൩. വിപാകത്തികം

൧. പടിച്ചവാരോ

൧. പച്ചയാനുലോമം

൧. വിഭങ്ഗവാരോ

ഹേതുപച്ചയോ

൧. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി ഹേതുപച്ചയാ – വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; പടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ – വിപാകേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ വിപാകേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു. (൨)

വിപാകം ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ – വിപാകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം. (൩)

൨. വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി ഹേതുപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ – വിപാകധമ്മധമ്മേ ഖന്ധേ പടിച്ച ചിത്തസമുട്ഠാനം രൂപം. (൨)

വിപാകധമ്മധമ്മം പടിച്ച വിപാകധമ്മധമ്മോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൩. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ – നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

നേവവിപാകനവിപാകധമ്മധമ്മം പടിച്ച വിപാകോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ. (൨)

നേവവിപാകനവിപാകധമ്മധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ, മഹാഭൂതേ പടിച്ച കടത്താരൂപം. (൩)

൪. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ. (൧)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ – വിപാകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൨)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി ഹേതുപച്ചയാ – പടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ, വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൩)

൫. വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ – വിപാകധമ്മധമ്മേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

ആരമ്മണപച്ചയോ

൬. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി ആരമ്മണപച്ചയാ – വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; പടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

൭. വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി ആരമ്മണപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

൮. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ആരമ്മണപച്ചയാ – നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

നേവവിപാകനവിപാകധമ്മധമ്മം പടിച്ച വിപാകോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ. (൨)

൯. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി ആരമ്മണപച്ചയാ – പടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ. (൧)

അധിപതിപച്ചയോ

൧൦. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി അധിപതിപച്ചയാ – വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി അധിപതിപച്ചയാ – വിപാകേ ഖന്ധേ പടിച്ച ചിത്തസമുട്ഠാനം രൂപം. (൨)

വിപാകം ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി അധിപതിപച്ചയാ – വിപാകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

വിപാകധമ്മധമ്മം പടിച്ച തീണി.

൧൧. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി അധിപതിപച്ചയാ – നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം. (൧)

൧൨. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി അധിപതിപച്ചയാ – വിപാകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി അധിപതിപച്ചയാ – വിപാകധമ്മധമ്മേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

അനന്തരപച്ചയാദി

൧൩. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ… (ആരമ്മണപച്ചയസദിസം) സഹജാതപച്ചയാ… (സഹജാതം സബ്ബം ഹേതുപച്ചയസദിസം).

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി സഹജാതപച്ചയാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം (സഹജാതേ ഇദം നാനാകരണം).

അഞ്ഞമഞ്ഞപച്ചയോ

൧൪. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; പടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി അഞ്ഞമഞ്ഞപച്ചയാ – പടിസന്ധിക്ഖണേ വിപാകേ ഖന്ധേ പടിച്ച വത്ഥു. (൨)

വിപാകം ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി അഞ്ഞമഞ്ഞപച്ചയാ – പടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ വത്ഥു ച…പേ… ദ്വേ ഖന്ധേ പടിച്ച ദ്വേ ഖന്ധാ വത്ഥു ച. (൩)

വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി അഞ്ഞമഞ്ഞപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

൧൫. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി അഞ്ഞമഞ്ഞപച്ചയാ – നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ഏകം മഹാഭൂതം…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം…പേ…. (൧)

നേവവിപാകനവിപാകധമ്മധമ്മം പടിച്ച വിപാകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ. (൨)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി അഞ്ഞമഞ്ഞപച്ചയാ – പടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ. (൧)

നിസ്സയപച്ചയാദി

൧൬. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നിസ്സയപച്ചയാ (സംഖിത്തം)… ഉപനിസ്സയപച്ചയാ… പുരേജാതപച്ചയാ.

ആസേവനപച്ചയോ

൧൭. വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി ആസേവനപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ.

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി ആസേവനപച്ചയാ – നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ.

കമ്മ-വിപാകപച്ചയാ

൧൮. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി കമ്മപച്ചയാ (സംഖിത്തം)… വിപാകപച്ചയാ… തീണി.

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി വിപാകപച്ചയാ – ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

നേവവിപാകനവിപാകധമ്മധമ്മം പടിച്ച വിപാകോ ധമ്മോ ഉപ്പജ്ജതി വിപാകപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ. (൨)

നേവവിപാകനവിപാകധമ്മധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി വിപാകപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ, മഹാഭൂതേ പടിച്ച കടത്താരൂപം. (൩)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി വിപാകപച്ചയാ…പേ… നേവവിപാകനവിപാകധമ്മധമ്മോ ഉപ്പജ്ജതി വിപാകപച്ചയാ. വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി വിപാകപച്ചയാ…പേ….

ആഹാരപച്ചയാദി

൧൯. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി ആഹാരപച്ചയാ (സംഖിത്തം)… ഇന്ദ്രിയപച്ചയാ… ഝാനപച്ചയാ… മഗ്ഗപച്ചയാ… സമ്പയുത്തപച്ചയാ … വിപ്പയുത്തപച്ചയാ… അത്ഥിപച്ചയാ… നത്ഥിപച്ചയാ… വിഗതപച്ചയാ… അവിഗതപച്ചയാ.

൧. പച്ചയാനുലോമം

൨. സങ്ഖ്യാവാരോ

സുദ്ധം

൨൦. ഹേതുയാ തേരസ, ആരമ്മണേ പഞ്ച, അധിപതിയാ നവ, അനന്തരേ പഞ്ച, സമനന്തരേ പഞ്ച, സഹജാതേ തേരസ, അഞ്ഞമഞ്ഞേ സത്ത, നിസ്സയേ തേരസ, ഉപനിസ്സയേ പഞ്ച, പുരേജാതേ തീണി, ആസേവനേ ദ്വേ, കമ്മേ തേരസ, വിപാകേ നവ, ആഹാരേ തേരസ, ഇന്ദ്രിയേ തേരസ, ഝാനേ തേരസ, മഗ്ഗേ തേരസ, സമ്പയുത്തേ പഞ്ച, വിപ്പയുത്തേ തേരസ, അത്ഥിയാ തേരസ, നത്ഥിയാ പഞ്ച, വിഗതേ പഞ്ച, അവിഗതേ തേരസ.

ഹേതുദുകം

൨൧. ഹേതുപച്ചയാ ആരമ്മണേ പഞ്ച…പേ… അവിഗതേ തേരസ…പേ….

(യഥാ കുസലത്തികസ്സ ഗണനാ, ഏവം ഗണേതബ്ബം.)

ആസേവനദുകം

൨൨. ആസേവനപച്ചയാ ഹേതുയാ ദ്വേ, ആരമ്മണേ ദ്വേ, അധിപതിയാ ദ്വേ, അനന്തരേ ദ്വേ, സമനന്തരേ ദ്വേ, സഹജാതേ ദ്വേ, അഞ്ഞമഞ്ഞേ ദ്വേ, നിസ്സയേ ദ്വേ, ഉപനിസ്സയേ ദ്വേ, പുരേജാതേ ദ്വേ, കമ്മേ ദ്വേ, ആഹാരേ ദ്വേ, ഇന്ദ്രിയേ ദ്വേ, ഝാനേ ദ്വേ, മഗ്ഗേ ദ്വേ, സമ്പയുത്തേ ദ്വേ, വിപ്പയുത്തേ ദ്വേ, അത്ഥിയാ ദ്വേ, നത്ഥിയാ ദ്വേ, വിഗതേ ദ്വേ, അവിഗതേ ദ്വേ…പേ….

വിപാകദുകം

൨൩. വിപാകപച്ചയാ ഹേതുയാ നവ, ആരമ്മണേ തീണി, അധിപതിയാ പഞ്ച, അനന്തരേ തീണി, സമനന്തരേ തീണി, സഹജാതേ നവ, അഞ്ഞമഞ്ഞേ ഛ, നിസ്സയേ നവ, ഉപനിസ്സയേ തീണി, പുരേജാതേ ഏകം, കമ്മേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ തീണി, വിപ്പയുത്തേ നവ, അത്ഥിയാ നവ, നത്ഥിയാ തീണി, വിഗതേ തീണി, അവിഗതേ നവ (സംഖിത്തം).

അനുലോമഗണനാ.

൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൨൪. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നഹേതുപച്ചയാ – അഹേതുകം വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; അഹേതുകപടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ, തയോ ഖന്ധേ പടിച്ച ഏകോ ഖന്ധോ, ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നഹേതുപച്ചയാ – അഹേതുകേ വിപാകേ ഖന്ധേ പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ വിപാകേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു. (൨)

വിപാകം ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകം വിപാകം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം. (൩)

൨൫. വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നഹേതുപച്ചയാ – അഹേതുകം നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം, ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച കടത്താരൂപം ഉപാദാരൂപം. (൧)

നേവവിപാകനവിപാകധമ്മധമ്മം പടിച്ച വിപാകോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ വത്ഥും പടിച്ച വിപാകാ ഖന്ധാ. (൨)

നേവവിപാകനവിപാകധമ്മധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ വത്ഥും പടിച്ച വിപാകാ ഖന്ധാ, മഹാഭൂതേ പടിച്ച കടത്താരൂപം. (൩)

൨൬. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി നഹേതുപച്ചയാ – അഹേതുകപടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ. (൧)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നഹേതുപച്ചയാ – അഹേതുകേ വിപാകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; അഹേതുകപടിസന്ധിക്ഖണേ വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൨)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നഹേതുപച്ചയാ – അഹേതുകപടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ, വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൩)

നആരമ്മണപച്ചയോ

൨൭. വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ – വിപാകേ ഖന്ധേ പടിച്ച ചിത്തസമുട്ഠാനം രൂപം; പടിസന്ധിക്ഖണേ വിപാകേ ഖന്ധേ പടിച്ച കടത്താരൂപം, ഖന്ധേ പടിച്ച വത്ഥു. (൧)

൨൮. വിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ – വിപാകധമ്മധമ്മേ ഖന്ധേ പടിച്ച ചിത്തസമുട്ഠാനം രൂപം. (൧)

൨൯. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ – നേവവിപാകനവിപാകധമ്മധമ്മേ ഖന്ധേ പടിച്ച ചിത്തസമുട്ഠാനം രൂപം, ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ… മഹാഭൂതേ പടിച്ച കടത്താരൂപം ഉപാദാരൂപം. (൧)

൩൦. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ – വിപാകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൧)

൩൧. വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ – വിപാകധമ്മധമ്മേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നഅധിപതിപച്ചയോ

൩൨. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നഅധിപതിപച്ചയാ. (സംഖിത്തം. യഥാ അനുലോമം സഹജാതസദിസം.)

നഅനന്തരപച്ചയാദി

൩൩. വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നഅനന്തരപച്ചയാ … നസമനന്തരപച്ചയാ… നഅഞ്ഞമഞ്ഞപച്ചയാ…പേ… മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം, അസഞ്ഞസത്താനം മഹാഭൂതേ പടിച്ച കടത്താരൂപം ഉപാദാരൂപം (ഇദം നാനത്തം) നഅഞ്ഞമഞ്ഞപച്ചയാ… നഉപനിസ്സയപച്ചയാ… (സംഖിത്തം).

നപുരേജാതപച്ചയോ

൩൪. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നപുരേജാതപച്ചയാ – അരൂപേ വിപാകം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; പടിസന്ധിക്ഖണേ വിപാകം ഏകം ഖന്ധം (സംഖിത്തം). (൧)

വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നപുരേജാതപച്ചയാ – വിപാകേ ഖന്ധേ പടിച്ച ചിത്തസമുട്ഠാനം രൂപം, പടിസന്ധിക്ഖണേ (സംഖിത്തം). (൨)

വിപാകം ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ വിപാകം ഏകം ഖന്ധം പടിച്ച തയോ ഖന്ധാ കടത്താ ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ കടത്താ ച രൂപം. (൩)

വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി നപുരേജാതപച്ചയാ – അരൂപേ വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നപുരേജാതപച്ചയാ – വിപാകധമ്മധമ്മേ ഖന്ധേ പടിച്ച ചിത്തസമുട്ഠാനം രൂപം. (൨)

൩൫. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നപുരേജാതപച്ചയാ – അരൂപേ നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ, നേവവിപാകനവിപാകധമ്മധമ്മേ ഖന്ധേ പടിച്ച ചിത്തസമുട്ഠാനം രൂപം, ഏകം മഹാഭൂതം പടിച്ച തയോ മഹാഭൂതാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച…പേ…. (൧)

നേവവിപാകനവിപാകധമ്മധമ്മം പടിച്ച വിപാകോ ധമ്മോ ഉപ്പജ്ജതി നപുരേജാതപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ. (൨)

നേവവിപാകനവിപാകധമ്മധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ വത്ഥും പടിച്ച വിപാകാ ഖന്ധാ, മഹാഭൂതേ പടിച്ച കടത്താരൂപം. (൩)

൩൬. വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി നപുരേജാതപച്ചയാ – പടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ. (൧)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നപുരേജാതപച്ചയാ – വിപാകേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം; പടിസന്ധിക്ഖണേ വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൨)

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നപുരേജാതപച്ചയാ – പടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പടിച്ച ദ്വേ ഖന്ധാ; വിപാകേ ഖന്ധേ ച മഹാഭൂതേ ച പടിച്ച കടത്താരൂപം. (൩)

൩൭. വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നപുരേജാതപച്ചയാ – വിപാകധമ്മധമ്മേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം.

നപച്ഛാജാതപച്ചയാദി

൩൮. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നപച്ഛാജാതപച്ചയാ…പേ… നആസേവനപച്ചയാ (സംഖിത്തം).

നകമ്മപച്ചയോ

൩൯. വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി നകമ്മപച്ചയാ – വിപാകധമ്മധമ്മേ ഖന്ധേ പടിച്ച വിപാകധമ്മധമ്മാ ചേതനാ.

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നകമ്മപച്ചയാ – നേവവിപാകനവിപാകധമ്മധമ്മേ ഖന്ധേ പടിച്ച നേവവിപാകനവിപാകധമ്മധമ്മാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ഉപാദാരൂപം.

നവിപാകപച്ചയോ

൪൦. വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി നവിപാകപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ. (൧)

വിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നവിപാകപച്ചയാ – വിപാകധമ്മധമ്മേ ഖന്ധേ പടിച്ച ചിത്തസമുട്ഠാനം രൂപം. (൨)

വിപാകധമ്മധമ്മം പടിച്ച വിപാകധമ്മധമ്മോ ച നേവവിപാകനവിപാകധമ്മധമ്മോ ച ധമ്മാ ഉപ്പജ്ജന്തി നവിപാകപച്ചയാ – വിപാകധമ്മധമ്മം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൪൧. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നവിപാകപച്ചയാ – നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച ചിത്തസമുട്ഠാനം രൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച കടത്താരൂപം ഉപാദാരൂപം. (൧)

വിപാകധമ്മധമ്മഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നവിപാകപച്ചയാ – വിപാകധമ്മധമ്മേ ഖന്ധേ ച മഹാഭൂതേ ച പടിച്ച ചിത്തസമുട്ഠാനം രൂപം. (൧)

നആഹാരപച്ചയോ

൪൨. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നആഹാരപച്ചയാ – ബാഹിരം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച കടത്താരൂപം ഉപാദാരൂപം.

നഇന്ദ്രിയപച്ചയോ

൪൩. നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നഇന്ദ്രിയപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പടിച്ച തയോ മഹാഭൂതാ…പേ… അസഞ്ഞസത്താനം മഹാഭൂതേ പടിച്ച രൂപജീവിതിന്ദ്രിയം.

നഝാനപച്ചയോ

൪൪. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നഝാനപച്ചയാ – പഞ്ചവിഞ്ഞാണസഹഗതം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ.

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നഝാനപച്ചയാ – ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച…പേ….

നമഗ്ഗപച്ചയോ

൪൫. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം വിപാകം ഏകം ഖന്ധം പടിച്ച… തീണി.

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നമഗ്ഗപച്ചയാ – അഹേതുകം നേവവിപാകനവിപാകധമ്മധമ്മം ഏകം ഖന്ധം പടിച്ച… തീണി.

വിപാകഞ്ച നേവവിപാകനവിപാകധമ്മധമ്മഞ്ച ധമ്മം പടിച്ച വിപാകോ ധമ്മോ ഉപ്പജ്ജതി നമഗ്ഗപച്ചയാ – അഹേതുകപടിസന്ധിക്ഖണേ വിപാകം ഏകം ഖന്ധഞ്ച വത്ഥുഞ്ച പടിച്ച… തീണി.

നസമ്പയുത്തപച്ചയോ

൪൬. വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നസമ്പയുത്തപച്ചയാ… ദ്വേ.

വിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നസമ്പയുത്തപച്ചയാ… ദ്വേ.

നേവവിപാകനവിപാകധമ്മധമ്മം പടിച്ച… ഏകം.

നവിപ്പയുത്തപച്ചയോ

൪൭. വിപാകം ധമ്മം പടിച്ച വിപാകോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിപാകേ ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ.

വിപാകധമ്മധമ്മം പടിച്ച വിപാകധമ്മധമ്മോ ഉപ്പജ്ജതി നവിപ്പയുത്തപച്ചയാ – അരൂപേ വിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ.

നേവവിപാകനവിപാകധമ്മധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നവിപ്പയുത്തപച്ചയാ – അരൂപേ നേവവിപാകനവിപാകധമ്മധമ്മം ഏകം ഖന്ധം പടിച്ച തയോ ഖന്ധാ…പേ… ദ്വേ ഖന്ധേ പടിച്ച ദ്വേ ഖന്ധാ; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പടിച്ച തയോ മഹാഭൂതാ…പേ… മഹാഭൂതേ പടിച്ച കടത്താരൂപം ഉപാദാരൂപം.

നോനത്ഥി-നോവിഗതപച്ചയാ

൪൮. വിപാകം ധമ്മം പടിച്ച നേവവിപാകനവിപാകധമ്മധമ്മോ ഉപ്പജ്ജതി നോനത്ഥിപച്ചയാ… നോവിഗതപച്ചയാ (സംഖിത്തം).

൨. പച്ചയപച്ചനീയം

൨. സങ്ഖ്യാവാരോ

സുദ്ധം

൪൯. നഹേതുയാ ദസ, നആരമ്മണേ പഞ്ച, നഅധിപതിയാ തേരസ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ തേരസ, നആസേവനേ തേരസ, നകമ്മേ ദ്വേ, നവിപാകേ പഞ്ച, നആഹാരേ ഏകം, നഇന്ദ്രിയേ ഏകം, നഝാനേ ദ്വേ, നമഗ്ഗേ നവ, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച.

നഹേതുദുകം

൫൦. നഹേതുപച്ചയാ നആരമ്മണേ തീണി, നഅധിപതിയാ ദസ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ ദസ, നപച്ഛാജാതേ ദസ, നആസേവനേ ദസ, നകമ്മേ ഏകം, നവിപാകേ ദ്വേ, നആഹാരേ ഏകം, നഇന്ദ്രിയേ ഏകം, നഝാനേ ദ്വേ, നമഗ്ഗേ നവ, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി.

തികം

നഹേതുപച്ചയാ നആരമ്മണപച്ചയാ നഅധിപതിയാ തീണി, നഅനന്തരേ തീണി, നസമനന്തരേ തീണി…പേ… നകമ്മേ ഏകം, നവിപാകേ ഏകം, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ തീണി, നസമ്പയുത്തേ തീണി, നവിപ്പയുത്തേ ഏകം, നോനത്ഥിയാ തീണി, നോവിഗതേ തീണി (സംഖിത്തം).

നഹേതുമൂലകം.

(യഥാ കുസലത്തികേ സജ്ഝായമഗ്ഗേന ഗണിതം, ഏവം ഇധാപി ഗണേതബ്ബം.)

പച്ചനീയം.

൩. പച്ചയാനുലോമപച്ചനീയം

ഹേതുദുകം

൫൧. ഹേതുപച്ചയാ നആരമ്മണേ പഞ്ച, നഅധിപതിയാ തേരസ, നഅനന്തരേ പഞ്ച, നസമനന്തരേ പഞ്ച, നഅഞ്ഞമഞ്ഞേ പഞ്ച, നഉപനിസ്സയേ പഞ്ച, നപുരേജാതേ ദ്വാദസ, നപച്ഛാജാതേ തേരസ, നആസേവനേ തേരസ, നകമ്മേ ദ്വേ, നവിപാകേ പഞ്ച, നസമ്പയുത്തേ പഞ്ച, നവിപ്പയുത്തേ തീണി, നോനത്ഥിയാ പഞ്ച, നോവിഗതേ പഞ്ച.