൨. പച്ചയപച്ചനീയം

൧. വിഭങ്ഗവാരോ

നഹേതുപച്ചയോ

൨൭൭. അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി ന ഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി നഹേതുപച്ചയാ – അഹേതുകം വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം; അഹേതുകപടിസന്ധിക്ഖണേ വിപാകാബ്യാകതം ഏകം ഖന്ധം പച്ചയാ തയോ ഖന്ധാ കടത്താ ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ കടത്താ ച രൂപം; ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം; ബാഹിരം … ആഹാരസമുട്ഠാനം… ഉതുസമുട്ഠാനം … അസഞ്ഞസത്താനം ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ കടത്താരൂപം ഉപാദാരൂപം. ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ അഹേതുകാ വിപാകാബ്യാകതാ കിരിയാബ്യാകതാ ഖന്ധാ. (൧)

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി നഹേതുപച്ചയാ – വത്ഥും പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൨)

അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി നഹേതുപച്ചയാ – വിചികിച്ഛാസഹഗതേ ഉദ്ധച്ചസഹഗതേ ഖന്ധേ ച വത്ഥുഞ്ച പച്ചയാ വിചികിച്ഛാസഹഗതോ ഉദ്ധച്ചസഹഗതോ മോഹോ. (൧)

നആരമ്മണപച്ചയോ

൨൭൮. കുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി നആരമ്മണപച്ചയാ – കുസലേ ഖന്ധേ പച്ചയാ ചിത്തസമുട്ഠാനം രൂപം.

(യഥാ പടിച്ചവാരേ നആരമ്മണപച്ചയാ, ഏവം വിത്ഥാരേതബ്ബം.)

നഅധിപതിപച്ചയോ

൨൭൯. കുസലം ധമ്മം പച്ചയാ കുസലോ ധമ്മോ ഉപ്പജ്ജതി നഅധിപതിപച്ചയാ – കുസലം ഏകം ഖന്ധം പച്ചയാ… തീണി.

അകുസലം ധമ്മം പച്ചയാ… തീണി.

അബ്യാകതം ധമ്മം പച്ചയാ…പേ… പടിസന്ധിക്ഖണേ…പേ… (അബ്യാകതം പരിപുണ്ണം കാതബ്ബം). ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പച്ചയാ…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി നഅധിപതിപച്ചയാ, വത്ഥും പച്ചയാ കുസലാ ഖന്ധാ…പേ….

(യഥാ അനുലോമേ സഹജാതപച്ചയം, ഏവം ഗണേതബ്ബം.)

നഅനന്തരാദിപച്ചയാ

൨൮൦. കുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി നഅനന്തരപച്ചയാ… നസമനന്തരപച്ചയാ… നഅഞ്ഞമഞ്ഞപച്ചയാ… നഉപനിസ്സയപച്ചയാ… നപുരേജാതപച്ചയാ.

(യഥാ പടിച്ചവാരേ, ഏവം വിത്ഥാരേതബ്ബം.)

നപച്ഛാജാതാദിപച്ചയാ

൨൮൧. കുസലം ധമ്മം പച്ചയാ കുസലോ ധമ്മോ ഉപ്പജ്ജതി നപച്ഛാജാതപച്ചയാ… നആസേവനപച്ചയാ…പേ… ചക്ഖായതനം പച്ചയാ…പേ… (നപച്ഛാജാതപച്ചയമ്പി നആസേവനപച്ചയമ്പി പരിപുണ്ണം, സത്തരസ.)

(യഥാ അനുലോമേ സഹജാതപച്ചയം, ഏവം വിത്ഥാരേതബ്ബം.)

നകമ്മപച്ചയോ

൨൮൨. കുസലം ധമ്മം പച്ചയാ കുസലോ ധമ്മോ ഉപ്പജ്ജതി നകമ്മപച്ചയാ – കുസലേ ഖന്ധേ പച്ചയാ കുസലാ ചേതനാ. (൧)

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി നകമ്മപച്ചയാ – അകുസലേ ഖന്ധേ പച്ചയാ അകുസലാ ചേതനാ. (൧)

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി നകമ്മപച്ചയാ, കിരിയാബ്യാകതേ ഖന്ധേ പച്ചയാ കിരിയാബ്യാകതാ ചേതനാ; ബാഹിരം… ആഹാരസമുട്ഠാനം… ഉതുസമുട്ഠാനം ഏകം മഹാഭൂതം പച്ചയാ…പേ… ഉപാദാരൂപം, വത്ഥും പച്ചയാ കിരിയാബ്യാകതാ ചേതനാ. (൧)

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ കുസലാ ചേതനാ. (൨)

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി നകമ്മപച്ചയാ – വത്ഥും പച്ചയാ അകുസലാ ചേതനാ. (൩)

കുസലഞ്ച അബ്യാകതഞ്ച ധമ്മം പച്ചയാ കുസലോ ധമ്മോ ഉപ്പജ്ജതി നകമ്മപച്ചയാ – കുസലേ ഖന്ധേ ച വത്ഥുഞ്ച പച്ചയാ കുസലാ ചേതനാ. (൧)

അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി നകമ്മപച്ചയാ – അകുസലേ ഖന്ധേ ച വത്ഥുഞ്ച പച്ചയാ അകുസലാ ചേതനാ. (൧)

നവിപാകപച്ചയോ

൨൮൩. കുസലം ധമ്മം പച്ചയാ കുസലോ ധമ്മോ ഉപ്പജ്ജതി നവിപാകപച്ചയാ – കുസലം ഏകം ഖന്ധം പച്ചയാ… തീണി.

അകുസലം ധമ്മം പച്ചയാ… തീണി.

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി നവിപാകപച്ചയാ – കിരിയാബ്യാകതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം, ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ ചിത്തസമുട്ഠാനം രൂപം ഉപാദാരൂപം; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ കടത്താരൂപം ഉപാദാരൂപം, വത്ഥും പച്ചയാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി നവിപാകപച്ചയാ – വത്ഥും പച്ചയാ കുസലാ ഖന്ധാ.

(വിപാകം ഠപേത്വാ സബ്ബത്ഥ വിത്ഥാരേതബ്ബം.)

നആഹാരാദിപച്ചയാ

൨൮൪. അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി നആഹാരപച്ചയാ… നഇന്ദ്രിയപച്ചയാ… നഝാനപച്ചയാ…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. (ന ഝാനേ ഇദം നാനാകരണം.) നമഗ്ഗപച്ചയാ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം. വത്ഥും പച്ചയാ അഹേതുകവിപാകാബ്യാകതാ കിരിയാബ്യാകതാ ഖന്ധാ. (നമഗ്ഗേ ഇദം നാനാകരണം.)

(അവസേസം യഥാ പടിച്ചവാരേ പച്ചനീയം, ഏവം വിത്ഥാരേതബ്ബം.)

നസമ്പയുത്താദിപച്ചയാ

൨൮൫. നസമ്പയുത്തപച്ചയാ … നവിപ്പയുത്തപച്ചയാ… നോനത്ഥിപച്ചയാ… കുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി നോവിഗതപച്ചയാ – കുസലേ ഖന്ധേ പച്ചയാ ചിത്തസമുട്ഠാനം രൂപം.

(യഥാ പടിച്ചവാരേ, ഏവം വിത്ഥാരേതബ്ബം.)