൧. വിഭങ്ഗവാരോ

ഹേതുപച്ചയോ

൩൦. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ… പടിസന്ധിക്ഖണേ…പേ… ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ കടത്താരൂപം ഉപാദാരൂപം; വത്ഥും പച്ചയാ ഉപാദിന്നുപാദാനിയാ ഖന്ധാ. (൧)

ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയേ ഖന്ധേ പച്ചയാ ചിത്തസമുട്ഠാനം രൂപം; വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ അനുപാദിന്നഅനുപാദാനിയാ ഖന്ധാ. (൩)

ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ച അനുപാദിന്നുപാദാനിയോ ച ധമ്മാ ഉപ്പജ്ജന്തി ഹേതുപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ…. (൪)

൩൧. അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… ഏകാ.

അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ… തീണി.

ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – അനുപാദിന്നഅനുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൧)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ – ഉപാദിന്നുപാദാനിയേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം; അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

ആരമ്മണപച്ചയോ

൩൨. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ; പടിസന്ധിക്ഖണേ ഉപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ; വത്ഥും പച്ചയാ ഖന്ധാ; ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ ഉപാദിന്നുപാദാനിയാ ഖന്ധാ. (൧)

ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അനുപാദിന്നുപാദാനിയാ ഖന്ധാ. (൨)

ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അനുപാദിന്നഅനുപാദാനിയാ ഖന്ധാ. (൩)

അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നുപാദാനിയം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ. (൧)

അനുപാദിന്നഅനുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നഅനുപാദാനിയം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ. (൧)

ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നഅനുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി ആരമ്മണപച്ചയാ – അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

അധിപതിപച്ചയോ

൩൩. ഉപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ അനുപാദിന്നുപാദാനിയാ ഖന്ധാ. (൧)

ഉപാദിന്നുപാദാനിയം ധമ്മം പച്ചയാ അനുപാദിന്നഅനുപാദാനിയോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ അനുപാദിന്നഅനുപാദാനിയാ ഖന്ധാ. (൨)

അനുപാദിന്നുപാദാനിയം ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ… ഏകാ.

അനുപാദിന്നഅനുപാദാനിയം ധമ്മം പച്ചയാ… തിസ്സോ.

ഉപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ…പേ… അധിപതിപച്ചയാ…പേ…. (൧)

അനുപാദിന്നുപാദാനിയഞ്ച അനുപാദിന്നഅനുപാദാനിയഞ്ച ധമ്മം പച്ചയാ…പേ… അധിപതിപച്ചയാ. (൧)

ഉപാദിന്നുപാദാനിയഞ്ച അനുപാദിന്നുപാദാനിയഞ്ച ധമ്മം പച്ചയാ അനുപാദിന്നുപാദാനിയോ ധമ്മോ ഉപ്പജ്ജതി അധിപതിപച്ചയാ – അനുപാദിന്നുപാദാനിയം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

അനന്തരപച്ചയോ

൩൪. ഉപാദിന്നുപാദാനിയം ധമ്മം പച്ചയാ ഉപാദിന്നുപാദാനിയോ ധമ്മോ ഉപ്പജ്ജതി അനന്തരപച്ചയാ.

(ചതുവീസതിപച്ചയാ വിത്ഥാരേതബ്ബാ, അവിഗതപച്ചയാ.)