൧. വിഭങ്ഗവാരോ

നഹേതുപച്ചയോ

൩൬. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പച്ചയാ…പേ… അഹേതുകപടിസന്ധിക്ഖണേ…പേ… അസഞ്ഞസത്താനം ഏകം മഹാഭൂതം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ അഹേതുകാ ഉപാദിന്നുപാദാനിയാ ഖന്ധാ. (൧)

ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നുപാദാനിയേ ഖന്ധേ പച്ചയാ ചിത്തസമുട്ഠാനം രൂപം; വത്ഥും പച്ചയാ അഹേതുകാ അനുപാദിന്നുപാദാനിയാ ഖന്ധാ; വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ…. (൩)

അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകം അനുപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം…പേ… രൂപം; വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഹേതുപച്ചയാ – അഹേതുകേ ഉപാദിന്നുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അഹേതുകം അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ; വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൩൭. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നആരമ്മണപച്ചയാ (സംഖിത്തം).

നഅധിപതിപച്ചയോ

൩൮. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയം ഏകം ഖന്ധം പച്ചയാ…പേ…. (൧)

ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയേ ഖന്ധേ പച്ചയാ ചിത്തസമുട്ഠാനം രൂപം; വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നഅധിപതിപച്ചയാ – വത്ഥും പച്ചയാ അനുപാദിന്നഅനുപാദാനിയാ അധിപതി. (൩)

ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി നഅധിപതിപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ…. (൪)

അനുപാദിന്നുപാദാനിയം ധമ്മം പച്ചയാ. (ഏകാ പഞ്ഹാ.)

അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നഅധിപതിപച്ചയാ – അനുപാദിന്നഅനുപാദാനിയേ ഖന്ധേ പച്ചയാ അനുപാദിന്നഅനുപാദാനിയാ അധിപതി. (൧)

ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ന അധിപതിപച്ചയാ – അനുപാദിന്നഅനുപാദാനിയേ ഖന്ധേ ച വത്ഥുഞ്ച പച്ചയാ അനുപാദിന്നഅനുപാദാനിയാ അധിപതി. (൧)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നഅധിപതിപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

നഅനന്തരപച്ചയാദി

൩൯. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ… നപച്ഛാജാതപച്ചയാ… നആസേവനപച്ചയാ…പേ….

നകമ്മപച്ചയോ

൪൦. ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ അനുപാദിന്നുപാദാനിയാ ചേതനാ. (൧)

ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ കുസലാ അനുപാദിന്നഅനുപാദാനിയാ ചേതനാ. (൨)

അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – അനുപാദിന്നുപാദാനിയേ ഖന്ധേ പച്ചയാ അനുപാദിന്നുപാദാനിയാ ചേതനാ. ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പച്ചയാ…പേ…. (൧)

അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – കുസലേ അനുപാദിന്നഅനുപാദാനിയേ ഖന്ധേ പച്ചയാ അനുപാദിന്നഅനുപാദാനിയാ ചേതനാ. (൧)

ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നകമ്മപച്ചയാ – കുസലേ അനുപാദിന്നഅനുപാദാനിയേ ഖന്ധേ ച വത്ഥുഞ്ച പച്ചയാ അനുപാദിന്നഅനുപാദാനിയാ കുസലാ ചേതനാ. (൧)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നകമ്മപച്ചയാ – അനുപാദിന്നുപാദാനിയേ ഖന്ധേ ച വത്ഥുഞ്ച പച്ചയാ അനുപാദിന്നുപാദാനിയാ ചേതനാ. (൧)

നവിപാകപച്ചയോ

൪൧. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ – അസഞ്ഞസത്താനം ഏകം മഹാഭൂതം പച്ചയാ…പേ… (൧).

ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ; വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നവിപാകപച്ചയാ – വത്ഥും പച്ചയാ കുസലാ അനുപാദിന്നഅനുപാദാനിയാ ഖന്ധാ. (൩)

അനുപാദിന്നുപാദാനിയം ധമ്മം പച്ചയാ… ഏകാ.

അനുപാദിന്നഅനുപാദാനിയം ധമ്മം പച്ചയാ… തീണി.

ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി നവിപാകപച്ചയാ. (സംഖിത്തം.)

അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ. (സംഖിത്തം.)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി നവിപാകപച്ചയാ – അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ.

നആഹാരപച്ചയാദി

൪൨. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി നആഹാരപച്ചയാ… നഇന്ദ്രിയപച്ചയാ… നഝാനപച്ചയാ… നമഗ്ഗപച്ചയാ… നസമ്പയുത്തപച്ചയാ… നവിപ്പയുത്തപച്ചയാ… നോനത്ഥിപച്ചയാ… നോവിഗതപച്ചയാ (സംഖിത്തം).