൧. വിഭങ്ഗവാരോ

ഹേതുപച്ചയോ

൩൨൯. കുസലം ധമ്മം നിസ്സായ കുസലോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധം നിസ്സായ തയോ ഖന്ധാ, തയോ ഖന്ധേ നിസ്സായ ഏകോ ഖന്ധോ, ദ്വേ ഖന്ധേ നിസ്സായ ദ്വേ ഖന്ധാ. കുസലം ധമ്മം നിസ്സായ അബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ നിസ്സായ ചിത്തസമുട്ഠാനം രൂപം. കുസലം ധമ്മം നിസ്സായ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. കുസലം ഏകം ഖന്ധം നിസ്സായ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ നിസ്സായ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ നിസ്സായ ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൩൩൦. അകുസലം ധമ്മം നിസ്സായ അകുസലോ ധമ്മോ ഉപ്പജ്ജതി ഹേതുപച്ചയാ – അകുസലം ഏകം ഖന്ധം നിസ്സായ തയോ ഖന്ധാ…പേ… ദ്വേ ഖന്ധേ നിസ്സായ ദ്വേ ഖന്ധാ. അകുസലം ധമ്മം നിസ്സായ അബ്യാകതോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ നിസ്സായ ചിത്തസമുട്ഠാനം രൂപം. അകുസലം ധമ്മം നിസ്സായ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – അകുസലം ഏകം ഖന്ധം നിസ്സായ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ നിസ്സായ ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൩൩൧. അബ്യാകതം ധമ്മം നിസ്സായ അബ്യാകതോ ധമ്മോ ഉപ്പജ്ജതി ഹേതുപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം നിസ്സായ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ നിസ്സായ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ നിസ്സായ ദ്വേ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വിപാകാബ്യാകതം ഏകം ഖന്ധം നിസ്സായ തയോ ഖന്ധാ കടത്താ ച രൂപം, തയോ ഖന്ധേ നിസ്സായ ഏകോ ഖന്ധോ കടത്താ ച രൂപം, ദ്വേ ഖന്ധേ നിസ്സായ ദ്വേ ഖന്ധാ കടത്താ ച രൂപം; ഖന്ധേ നിസ്സായ വത്ഥു, വത്ഥും നിസ്സായ ഖന്ധാ; ഏകം മഹാഭൂതം നിസ്സായ തയോ മഹാഭൂതാ, തയോ മഹാഭൂതേ നിസ്സായ ഏകം മഹാഭൂതം, ദ്വേ മഹാഭൂതേ നിസ്സായ ദ്വേ മഹാഭൂതാ, മഹാഭൂതേ നിസ്സായ ചിത്തസമുട്ഠാനം രൂപം കടത്താരൂപം ഉപാദാരൂപം; വത്ഥും നിസ്സായ വിപാകാബ്യാകതാ കിരിയാബ്യാകതാ ഖന്ധാ. (൧)

അബ്യാകതം ധമ്മം നിസ്സായ കുസലോ ധമ്മോ ഉപ്പജ്ജതി ഹേതുപച്ചയാ – വത്ഥും നിസ്സായ കുസലാ ഖന്ധാ. (൨)

അബ്യാകതം ധമ്മം നിസ്സായ അകുസലോ ധമ്മോ ഉപ്പജ്ജതി ഹേതുപച്ചയാ – വത്ഥും നിസ്സായ അകുസലാ ഖന്ധാ. (൩)

അബ്യാകതം ധമ്മം നിസ്സായ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും നിസ്സായ കുസലാ ഖന്ധാ, മഹാഭൂതേ നിസ്സായ ചിത്തസമുട്ഠാനം രൂപം. (൪)

അബ്യാകതം ധമ്മം നിസ്സായ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും നിസ്സായ അകുസലാ ഖന്ധാ, മഹാഭൂതേ നിസ്സായ ചിത്തസമുട്ഠാനം രൂപം. (൫)

൩൩൨. കുസലഞ്ച അബ്യാകതഞ്ച ധമ്മം നിസ്സായ കുസലോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധഞ്ച വത്ഥുഞ്ച നിസ്സായ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച നിസ്സായ ദ്വേ ഖന്ധാ. കുസലഞ്ച അബ്യാകതഞ്ച ധമ്മം നിസ്സായ അബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ ച മഹാഭൂതേ ച നിസ്സായ ചിത്തസമുട്ഠാനം രൂപം. കുസലഞ്ച അബ്യാകതഞ്ച ധമ്മം നിസ്സായ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – കുസലം ഏകം ഖന്ധഞ്ച വത്ഥുഞ്ച നിസ്സായ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച നിസ്സായ ദ്വേ ഖന്ധാ, കുസലേ ഖന്ധേ ച മഹാഭൂതേ ച നിസ്സായ ചിത്തസമുട്ഠാനം രൂപം. (൩)

അകുസലഞ്ച അബ്യാകതഞ്ച ധമ്മം നിസ്സായ അകുസലോ ധമ്മോ ഉപ്പജ്ജതി ഹേതുപച്ചയാ – അകുസലം ഏകം ഖന്ധഞ്ച വത്ഥുഞ്ച നിസ്സായ തയോ ഖന്ധാ …പേ… ദ്വേ ഖന്ധേ ച വത്ഥുഞ്ച നിസ്സായ ദ്വേ ഖന്ധാ. അകുസലഞ്ച അബ്യാകതഞ്ച ധമ്മം നിസ്സായ അബ്യാകതോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ ച മഹാഭൂതേ ച നിസ്സായ ചിത്തസമുട്ഠാനം രൂപം. അകുസലഞ്ച അബ്യാകതഞ്ച ധമ്മം നിസ്സായ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – അകുസലം ഏകം ഖന്ധഞ്ച വത്ഥുഞ്ച നിസ്സായ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച നിസ്സായ ദ്വേ ഖന്ധാ, അകുസലേ ഖന്ധേ ച മഹാഭൂതേ ച നിസ്സായ ചിത്തസമുട്ഠാനം രൂപം. (൩)

(യഥാ പച്ചയവാരേ, ഏവം വിത്ഥാരേതബ്ബം.)