൨. സങ്ഖ്യാവാരോ

സുദ്ധം

൮൮. ഹേതുയാ സത്ത, ആരമ്മണേ ഛ, അധിപതിയാ പഞ്ച, അനന്തരേ സത്ത, സമനന്തരേ സത്ത, സഹജാതേ നവ, അഞ്ഞമഞ്ഞേ തീണി, നിസ്സയേ ഏകാദസ, ഉപനിസ്സയേ നവ, പുരേജാതേ സത്ത, പച്ഛാജാതേ നവ, ആസേവനേ ദ്വേ, കമ്മേ അട്ഠ, വിപാകേ ഛ, ആഹാരേ ദ്വാദസ, ഇന്ദ്രിയേ സത്ത, ഝാനേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ ദസ, അത്ഥിയാ തേവീസ, നത്ഥിയാ സത്ത, വിഗതേ സത്ത, അവിഗതേ തേവീസ.

സഭാഗം

ഹേതുപച്ചയാ അധിപതിയാ ചത്താരി, സഹജാതേ സത്ത, അഞ്ഞമഞ്ഞേ തീണി, നിസ്സയേ സത്ത, വിപാകേ ഛ, ഇന്ദ്രിയേ സത്ത, മഗ്ഗേ സത്ത, സമ്പയുത്തേ തീണി, വിപ്പയുത്തേ ചത്താരി, അത്ഥിയാ സത്ത, അവിഗതേ സത്ത (സംഖിത്തം).

(യഥാ കുസലത്തികസ്സ ഗണനാ സജ്ഝായമഗ്ഗേന ഗണിതാ, ഏവം ഗണേതബ്ബാ. കുസലത്തികസ്സ ഗണനതോ ഉപാദിന്നത്തികേ ഗണനാ ഗമ്ഭീരാ സുഖുമതരാ ച, ഏവം കാതൂന അസമ്മോഹന്തേന ഗണേതബ്ബം.)

അനുലോമം.

പച്ചനീയുദ്ധാരോ

൮൯. ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ … പച്ഛാജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ. (൧)

ഉപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൨)

ഉപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. (൩)

ഉപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ സഹജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൪)

അനുപാദിന്നുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൧)

അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… കമ്മപച്ചയേന പച്ചയോ… ആഹാരപച്ചയേന പച്ചയോ. (൨)

അനുപാദിന്നുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ. (൩)

അനുപാദിന്നുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ… ആഹാരപച്ചയേന പച്ചയോ. (൪)

൯൦. അനുപാദിന്നഅനുപാദാനിയോ ധമ്മോ അനുപാദിന്നഅനുപാദാനിയസ്സ ധമ്മസ്സ സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൧)

അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ധമ്മസ്സ ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൨)

അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ. (൩)

അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതം, പച്ഛാജാതം. (൪)

അനുപാദിന്നഅനുപാദാനിയോ ധമ്മോ അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതം, പച്ഛാജാതം. (൫)

അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതപച്ചയേന പച്ചയോ. (൬)

അനുപാദിന്നഅനുപാദാനിയോ ധമ്മോ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച അനുപാദിന്നഅനുപാദാനിയസ്സ ച ധമ്മസ്സ സഹജാതം, പച്ഛാജാതം. (൭)

ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പച്ഛാജാതം, ഇന്ദ്രിയം. (൧)

ഉപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നഅനുപാദാനിയസ്സ ധമ്മസ്സ സഹജാതം, പുരേജാതം. (൨)

അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പച്ഛാജാതം, ആഹാരം. (൧)

അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ സഹജാതം, പച്ഛാജാതം, ആഹാരം. (൨)

അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ പച്ഛാജാതം, ആഹാരം. (൩)

ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പുരേജാതം, പച്ഛാജാതം, ആഹാരം, ഇന്ദ്രിയം. (൧)

ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ അനുപാദിന്നുപാദാനിയസ്സ ധമ്മസ്സ സഹജാതം, പുരേജാതം, പച്ഛാജാതം, ആഹാരം. (൨)

ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപാദിന്നുപാദാനിയസ്സ ച അനുപാദിന്നുപാദാനിയസ്സ ച ധമ്മസ്സ ആഹാരം. (൩)

ഉപാദിന്നുപാദാനിയോ ച അനുപാദിന്നുപാദാനിയോ ച അനുപാദിന്നഅനുപാദാനിയോ ച ധമ്മാ ഉപാദിന്നുപാദാനിയസ്സ ധമ്മസ്സ പച്ഛാജാതം, ആഹാരം, ഇന്ദ്രിയം. (൧)