൧. വിഭങ്ഗവാരോ

ഹേതുപച്ചയോ

൨൩൪. കുസലം ധമ്മം സഹജാതോ കുസലോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധം സഹജാതാ തയോ ഖന്ധാ, തയോ ഖന്ധേ സഹജാതോ ഏകോ ഖന്ധോ, ദ്വേ ഖന്ധേ സഹജാതാ ദ്വേ ഖന്ധാ. കുസലം ധമ്മം സഹജാതോ അബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ സഹജാതം ചിത്തസമുട്ഠാനം രൂപം. കുസലം ധമ്മം സഹജാതോ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – കുസലം ഏകം ഖന്ധം സഹജാതാ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ സഹജാതോ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ സഹജാതാ ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൨൩൫. അകുസലം ധമ്മം സഹജാതോ അകുസലോ ധമ്മോ ഉപ്പജ്ജതി ഹേതുപച്ചയാ – അകുസലം ഏകം ഖന്ധം സഹജാതാ തയോ ഖന്ധാ, തയോ ഖന്ധേ സഹജാതോ ഏകോ ഖന്ധോ, ദ്വേ ഖന്ധേ സഹജാതാ ദ്വേ ഖന്ധാ. അകുസലം ധമ്മം സഹജാതോ അബ്യാകതോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ സഹജാതം ചിത്തസമുട്ഠാനം രൂപം. അകുസലം ധമ്മം സഹജാതോ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – അകുസലം ഏകം ഖന്ധം സഹജാതാ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ സഹജാതോ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ സഹജാതാ ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൨൩൬. അബ്യാകതം ധമ്മം സഹജാതോ അബ്യാകതോ ധമ്മോ ഉപ്പജ്ജതി ഹേതുപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം സഹജാതാ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ സഹജാതോ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ സഹജാതാ ദ്വേ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വിപാകാബ്യാകതം ഏകം ഖന്ധം സഹജാതാ തയോ ഖന്ധാ കടത്താ ച രൂപം, തയോ ഖന്ധേ സഹജാതോ ഏകോ ഖന്ധോ കടത്താ ച രൂപം, ദ്വേ ഖന്ധേ സഹജാതാ ദ്വേ ഖന്ധാ കടത്താ ച രൂപം; ഖന്ധേ സഹജാതം വത്ഥു, വത്ഥും സഹജാതാ ഖന്ധാ; ഏകം മഹാഭൂതം സഹജാതാ തയോ മഹാഭൂതാ, തയോ മഹാഭൂതേ സഹജാതം ഏകം മഹാഭൂതം, ദ്വേ മഹാഭൂതേ സഹജാതാ ദ്വേ മഹാഭൂതാ, മഹാഭൂതേ സഹജാതം ചിത്തസമുട്ഠാനം രൂപം കടത്താരൂപം ഉപാദാരൂപം. (൧)

൨൩൭. കുസലഞ്ച അബ്യാകതഞ്ച ധമ്മം സഹജാതോ അബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ ച മഹാഭൂതേ ച സഹജാതം ചിത്തസമുട്ഠാനം രൂപം. (൧)

അകുസലഞ്ച അബ്യാകതഞ്ച ധമ്മം സഹജാതോ അബ്യാകതോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ ച മഹാഭൂതേ ച സഹജാതം ചിത്തസമുട്ഠാനം രൂപം. (൧)

(യഥാ പടിച്ചവാരേ ഏവം വിത്ഥാരേതബ്ബം.)