അധിപതിയാ സത്ത, അനന്തരേ സത്ത, സമനന്തരേ സത്ത, സഹജാതേ തീണി, അഞ്ഞമഞ്ഞേ തീണി, നിസ്സയേ തീണി, ഉപനിസ്സയേ നവ, ആസേവനേ തീണി, കമ്മേ നവ, വിപാകേ തീണി, ആഹാരേ ഇന്ദ്രിയേ ഝാനേ മഗ്ഗേ സമ്പയുത്തേ അത്ഥിയാ തീണി, നത്ഥിയാ സത്ത, വിഗതേ സത്ത, അവിഗതേ തീണി (ഏവം ഗണേതബ്ബം).

പച്ചനീയാനുലോമം.

പഞ്ഹാവാരോ.

അതീതാരമ്മണത്തികം നിട്ഠിതം.