൧. വിഭങ്ഗവാരോ

ഹേതുപച്ചയോ

൩൮. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ – സുഖായ വേദനായ സമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ സുഖായ വേദനായ സമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ – ദുക്ഖായ വേദനായ സമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഹേതുപച്ചയേന പച്ചയോ – അദുക്ഖമസുഖായ വേദനായ സമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ; പടിസന്ധിക്ഖണേ അദുക്ഖമസുഖായ വേദനായ സമ്പയുത്താ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

ആരമ്മണപച്ചയോ

൩൯. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – സുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ സുഖായ വേദനായ സമ്പയുത്തേന ചിത്തേന പച്ചവേക്ഖതി. സുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ സുഖായ വേദനായ സമ്പയുത്തേന ചിത്തേന പച്ചവേക്ഖതി. അരിയാ സുഖായ വേദനായ സമ്പയുത്തേന ചിത്തേന സുഖായ വേദനായ സമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. സുഖായ വേദനായ സമ്പയുത്തേ ഖന്ധേ സുഖായ വേദനായ സമ്പയുത്തേന ചിത്തേന അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ സുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി; സുഖായ വേദനായ സമ്പയുത്തേ ഖന്ധേ ആരബ്ഭ സുഖായ വേദനായ സമ്പയുത്താ ഖന്ധാ ഉപ്പജ്ജന്തി. (൧)

സുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – സുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ വിപ്പടിസാരിസ്സ ദോമനസ്സം ഉപ്പജ്ജതി. സുഖായ വേദനായ സമ്പയുത്തേ ഝാനേ പരിഹീനേ വിപ്പടിസാരിസ്സ ദോമനസ്സം ഉപ്പജ്ജതി. സുഖായ വേദനായ സമ്പയുത്തേ ഖന്ധേ ആരബ്ഭ ദുക്ഖായ വേദനായ സമ്പയുത്താ ഖന്ധാ ഉപ്പജ്ജന്തി. (൨)

സുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – സുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ അദുക്ഖമസുഖായ വേദനായ സമ്പയുത്തേന ചിത്തേന പച്ചവേക്ഖതി. സുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ അദുക്ഖമസുഖായ വേദനായ സമ്പയുത്തേന ചിത്തേന പച്ചവേക്ഖതി. അരിയാ അദുക്ഖമസുഖായ വേദനായ സമ്പയുത്തേന ചിത്തേന സുഖായ വേദനായ സമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. സുഖായ വേദനായ സമ്പയുത്തേ ഖന്ധേ അദുക്ഖമസുഖായ വേദനായ സമ്പയുത്തേന ചിത്തേന അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ അദുക്ഖമസുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ഉദ്ധച്ചം ഉപ്പജ്ജതി, ചേതോപരിയഞാണേന സുഖായ വേദനായ സമ്പയുത്തചിത്തസമങ്ഗിസ്സ ചിത്തം ജാനാതി. സുഖായ വേദനായ സമ്പയുത്താ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. സുഖായ വേദനായ സമ്പയുത്തേ ഖന്ധേ ആരബ്ഭ അദുക്ഖമസുഖായ വേദനായ സമ്പയുത്താ ഖന്ധാ ഉപ്പജ്ജന്തി. (൩)

൪൦. ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – ദോസം ആരബ്ഭ ദോസോ ഉപ്പജ്ജതി, മോഹോ ഉപ്പജ്ജതി; ദുക്ഖായ വേദനായ സമ്പയുത്തം മോഹം ആരബ്ഭ മോഹോ ഉപ്പജ്ജതി, ദോസോ ഉപ്പജ്ജതി; ദുക്ഖസഹഗതം കായവിഞ്ഞാണം ആരബ്ഭ ദോസോ ഉപ്പജ്ജതി, മോഹോ ഉപ്പജ്ജതി; ദുക്ഖായ വേദനായ സമ്പയുത്തേ ഖന്ധേ ആരബ്ഭ ദുക്ഖായ വേദനായ സമ്പയുത്താ ഖന്ധാ ഉപ്പജ്ജന്തി. (൧)

ദുക്ഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അരിയാ സുഖായ വേദനായ സമ്പയുത്തേന ചിത്തേന ദുക്ഖായ വേദനായ സമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. ദുക്ഖായ വേദനായ സമ്പയുത്തേ ഖന്ധേ സുഖായ വേദനായ സമ്പയുത്തേന ചിത്തേന അനിച്ചതോ ദുക്ഖതോ അനത്തതോ വിപസ്സതി; ദുക്ഖായ വേദനായ സമ്പയുത്തേ ഖന്ധേ ആരബ്ഭ സുഖായ വേദനായ സമ്പയുത്താ ഖന്ധാ ഉപ്പജ്ജന്തി. (൨)

ദുക്ഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അരിയാ അദുക്ഖമസുഖായ വേദനായ സമ്പയുത്തേന ചിത്തേന ദുക്ഖായ വേദനായ സമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. ദുക്ഖായ വേദനായ സമ്പയുത്തേ ഖന്ധേ അദുക്ഖമസുഖായ വേദനായ സമ്പയുത്തേന ചിത്തേന അനിച്ചതോ ദുക്ഖതോ അനത്തതോ വിപസ്സതി; ചേതോപരിയഞാണേന ദുക്ഖായ വേദനായ സമ്പയുത്തചിത്തസമങ്ഗിസ്സ ചിത്തം ജാനന്തി. ദുക്ഖായ വേദനായ സമ്പയുത്താ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ – ദുക്ഖായ വേദനായ സമ്പയുത്തേ ഖന്ധേ ആരബ്ഭ അദുക്ഖമസുഖായ വേദനായ സമ്പയുത്താ ഖന്ധാ ഉപ്പജ്ജന്തി. (൩)

൪൧. അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അദുക്ഖമസുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ അദുക്ഖമസുഖായ വേദനായ സമ്പയുത്തേന ചിത്തേന പച്ചവേക്ഖതി. അദുക്ഖമസുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ അദുക്ഖമസുഖായ വേദനായ സമ്പയുത്തേന ചിത്തേന പച്ചവേക്ഖതി; അരിയാ അദുക്ഖമസുഖായ വേദനായ സമ്പയുത്തേന ചിത്തേന അദുക്ഖമസുഖായ വേദനായ സമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. അദുക്ഖമസുഖായ വേദനായ സമ്പയുത്തേ ഖന്ധേ അദുക്ഖമസുഖായ വേദനായ സമ്പയുത്തേന ചിത്തേന അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ അദുക്ഖമസുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി, വിചികിച്ഛാ ഉപ്പജ്ജതി, ഉദ്ധച്ചം ഉപ്പജ്ജതി; ചേതോപരിയഞാണേന അദുക്ഖമസുഖായ വേദനായ സമ്പയുത്തചിത്തസമങ്ഗിസ്സ ചിത്തം ജാനന്തി. ആകാസാനഞ്ചായതനം വിഞ്ഞാണഞ്ചായതനസ്സ ആരമ്മണപച്ചയേന പച്ചയോ. ആകിഞ്ചഞ്ഞായതനം നേവസഞ്ഞാനാസഞ്ഞായതനസ്സ ആരമ്മണപച്ചയേന പച്ചയോ. അദുക്ഖമസുഖായ വേദനായ സമ്പയുത്താ ഖന്ധാ ഇദ്ധിവിധഞാണസ്സ, ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ ആവജ്ജനായ ആരമ്മണപച്ചയേന പച്ചയോ. അദുക്ഖമസുഖായ വേദനായ സമ്പയുത്തേ ഖന്ധേ ആരബ്ഭ അദുക്ഖമസുഖായ വേദനായ സമ്പയുത്താ ഖന്ധാ ഉപ്പജ്ജന്തി. (൧)

അദുക്ഖമസുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അദുക്ഖമസുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ സുഖായ വേദനായ സമ്പയുത്തേന ചിത്തേന പച്ചവേക്ഖതി. അദുക്ഖമസുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ സുഖായ വേദനായ സമ്പയുത്തേന ചിത്തേന പച്ചവേക്ഖതി. അരിയാ സുഖായ വേദനായ സമ്പയുത്തേന ചിത്തേന അദുക്ഖമസുഖായ വേദനായ സമ്പയുത്തേ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ പച്ചവേക്ഖന്തി, പുബ്ബേ സമുദാചിണ്ണേ കിലേസേ ജാനന്തി. അദുക്ഖമസുഖായ വേദനായ സമ്പയുത്തേ ഖന്ധേ സുഖായ വേദനായ സമ്പയുത്തേന ചിത്തേന അനിച്ചതോ ദുക്ഖതോ അനത്തതോ വിപസ്സതി, അസ്സാദേതി അഭിനന്ദതി; തം ആരബ്ഭ സുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി; അദുക്ഖമസുഖായ വേദനായ സമ്പയുത്തേ ഖന്ധേ ആരബ്ഭ സുഖായ വേദനായ സമ്പയുത്താ ഖന്ധാ ഉപ്പജ്ജന്തി. (൨)

അദുക്ഖമസുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ആരമ്മണപച്ചയേന പച്ചയോ – അദുക്ഖമസുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ വിപ്പടിസാരിസ്സ ദോമനസ്സം ഉപ്പജ്ജതി, അദുക്ഖമസുഖായ വേദനായ സമ്പയുത്തേ ഝാനേ പരിഹീനേ വിപ്പടിസാരിസ്സ ദോമനസ്സം ഉപ്പജ്ജതി, അദുക്ഖമസുഖായ വേദനായ സമ്പയുത്തേ ഖന്ധേ ആരബ്ഭ ദുക്ഖായ വേദനായ സമ്പയുത്താ ഖന്ധാ ഉപ്പജ്ജന്തി. (൩)

അധിപതിപച്ചയോ

൪൨. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി.

ആരമ്മണാധിപതി – സുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ സുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. സുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ സുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. സുഖായ വേദനായ സമ്പയുത്തേ ഖന്ധേ സുഖായ വേദനായ സമ്പയുത്തേന ചിത്തേന ഗരും കത്വാ അസ്സാദേതി അഭിനന്ദതി; തം ഗരും കത്വാ സുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി.

സഹജാതാധിപതി – സുഖായ വേദനായ സമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ അധിപതിപച്ചയേന പച്ചയോ.

ആരമ്മണാധിപതി – സുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ അദുക്ഖമസുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. സുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ അദുക്ഖമസുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. സുഖായ വേദനായ സമ്പയുത്തേ ഖന്ധേ അദുക്ഖമസുഖായ വേദനായ സമ്പയുത്തേന ചിത്തേന ഗരും കത്വാ അസ്സാദേതി അഭിനന്ദതി; തം ഗരും കത്വാ അദുക്ഖമസുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

൪൩. ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ അധിപതിപച്ചയേന പച്ചയോ.

സഹജാതാധിപതി – ദുക്ഖായ വേദനായ സമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

൪൪. അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി.

ആരമ്മണാധിപതി – അദുക്ഖമസുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ അദുക്ഖമസുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. അദുക്ഖമസുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ അദുക്ഖമസുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. അദുക്ഖമസുഖായ വേദനായ സമ്പയുത്തേ ഖന്ധേ അദുക്ഖമസുഖായ വേദനായ സമ്പയുത്തേന ചിത്തേന ഗരും കത്വാ അസ്സാദേതി അഭിനന്ദതി; തം ഗരും കത്വാ അദുക്ഖമസുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി.

സഹജാതാധിപതി – അദുക്ഖമസുഖായ വേദനായ സമ്പയുത്താധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ അധിപതിപച്ചയേന പച്ചയോ.

ആരമ്മണാധിപതി – അദുക്ഖമസുഖായ വേദനായ സമ്പയുത്തേന ചിത്തേന ദാനം ദത്വാ, സീലം സമാദിയിത്വാ, ഉപോസഥകമ്മം കത്വാ സുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. അദുക്ഖമസുഖായ വേദനായ സമ്പയുത്താ ഝാനാ വുട്ഠഹിത്വാ, മഗ്ഗാ വുട്ഠഹിത്വാ, ഫലാ വുട്ഠഹിത്വാ സുഖായ വേദനായ സമ്പയുത്തേന ചിത്തേന തം ഗരും കത്വാ പച്ചവേക്ഖതി. അദുക്ഖമസുഖായ വേദനായ സമ്പയുത്തേ ഖന്ധേ സുഖായ വേദനായ സമ്പയുത്തേന ചിത്തേന ഗരും കത്വാ അസ്സാദേതി അഭിനന്ദതി; തം ഗരും കത്വാ സുഖായ വേദനായ സമ്പയുത്തോ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അനന്തരപച്ചയോ

൪൫. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സുഖായ വേദനായ സമ്പയുത്താ ഖന്ധാ പച്ഛിമാനം പച്ഛിമാനം സുഖായ വേദനായ സമ്പയുത്തകാനം ഖന്ധാനം അനന്തരപച്ചയേന പച്ചയോ. സുഖായ വേദനായ സമ്പയുത്തം അനുലോമം സുഖായ വേദനായ സമ്പയുത്തസ്സ ഗോത്രഭുസ്സ അനന്തരപച്ചയേന പച്ചയോ, അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ… മഗ്ഗോ ഫലസ്സ… ഫലം ഫലസ്സ… അനുലോമം സുഖായ വേദനായ സമ്പയുത്തായ ഫലസമാപത്തിയാ അനന്തരപച്ചയേന പച്ചയോ. സുഖായ വേദനായ സമ്പയുത്താ ഖന്ധാ സുഖായ വേദനായ സമ്പയുത്തസ്സ വുട്ഠാനസ്സ അനന്തരപച്ചയേന പച്ചയോ. (൧)

സുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – സുഖായ വേദനായ സമ്പയുത്തം ചുതിചിത്തം അദുക്ഖമസുഖായ വേദനായ സമ്പയുത്തസ്സ ഉപപത്തിചിത്തസ്സ അനന്തരപച്ചയേന പച്ചയോ. സുഖായ വേദനായ സമ്പയുത്തം ഭവങ്ഗം ആവജ്ജനായ അനന്തരപച്ചയേന പച്ചയോ. സുഖസഹഗതം കായവിഞ്ഞാണം വിപാകമനോധാതുയാ അനന്തരപച്ചയേന പച്ചയോ. സുഖായ വേദനായ സമ്പയുത്താ വിപാകമനോവിഞ്ഞാണധാതു കിരിയമനോവിഞ്ഞാണധാതുയാ അനന്തരപച്ചയേന പച്ചയോ. സുഖായ വേദനായ സമ്പയുത്തം ഭവങ്ഗം അദുക്ഖമസുഖായ വേദനായ സമ്പയുത്തസ്സ ഭവങ്ഗസ്സ അനന്തരപച്ചയേന പച്ചയോ. സുഖായ വേദനായ സമ്പയുത്തം കുസലാകുസലം അദുക്ഖമസുഖായ വേദനായ സമ്പയുത്തസ്സ വുട്ഠാനസ്സ… കിരിയം വുട്ഠാനസ്സ… ഫലം വുട്ഠാനസ്സ അനന്തരപച്ചയേന പച്ചയോ. (൨)

൪൬. ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ ദുക്ഖായ വേദനായ സമ്പയുത്താ ഖന്ധാ പച്ഛിമാനം പച്ഛിമാനം ദുക്ഖായ വേദനായ സമ്പയുത്തകാനം ഖന്ധാനം അനന്തരപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – ദുക്ഖസഹഗതം കായവിഞ്ഞാണം വിപാകമനോധാതുയാ അനന്തരപച്ചയേന പച്ചയോ. ദുക്ഖായ വേദനായ സമ്പയുത്താ ഖന്ധാ അദുക്ഖമസുഖായ വേദനായ സമ്പയുത്തസ്സ വുട്ഠാനസ്സ അനന്തരപച്ചയേന പച്ചയോ. (൨)

൪൭. അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അദുക്ഖമസുഖായ വേദനായ സമ്പയുത്താ ഖന്ധാ പച്ഛിമാനം പച്ഛിമാനം അദുക്ഖമസുഖായ വേദനായ സമ്പയുത്തകാനം ഖന്ധാനം അനന്തരപച്ചയേന പച്ചയോ. അദുക്ഖമസുഖായ വേദനായ സമ്പയുത്തം അനുലോമം അദുക്ഖമസുഖായ വേദനായ സമ്പയുത്തസ്സ ഗോത്രഭുസ്സ അനന്തരപച്ചയേന പച്ചയോ. അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ… മഗ്ഗോ ഫലസ്സ… ഫലം ഫലസ്സ… അനുലോമം ഫലസമാപത്തിയാ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം അദുക്ഖമസുഖായ വേദനായ സമ്പയുത്തായ ഫലസമാപത്തിയാ അനന്തരപച്ചയേന പച്ചയോ. അദുക്ഖമസുഖായ വേദനായ സമ്പയുത്താ ഖന്ധാ അദുക്ഖമസുഖായ വേദനായ സമ്പയുത്തസ്സ വുട്ഠാനസ്സ അനന്തരപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – അദുക്ഖമസുഖായ വേദനായ സമ്പയുത്തം ചുതിചിത്തം സുഖായ വേദനായ സമ്പയുത്തസ്സ ഉപപത്തിചിത്തസ്സ അനന്തരപച്ചയേന പച്ചയോ. ആവജ്ജനാ സുഖായ വേദനായ സമ്പയുത്തകാനം ഖന്ധാനം അനന്തരപച്ചയേന പച്ചയോ. വിപാകമനോധാതു സുഖായ വേദനായ സമ്പയുത്തായ വിപാകമനോവിഞ്ഞാണധാതുയാ അനന്തരപച്ചയേന പച്ചയോ. അദുക്ഖമസുഖായ വേദനായ സമ്പയുത്തം ഭവങ്ഗം സുഖായ വേദനായ സമ്പയുത്തസ്സ ഭവങ്ഗസ്സ അനന്തരപച്ചയേന പച്ചയോ. അദുക്ഖമസുഖായ വേദനായ സമ്പയുത്തം കുസലാകുസലം സുഖായ വേദനായ സമ്പയുത്തസ്സ വുട്ഠാനസ്സ… കിരിയം വുട്ഠാനസ്സ… ഫലം വുട്ഠാനസ്സ… നിരോധാ വുട്ഠഹന്തസ്സ നേവസഞ്ഞാനാസഞ്ഞായതനം സുഖായ വേദനായ സമ്പയുത്തായ ഫലസമാപത്തിയാ അനന്തരപച്ചയേന പച്ചയോ. (൨)

അദുക്ഖമസുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ ദുക്ഖായ വേദനായ സമ്പയുത്തകാനം ഖന്ധാനം അനന്തരപച്ചയേന പച്ചയോ. (൩)

സമനന്തരപച്ചയോ

൪൮. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ സമനന്തരപച്ചയേന പച്ചയോ (അനന്തരപച്ചയസദിസം).

സഹജാതപച്ചയോ

൪൯. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ സഹജാതപച്ചയേന പച്ചയോ – സുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം സഹജാതപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ സഹജാതപച്ചയേന പച്ചയോ. പടിസന്ധിക്ഖണേ സുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം സഹജാതപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ സഹജാതപച്ചയേന പച്ചയോ. (൧)

൫൦. ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ സഹജാതപച്ചയേന പച്ചയോ – ദുക്ഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം സഹജാതപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ സഹജാതപച്ചയേന പച്ചയോ. (ദുക്ഖായ വേദനായ സമ്പയുത്തപടിസന്ധി ന ലബ്ഭതി.) (൧)

൫൧. അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ സഹജാതപച്ചയേന പച്ചയോ – അദുക്ഖമസുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം സഹജാതപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ സഹജാതപച്ചയേന പച്ചയോ. പടിസന്ധിക്ഖണേ അദുക്ഖമസുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം സഹജാതപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ സഹജാതപച്ചയേന പച്ചയോ. (൧)

അഞ്ഞമഞ്ഞ-നിസ്സയപച്ചയാ

൫൨. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ (അഞ്ഞമഞ്ഞമ്പി നിസ്സയമ്പി സഹജാതപച്ചയസദിസം).

ഉപനിസ്സയപച്ചയോ

൫൩. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – സുഖായ വേദനായ സമ്പയുത്തം സദ്ധം ഉപനിസ്സായ സുഖായ വേദനായ സമ്പയുത്തേന ചിത്തേന ദാനം ദേതി, സീലം സമാദിയതി, ഉപോസഥകമ്മം കരോതി, സുഖായ വേദനായ സമ്പയുത്തം ഝാനം ഉപ്പാദേതി, വിപസ്സനം ഉപ്പാദേതി, മഗ്ഗം ഉപ്പാദേതി, സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. സുഖായ വേദനായ സമ്പയുത്തം സീലം… സുതം… ചാഗം… പഞ്ഞം… രാഗം… മോഹം… മാനം… ദിട്ഠിം… പത്ഥനം… സുഖസഹഗതം കായവിഞ്ഞാണം ഉപനിസ്സായ സുഖായ വേദനായ സമ്പയുത്തേന ചിത്തേന ദാനം ദേതി…പേ… സമാപത്തിം ഉപ്പാദേതി (സദ്ധാപഞ്ചമകേസു ‘‘മാനം ജപ്പേതി, ദിട്ഠിം ഗണ്ഹാതീ’’തി കാതബ്ബം, അവസേസേസു ന കാതബ്ബം). സുഖായ വേദനായ സമ്പയുത്തേന ചിത്തേന അദിന്നം ആദിയതി, മുസാ ഭണതി, പിസുണം ഭണതി, സമ്ഫം പലപതി, സന്ധിം ഛിന്ദതി, നില്ലോപം ഹരതി, ഏകാഗാരികം കരോതി, പരിപന്ഥേ തിട്ഠതി, പരദാരം ഗച്ഛതി, ഗാമഘാതം കരോതി, നിഗമഘാതം കരോതി. സുഖായ വേദനായ സമ്പയുത്താ സദ്ധാ… സീലം… സുതം… ചാഗോ… പഞ്ഞാ… രാഗോ… മോഹോ… മാനോ… ദിട്ഠി… പത്ഥനാ… സുഖസഹഗതം കായവിഞ്ഞാണം സുഖായ വേദനായ സമ്പയുത്തായ സദ്ധായ… സീലസ്സ… സുതസ്സ… ചാഗസ്സ… പഞ്ഞായ… രാഗസ്സ… മോഹസ്സ… മാനസ്സ… ദിട്ഠിയാ… പത്ഥനായ… സുഖസഹഗതസ്സ കായവിഞ്ഞാണസ്സ… സുഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൧)

സുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ.

പകതൂപനിസ്സയോ – സുഖായ വേദനായ സമ്പയുത്തം സദ്ധം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി. സുഖായ വേദനായ സമ്പയുത്തം സീലം… സുതം… ചാഗം… പഞ്ഞം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി. സുഖായ വേദനായ സമ്പയുത്തം രാഗം… മോഹം… മാനം… ദിട്ഠിം… പത്ഥനം… സുഖസഹഗതം കായവിഞ്ഞാണം ഉപനിസ്സായ പാണം ഹനതി. ദുക്ഖായ വേദനായ സമ്പയുത്തേന ചിത്തേന അദിന്നം ആദിയതി, മുസാ ഭണതി, പിസുണം ഭണതി, ഫരുസം ഭണതി, സമ്ഫം പലപതി, സന്ധിം ഛിന്ദതി, നില്ലോപം ഹരതി, ഏകാഗാരികം കരോതി, പരിപന്ഥേ തിട്ഠതി, പരദാരം ഗച്ഛതി, ഗാമഘാതം കരോതി, നിഗമഘാതം കരോതി, മാതരം ജീവിതാ വോരോപേതി, പിതരം ജീവിതാ വോരോപേതി, അരഹന്തം ജീവിതാ വോരോപേതി, ദുട്ഠേന ചിത്തേന തഥാഗതസ്സ ലോഹിതം ഉപ്പാദേതി, സങ്ഘം ഭിന്ദതി. സുഖായ വേദനായ സമ്പയുത്താ സദ്ധാ… സീലം… സുതം… ചാഗോ… പഞ്ഞാ… രാഗോ… മോഹോ… മാനോ… ദിട്ഠി… പത്ഥനാ… സുഖസഹഗതം കായവിഞ്ഞാണം ദോസസ്സ… മോഹസ്സ… ദുക്ഖസഹഗതസ്സ കായവിഞ്ഞാണസ്സ… ദുക്ഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൨)

സുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – സുഖായ വേദനായ സമ്പയുത്തം സദ്ധം ഉപനിസ്സായ അദുക്ഖമസുഖായ വേദനായ സമ്പയുത്തേന ചിത്തേന ദാനം ദേതി, സീലം സമാദിയതി, ഉപോസഥകമ്മം കരോതി, അദുക്ഖമസുഖായ വേദനായ സമ്പയുത്തം ഝാനം ഉപ്പാദേതി, വിപസ്സനം ഉപ്പാദേതി, മഗ്ഗം ഉപ്പാദേതി, അഭിഞ്ഞം ഉപ്പാദേതി, സമാപത്തിം ഉപ്പാദേതി, മാനം ജപ്പേതി, ദിട്ഠിം ഗണ്ഹാതി. സുഖായ വേദനായ സമ്പയുത്തം സീലം… സുതം… ചാഗം… പഞ്ഞം… രാഗം… മോഹം… മാനം… ദിട്ഠിം… പത്ഥനം… സുഖസഹഗതം കായവിഞ്ഞാണം ഉപനിസ്സായ അദുക്ഖമസുഖായ വേദനായ സമ്പയുത്തേന ചിത്തേന ദാനം ദേതി…പേ… സമാപത്തിം ഉപ്പാദേതി. അദുക്ഖമസുഖായ വേദനായ സമ്പയുത്തേന ചിത്തേന അദിന്നം ആദിയതി, മുസാ ഭണതി, പിസുണം ഭണതി, സമ്ഫം പലപതി [ഫരുസം ഭണതി, സമ്ഫം പലപതി (സീ. സ്യാ.)], സന്ധിം ഛിന്ദതി, നില്ലോപം ഹരതി, ഏകാഗാരികം കരോതി, പരിപന്ഥേ തിട്ഠതി, പരദാരം ഗച്ഛതി, ഗാമഘാതം കരോതി, നിഗമഘാതം കരോതി. സുഖായ വേദനായ സമ്പയുത്താ സദ്ധാ… സീലം… സുതം… ചാഗോ… പഞ്ഞാ… രാഗോ… മോഹോ… മാനോ… ദിട്ഠി… പത്ഥനാ… സുഖസഹഗതം കായവിഞ്ഞാണം അദുക്ഖമസുഖായ വേദനായ സമ്പയുത്തായ സദ്ധായ… സീലസ്സ… സുതസ്സ… ചാഗസ്സ… പഞ്ഞായ… രാഗസ്സ… മോഹസ്സ… മാനസ്സ… ദിട്ഠിയാ… പത്ഥനായ… അദുക്ഖമസുഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൩)

൫൪. ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – ദോസം ഉപനിസ്സായ പാണം ഹനതി, ദുക്ഖായ വേദനായ സമ്പയുത്തേന ചിത്തേന അദിന്നം ആദിയതി…പേ… സങ്ഘം ഭിന്ദതി. മോഹം, ദുക്ഖസഹഗതം കായവിഞ്ഞാണം ഉപനിസ്സായ പാണം ഹനതി, ദുക്ഖായ വേദനായ സമ്പയുത്തേന ചിത്തേന അദിന്നം ആദിയതി…പേ… സങ്ഘം ഭിന്ദതി. ദോസോ… മോഹോ… ദുക്ഖസഹഗതം കായവിഞ്ഞാണം ദോസസ്സ… മോഹസ്സ… ദുക്ഖസഹഗതസ്സ കായവിഞ്ഞാണസ്സ… ദുക്ഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ.

പകതൂപനിസ്സയോ – ദോസം ഉപനിസ്സായ സുഖായ വേദനായ സമ്പയുത്തേന ചിത്തേന ദാനം ദേതി…പേ… സമാപത്തിം ഉപ്പാദേതി. സുഖായ വേദനായ സമ്പയുത്തേന ചിത്തേന അദിന്നം ആദിയതി…പേ… നിഗമഘാതം കരോതി. മോഹം, ദുക്ഖസഹഗതം കായവിഞ്ഞാണം ഉപനിസ്സായ സുഖായ വേദനായ സമ്പയുത്തേന ചിത്തേന ദാനം ദേതി…പേ… നിഗമഘാതം കരോതി. ദോസോ… മോഹോ… ദുക്ഖസഹഗതം കായവിഞ്ഞാണം സുഖായ വേദനായ സമ്പയുത്തായ സദ്ധായ…പേ… സുഖസഹഗതസ്സ കായവിഞ്ഞാണസ്സ സുഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൨)

ദുക്ഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – ദോസം ഉപനിസ്സായ അദുക്ഖമസുഖായ വേദനായ സമ്പയുത്തേന ചിത്തേന ദാനം ദേതി…പേ… നിഗമഘാതം കരോതി. മോഹം, ദുക്ഖസഹഗതം കായവിഞ്ഞാണം ഉപനിസ്സായ അദുക്ഖമസുഖായ വേദനായ സമ്പയുത്തേന ചിത്തേന ദാനം ദേതി…പേ… നിഗമഘാതം കരോതി. ദോസോ… മോഹോ… ദുക്ഖസഹഗതം കായവിഞ്ഞാണം അദുക്ഖമസുഖായ വേദനായ സമ്പയുത്തായ സദ്ധായ…പേ… പത്ഥനായ… അദുക്ഖമസുഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൩)

൫൫. അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – അദുക്ഖമസുഖായ വേദനായ സമ്പയുത്തം സദ്ധം ഉപനിസ്സായ അദുക്ഖമസുഖായ വേദനായ സമ്പയുത്തേന ചിത്തേന ദാനം ദേതി…പേ… ദിട്ഠിം ഗണ്ഹാതി. അദുക്ഖമസുഖായ വേദനായ സമ്പയുത്തം സീലം… സുതം… ചാഗം… പഞ്ഞം… രാഗം… മോഹം… മാനം… ദിട്ഠിം… പത്ഥനം ഉപനിസ്സായ അദുക്ഖമസുഖായ വേദനായ സമ്പയുത്തേന ചിത്തേന ദാനം ദേതി…പേ… സമാപത്തിം ഉപ്പാദേതി. അദുക്ഖമസുഖായ വേദനായ സമ്പയുത്തേന ചിത്തേന അദിന്നം ആദിയതി…പേ… നിഗമഘാതം കരോതി. അദുക്ഖമസുഖായ വേദനായ സമ്പയുത്താ സദ്ധാ… സീലം… സുതം… ചാഗോ… പഞ്ഞാ… രാഗോ… മോഹോ… മാനോ… ദിട്ഠി… പത്ഥനാ… അദുക്ഖമസുഖായ വേദനായ സമ്പയുത്തായ സദ്ധായ…പേ… പത്ഥനായ അദുക്ഖമസുഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – അദുക്ഖമസുഖായ വേദനായ സമ്പയുത്തം സദ്ധം ഉപനിസ്സായ സുഖായ വേദനായ സമ്പയുത്തേന ചിത്തേന ദാനം ദേതി…പേ… ദിട്ഠിം ഗണ്ഹാതി. അദുക്ഖമസുഖായ വേദനായ സമ്പയുത്തം സീലം…പേ… പത്ഥനം ഉപനിസ്സായ സുഖായ വേദനായ സമ്പയുത്തേന ചിത്തേന ദാനം ദേതി…പേ… സമാപത്തിം ഉപ്പാദേതി. സുഖായ വേദനായ സമ്പയുത്തേന ചിത്തേന അദിന്നം ആദിയതി…പേ… നിഗമഘാതം കരോതി. അദുക്ഖമസുഖായ വേദനായ സമ്പയുത്താ സദ്ധാ…പേ… പത്ഥനാ സുഖായ വേദനായ സമ്പയുത്തായ സദ്ധായ…പേ… പത്ഥനായ… സുഖസഹഗതസ്സ കായവിഞ്ഞാണസ്സ സുഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൨)

അദുക്ഖമസുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ….

പകതൂപനിസ്സയോ – അദുക്ഖമസുഖായ വേദനായ സമ്പയുത്തം സദ്ധം ഉപനിസ്സായ അത്താനം ആതാപേതി പരിതാപേതി, പരിയിട്ഠിമൂലകം ദുക്ഖം പച്ചനുഭോതി. അദുക്ഖമസുഖായ വേദനായ സമ്പയുത്തം സീലം…പേ… പത്ഥനം ഉപനിസ്സായ പാണം ഹനതി. ദുക്ഖായ വേദനായ സമ്പയുത്തേന ചിത്തേന അദിന്നം ആദിയതി…പേ… സങ്ഘം ഭിന്ദതി. അദുക്ഖമസുഖായ വേദനായ സമ്പയുത്താ സദ്ധാ…പേ… പത്ഥനാ… ദോസസ്സ… മോഹസ്സ… ദുക്ഖസഹഗതസ്സ കായവിഞ്ഞാണസ്സ… ദുക്ഖായ വേദനായ സമ്പയുത്തകാനം ഖന്ധാനം ഉപനിസ്സയപച്ചയേന പച്ചയോ. (൩)

ആസേവനപച്ചയോ

൫൬. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ സുഖായ വേദനായ സമ്പയുത്താ ഖന്ധാ പച്ഛിമാനം പച്ഛിമാനം സുഖായ വേദനായ സമ്പയുത്തകാനം ഖന്ധാനം ആസേവനപച്ചയേന പച്ചയോ. സുഖായ വേദനായ സമ്പയുത്തം അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ ദുക്ഖായ വേദനായ സമ്പയുത്താ ഖന്ധാ പച്ഛിമാനം പച്ഛിമാനം ദുക്ഖായ വേദനായ സമ്പയുത്തകാനം ഖന്ധാനം ആസേവനപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ ആസേവനപച്ചയേന പച്ചയോ – പുരിമാ പുരിമാ അദുക്ഖമസുഖായ വേദനായ സമ്പയുത്താ ഖന്ധാ പച്ഛിമാനം പച്ഛിമാനം അദുക്ഖമസുഖായ വേദനായ സമ്പയുത്തകാനം ഖന്ധാനം ആസേവനപച്ചയേന പച്ചയോ. അദുക്ഖമസുഖായ വേദനായ സമ്പയുത്തം അനുലോമം ഗോത്രഭുസ്സ… അനുലോമം വോദാനസ്സ… ഗോത്രഭു മഗ്ഗസ്സ… വോദാനം മഗ്ഗസ്സ ആസേവനപച്ചയേന പച്ചയോ. (൧)

കമ്മപച്ചയോ

൫൭. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ [നാനാഖണികാ (ക.)]. സഹജാതാ – സുഖായ വേദനായ സമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. പടിസന്ധിക്ഖണേ…പേ…. നാനാക്ഖണികാ – സുഖായ വേദനായ സമ്പയുത്താ ചേതനാ വിപാകാനം സുഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

സുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – സുഖായ വേദനായ സമ്പയുത്താ ചേതനാ വിപാകാനം ദുക്ഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൨)

സുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – സുഖായ വേദനായ സമ്പയുത്താ ചേതനാ വിപാകാനം അദുക്ഖമസുഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൩)

൫൮. ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – ദുക്ഖായ വേദനായ സമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. നാനാക്ഖണികാ – ദുക്ഖായ വേദനായ സമ്പയുത്താ ചേതനാ വിപാകാനം ദുക്ഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – ദുക്ഖായ വേദനായ സമ്പയുത്താ ചേതനാ വിപാകാനം അദുക്ഖമസുഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൨)

൫൯. അദുക്ഖമസുഖായ വേദനായ സമ്പയുത്തോ ധമ്മോ അദുക്ഖമസുഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അദുക്ഖമസുഖായ വേദനായ സമ്പയുത്താ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. പടിസന്ധിക്ഖണേ…പേ…. നാനാക്ഖണികാ – അദുക്ഖമസുഖായ വേദനായ സമ്പയുത്താ ചേതനാ വിപാകാനം അദുക്ഖമസുഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അദുക്ഖമസുഖായ വേദനായ സമ്പയുത്താ ചേതനാ വിപാകാനം സുഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൨)

അദുക്ഖമസുഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ കമ്മപച്ചയേന പച്ചയോ. നാനാക്ഖണികാ – അദുക്ഖമസുഖായ വേദനായ സമ്പയുത്താ ചേതനാ വിപാകാനം ദുക്ഖായ വേദനായ സമ്പയുത്തകാനം ഖന്ധാനം കമ്മപച്ചയേന പച്ചയോ. (൩)

വിപാകപച്ചയോ

൬൦. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ വിപാകപച്ചയേന പച്ചയോ – വിപാകോ സുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം വിപാകപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ വിപാകപച്ചയേന പച്ചയോ. പടിസന്ധിക്ഖണേ സുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം വിപാകപച്ചയേന പച്ചയോ. ദ്വേ ഖന്ധാ ഏകസ്സ ഖന്ധസ്സ…പേ…. (൧)

ദുക്ഖായ വേദനായ സമ്പയുത്തോ ധമ്മോ ദുക്ഖായ വേദനായ സമ്പയുത്തസ്സ ധമ്മസ്സ വിപാകപച്ചയേന പച്ചയോ – വിപാകോ ദുക്ഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം വിപാകപച്ചയേന പച്ചയോ …പേ…. (൧)

അദുക്ഖമസുഖായ വേദനായ…പേ… വിപാകോ അദുക്ഖമസുഖായ വേദനായ സമ്പയുത്തോ ഏകോ ഖന്ധോ ദ്വിന്നം ഖന്ധാനം…പേ… പടിസന്ധിക്ഖണേ…പേ…. (൧)

ആഹാരപച്ചയാദി

൬൧. സുഖായ വേദനായ സമ്പയുത്തോ ധമ്മോ സുഖായ വേദനായ സമ്പയുത്തസ്സ ധമ്മസ്സ ആഹാരപച്ചയേന പച്ചയോ…പേ… ഇന്ദ്രിയപച്ചയേന പച്ചയോ…പേ… ഝാനപച്ചയേന പച്ചയോ…പേ… മഗ്ഗപച്ചയേന പച്ചയോ…പേ… സമ്പയുത്തപച്ചയേന പച്ചയോ…പേ… അത്ഥിപച്ചയേന പച്ചയോ…പേ… നത്ഥിപച്ചയേന പച്ചയോ…പേ… വിഗതപച്ചയേന പച്ചയോ…പേ… അവിഗതപച്ചയേന പച്ചയോ…പേ….