൧. വിഭങ്ഗവാരോ

നഹേതുപച്ചയോ

൮. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം സുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

ദുക്ഖായ വേദനായ സമ്പയുത്തം ധമ്മം പടിച്ച ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി നഹേതുപച്ചയാ – ദുക്ഖസഹഗതം കായവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

അദുക്ഖമസുഖായ വേദനായ സമ്പയുത്തം ധമ്മം പടിച്ച അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി നഹേതുപച്ചയാ – അഹേതുകം അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; അഹേതുകപടിസന്ധിക്ഖണേ അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; വിചികിച്ഛാസഹഗതേ ഉദ്ധച്ചസഹഗതേ ഖന്ധേ പടിച്ച വിചികിച്ഛാസഹഗതോ ഉദ്ധച്ചസഹഗതോ മോഹോ.

നഅധിപതിപച്ചയോ

൯. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നഅധിപതിപച്ചയാ (നാധിപതി പരിപുണ്ണം പടിസന്ധികം).

നപുരേജാതപച്ചയോ

൧൦. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ സുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; പടിസന്ധിക്ഖണേ സുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

അദുക്ഖമസുഖായ വേദനായ സമ്പയുത്തം ധമ്മം പടിച്ച അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി നപുരേജാതപച്ചയാ – അരൂപേ അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; പടിസന്ധിക്ഖണേ അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

നപച്ഛാജാത-നആസേവനപച്ചയാ

൧൧. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ (നപച്ഛാജാതമ്പി നആസേവനമ്പി പരിപുണ്ണം പടിസന്ധികം).

നകമ്മപച്ചയോ

൧൨. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നകമ്മപച്ചയാ – സുഖായ വേദനായ സമ്പയുത്തേ ഖന്ധേ പടിച്ച സുഖായ വേദനായ സമ്പയുത്താ ചേതനാ.

ദുക്ഖായ വേദനായ സമ്പയുത്തം ധമ്മം പടിച്ച ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി നകമ്മപച്ചയാ – ദുക്ഖായ വേദനായ സമ്പയുത്തേ ഖന്ധേ പടിച്ച ദുക്ഖായ വേദനായ സമ്പയുത്താ ചേതനാ.

അദുക്ഖമസുഖായ വേദനായ സമ്പയുത്തം ധമ്മം പടിച്ച അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി നകമ്മപച്ചയാ – അദുക്ഖമസുഖായ വേദനായ സമ്പയുത്തേ ഖന്ധേ പടിച്ച അദുക്ഖമസുഖായ വേദനായ സമ്പയുത്താ ചേതനാ.

നവിപാക-നഝാനപച്ചയാ

൧൩. സുഖായ വേദനായ സമ്പയുത്തം ധമ്മം പടിച്ച ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി നവിപാകപച്ചയാ… നഝാനപച്ചയാ – സുഖസഹഗതം കായവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

ദുക്ഖായ വേദനായ സമ്പയുത്തം ധമ്മം പടിച്ച ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി നഝാനപച്ചയാ – ദുക്ഖസഹഗതം കായവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

അദുക്ഖമസുഖായ വേദനായ സമ്പയുത്തം ധമ്മം പടിച്ച അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി നഝാനപച്ചയാ – ചതുവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

നമഗ്ഗപച്ചയോ

൧൪. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം സുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

ദുക്ഖായ വേദനായ സമ്പയുത്തം ധമ്മം പടിച്ച ദുക്ഖായ വേദനായ സമ്പയുത്തോ ധമ്മോ ഉപ്പജ്ജതി നമഗ്ഗപച്ചയാ – ദുക്ഖസഹഗതം കായവിഞ്ഞാണസഹഗതം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

അദുക്ഖമസുഖായ വേദനായ സമ്പയുത്തം ധമ്മം പടിച്ച അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി നമഗ്ഗപച്ചയാ – അഹേതുകം അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ; അഹേതുകപടിസന്ധിക്ഖണേ അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

നവിപ്പയുത്തപച്ചയോ

൧൫. സുഖായ വേദനായ സമ്പയുത്തം ധമ്മം പടിച്ച സുഖായ വേദനായ സമ്പയുത്തോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ സുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.

അദുക്ഖമസുഖായ വേദനായ സമ്പയുത്തം ധമ്മം പടിച്ച അദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി നവിപ്പയുത്തപച്ചയാ – അരൂപേ അദുക്ഖമസുഖായ വേദനായ സമ്പയുത്തം ഏകം ഖന്ധം പടിച്ച ദ്വേ ഖന്ധാ, ദ്വേ ഖന്ധേ പടിച്ച ഏകോ ഖന്ധോ.