൧. വിഭങ്ഗവാരോ

ഹേതുപച്ചയോ

൨൪൩. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ. കുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ പച്ചയാ ചിത്തസമുട്ഠാനം രൂപം. കുസലം ധമ്മം പച്ചയാ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – കുസലം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ പച്ചയാ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൨൪൪. അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി ഹേതുപച്ചയാ – അകുസലം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ. അകുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ പച്ചയാ ചിത്തസമുട്ഠാനം രൂപം. അകുസലം ധമ്മം പച്ചയാ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – അകുസലം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ പച്ചയാ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം. (൩)

൨൪൫. അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി ഹേതുപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം, തയോ ഖന്ധേ പച്ചയാ ഏകോ ഖന്ധോ ചിത്തസമുട്ഠാനഞ്ച രൂപം, ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം; പടിസന്ധിക്ഖണേ വിപാകാബ്യാകതം ഏകം ഖന്ധം പച്ചയാ തയോ ഖന്ധാ കടത്താ ച രൂപം, തയോ ഖന്ധേ പച്ചയാ ഏകോ ഖന്ധോ കടത്താ ച രൂപം, ദ്വേ ഖന്ധേ പച്ചയാ ദ്വേ ഖന്ധാ കടത്താ ച രൂപം; ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ, തയോ മഹാഭൂതേ പച്ചയാ ഏകം മഹാഭൂതം, ദ്വേ മഹാഭൂതേ പച്ചയാ ദ്വേ മഹാഭൂതാ, മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം; വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ. (൧)

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ കുസലാ ഖന്ധാ. (൨)

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി ഹേതുപച്ചയാ – വത്ഥും പച്ചയാ അകുസലാ ഖന്ധാ. (൩)

അബ്യാകതം ധമ്മം പച്ചയാ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ കുസലാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൪)

അബ്യാകതം ധമ്മം പച്ചയാ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – വത്ഥും പച്ചയാ അകുസലാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം. (൫)

൨൪൬. കുസലഞ്ച അബ്യാകതഞ്ച ധമ്മം പച്ചയാ കുസലോ ധമ്മോ ഉപ്പജ്ജതി ഹേതുപച്ചയാ – കുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ, തയോ ഖന്ധേ ച വത്ഥുഞ്ച പച്ചയാ ഏകോ ഖന്ധോ, ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. കുസലഞ്ച അബ്യാകതഞ്ച ധമ്മം പച്ചയാ അബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. കുസലഞ്ച അബ്യാകതഞ്ച ധമ്മം പച്ചയാ കുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – കുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ, തയോ ഖന്ധേ ച വത്ഥുഞ്ച പച്ചയാ ഏകോ ഖന്ധോ, ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, കുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

൨൪൭. അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി ഹേതുപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ, തയോ ഖന്ധേ ച വത്ഥുഞ്ച പച്ചയാ ഏകോ ഖന്ധോ, ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. അകുസലഞ്ച അബ്യാകതഞ്ച ധമ്മം പച്ചയാ അബ്യാകതോ ധമ്മോ ഉപ്പജ്ജതി ഹേതുപച്ചയാ – അകുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. അകുസലഞ്ച അബ്യാകതഞ്ച ധമ്മം പച്ചയാ അകുസലോ ച അബ്യാകതോ ച ധമ്മാ ഉപ്പജ്ജന്തി ഹേതുപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ, തയോ ഖന്ധേ ച വത്ഥുഞ്ച പച്ചയാ ഏകോ ഖന്ധോ, ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, അകുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. (൩)

ആരമ്മണപച്ചയോ

൨൪൮. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ആരമ്മണപച്ചയാ – കുസലം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ. (൧)

൨൪൯. അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി ആരമ്മണപച്ചയാ – അകുസലം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ. (൧)

൨൫൦. അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി ആരമ്മണപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ; പടിസന്ധിക്ഖണേ വിപാകാബ്യാകതം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ; വത്ഥും പച്ചയാ ഖന്ധാ; ചക്ഖായതനം പച്ചയാ ചക്ഖുവിഞ്ഞാണം, സോതായതനം പച്ചയാ സോതവിഞ്ഞാണം, ഘാനായതനം പച്ചയാ ഘാനവിഞ്ഞാണം, ജിവ്ഹായതനം പച്ചയാ ജിവ്ഹാവിഞ്ഞാണം, കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ. (൧)

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ കുസലാ ഖന്ധാ. (൨)

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി ആരമ്മണപച്ചയാ – വത്ഥും പച്ചയാ അകുസലാ ഖന്ധാ. (൩)

൨൫൧. കുസലഞ്ച അബ്യാകതഞ്ച ധമ്മം പച്ചയാ കുസലോ ധമ്മോ ഉപ്പജ്ജതി ആരമ്മണപച്ചയാ – കുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

൨൫൨. അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി ആരമ്മണപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ. (൧)

അധിപതിപച്ചയോ

൨൫൩. കുസലം ധമ്മം പച്ചയാ കുസലോ ധമ്മോ ഉപ്പജ്ജതി അധിപതിപച്ചയാ – കുസലം ഏകം ഖന്ധം പച്ചയാ… തീണി.

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി അധിപതിപച്ചയാ – അകുസലം ഏകം ഖന്ധം പച്ചയാ… തീണി.

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി അധിപതിപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ഏകം മഹാഭൂതം പച്ചയാ തയോ മഹാഭൂതാ…പേ… മഹാഭൂതേ പച്ചയാ ചിത്തസമുട്ഠാനം രൂപം ഉപാദാരൂപം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി അധിപതിപച്ചയാ – വത്ഥും പച്ചയാ കുസലാ ഖന്ധാ.

(യഥാ ഹേതുപച്ചയം, ഏവം വിത്ഥാരേതബ്ബം.)

അനന്തര-സമനന്തരപച്ചയാ

൨൫൪. കുസലം ധമ്മം പച്ചയാ കുസലോ ധമ്മോ ഉപ്പജ്ജതി അനന്തരപച്ചയാ… സമനന്തരപച്ചയാ.

(യഥാ ആരമ്മണപച്ചയം, ഏവം വിത്ഥാരേതബ്ബം.)

സഹജാതപച്ചയോ

൨൫൫. കുസലം ധമ്മം പച്ചയാ കുസലോ ധമ്മോ ഉപ്പജ്ജതി സഹജാതപച്ചയാ – കുസലം ഏകം ഖന്ധം പച്ചയാ… തീണി.

അകുസലം ധമ്മം പച്ചയാ… തീണി.

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി സഹജാതപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… പടിസന്ധിക്ഖണേ…പേ… ഏകം മഹാഭൂതം പച്ചയാ…പേ… ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പച്ചയാ…പേ… മഹാഭൂതേ പച്ചയാ കടത്താരൂപം ഉപാദാരൂപം, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി സഹജാതപച്ചയാ – വത്ഥും പച്ചയാ കുസലാ ഖന്ധാ.

(യഥാ ഹേതുപച്ചയം, ഏവം വിത്ഥാരേതബ്ബം.)

അഞ്ഞമഞ്ഞപച്ചയോ

൨൫൬. കുസലം ധമ്മം പച്ചയാ കുസലോ ധമ്മോ ഉപ്പജ്ജതി അഞ്ഞമഞ്ഞപച്ചയാ… ഏകം.

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി അഞ്ഞമഞ്ഞപച്ചയാ… ഏകം.

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി അഞ്ഞമഞ്ഞപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ; പടിസന്ധിക്ഖണേ വിപാകാബ്യാകതം ഏകം ഖന്ധം പച്ചയാ തയോ ഖന്ധാ വത്ഥു ച…പേ… ദ്വേ ഖന്ധേ പച്ചയാ ദ്വേ ഖന്ധാ വത്ഥു ച, ഖന്ധേ പച്ചയാ വത്ഥു, വത്ഥും പച്ചയാ ഖന്ധാ; ഏകം മഹാഭൂതം പച്ചയാ തയോ മഹാഭൂതാ…പേ… ദ്വേ മഹാഭൂതേ പച്ചയാ ദ്വേ മഹാഭൂതാ; ബാഹിരം… ആഹാരസമുട്ഠാനം… ഉതുസമുട്ഠാനം… അസഞ്ഞസത്താനം ഏകം മഹാഭൂതം പച്ചയാ തയോ മഹാഭൂതാ…പേ… ദ്വേ മഹാഭൂതേ പച്ചയാ ദ്വേ മഹാഭൂതാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി അഞ്ഞമഞ്ഞപച്ചയാ – വത്ഥും പച്ചയാ കുസലാ ഖന്ധാ.

(യഥാ ആരമ്മണപച്ചയം, ഏവം വിത്ഥാരേതബ്ബം.)

നിസ്സയപച്ചയോ

൨൫൭. കുസലം ധമ്മം പച്ചയാ കുസലോ ധമ്മോ ഉപ്പജ്ജതി നിസ്സയപച്ചയാ – കുസലം ഏകം ഖന്ധം പച്ചയാ തയോ ഖന്ധാ.

(യഥാ സഹജാതപച്ചയം, ഏവം വിത്ഥാരേതബ്ബം.)

ഉപനിസ്സയപച്ചയോ

൨൫൮. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ഉപനിസ്സയപച്ചയാ – കുസലം ഏകം ഖന്ധം പച്ചയാ. (ആരമ്മണപച്ചയസദിസം.)

പുരേജാതപച്ചയോ

൨൫൯. കുസലം ധമ്മം പച്ചയാ കുസലോ ധമ്മോ ഉപ്പജ്ജതി പുരേജാതപച്ചയാ. കുസലം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ. വത്ഥും പുരേജാതപച്ചയാ. (൧)

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി പുരേജാതപച്ചയാ – അകുസലം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ. വത്ഥും പുരേജാതപച്ചയാ. (൧)

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി പുരേജാതപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ, വത്ഥും പുരേജാതപച്ചയാ, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ, വത്ഥും പുരേജാതപച്ചയാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി പുരേജാതപച്ചയാ – വത്ഥും പച്ചയാ കുസലാ ഖന്ധാ, വത്ഥും പുരേജാതപച്ചയാ.

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി പുരേജാതപച്ചയാ – വത്ഥും പച്ചയാ അകുസലാ ഖന്ധാ, വത്ഥും പുരേജാതപച്ചയാ. (൩)

കുസലഞ്ച അബ്യാകതഞ്ച ധമ്മം പച്ചയാ കുസലോ ധമ്മോ ഉപ്പജ്ജതി പുരേജാതപച്ചയാ – കുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, വത്ഥും പുരേജാതപച്ചയാ. (൧)

അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി പുരേജാതപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, വത്ഥും പുരേജാതപച്ചയാ. (൧)

ആസേവനപച്ചയോ

൨൬൦. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ആസേവനപച്ചയാ – കുസലം ഏകം ഖന്ധം പച്ചയാ…പേ….

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി ആസേവനപച്ചയാ – അകുസലം ഏകം ഖന്ധം പച്ചയാ…പേ….

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി ആസേവനപച്ചയാ – കിരിയാബ്യാകതം ഏകം ഖന്ധം പച്ചയാ തയോ ഖന്ധാ, തയോ ഖന്ധേ പച്ചയാ ഏകോ ഖന്ധോ, ദ്വേ ഖന്ധേ പച്ചയാ ദ്വേ ഖന്ധാ, വത്ഥും പച്ചയാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി ആസേവനപച്ചയാ – വത്ഥും പച്ചയാ കുസലാ ഖന്ധാ.

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി ആസേവനപച്ചയാ – വത്ഥും പച്ചയാ അകുസലാ ഖന്ധാ.

കുസലഞ്ച അബ്യാകതഞ്ച ധമ്മം പച്ചയാ…പേ….

അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി ആസേവനപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ….

കമ്മപച്ചയോ

൨൬൧. കുസലം ധമ്മം പച്ചയാ കുസലോ ധമ്മോ ഉപ്പജ്ജതി കമ്മപച്ചയാ – കുസലം ഏകം ഖന്ധം പച്ചയാ… തീണി.

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി കമ്മപച്ചയാ… തീണി.

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി കമ്മപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ…പേ… പടിസന്ധിക്ഖണേ…പേ… ഏകം മഹാഭൂതം പച്ചയാ…പേ… അസഞ്ഞസത്താനം ഏകം മഹാഭൂതം പച്ചയാ…പേ… മഹാഭൂതേ പച്ചയാ കടത്താരൂപം ഉപാദാരൂപം, ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ.

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി കമ്മപച്ചയാ – വത്ഥും പച്ചയാ കുസലാ ഖന്ധാ.

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി കമ്മപച്ചയാ – വത്ഥും പച്ചയാ അകുസലാ ഖന്ധാ…പേ…. (൫)

കുസലഞ്ച അബ്യാകതഞ്ച ധമ്മം പച്ചയാ കുസലോ ധമ്മോ…പേ… അബ്യാകതോ ധമ്മോ…പേ… കുസലോ ച അബ്യാകതോ ച ധമ്മാ ഉപ്പജ്ജന്തി കമ്മപച്ചയാ…പേ….

അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ…പേ… അബ്യാകതോ ധമ്മോ…പേ… അകുസലോ ച അബ്യാകതോ ച ധമ്മാ ഉപ്പജ്ജന്തി കമ്മപച്ചയാ, അകുസലം ഏകം ഖന്ധഞ്ച വത്ഥുഞ്ച പച്ചയാ…പേ… അകുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം.

വിപാകപച്ചയോ

൨൬൨. അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി വിപാകപച്ചയാ. വിപാകാബ്യാകതം ഏകം ഖന്ധം പച്ചയാ…പേ… പടിസന്ധിക്ഖണേ…പേ… ഏകം മഹാഭൂതം പച്ചയാ…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ ഖന്ധാ.

ആഹാരപച്ചയോ

൨൬൩. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ആഹാരപച്ചയാ – കുസലം ഏകം ഖന്ധം പച്ചയാ… തീണി.

അകുസലം ധമ്മം പച്ചയാ… തീണി.

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി ആഹാരപച്ചയാ…പേ… പടിസന്ധിക്ഖണേ…പേ… ആഹാരസമുട്ഠാനം ഏകം മഹാഭൂതം…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ. (പരിപുണ്ണം.)

ഇന്ദ്രിയപച്ചയോ

൨൬൪. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ഇന്ദ്രിയപച്ചയാ…പേ… അസഞ്ഞസത്താനം ഏകം മഹാഭൂതം പച്ചയാ…പേ… ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം, വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ.

(ഇന്ദ്രിയപച്ചയാ യഥാ കമ്മപച്ചയാ, ഏവം വിത്ഥാരേതബ്ബം.)

ഝാന-മഗ്ഗപച്ചയാ

൨൬൫. കുസലം ധമ്മം പച്ചയാ കുസലോ ധമ്മോ ഉപ്പജ്ജതി ഝാനപച്ചയാ…പേ… മഗ്ഗപച്ചയാ.

(ഝാനപച്ചയാപി മഗ്ഗപച്ചയാപി യഥാ ഹേതുപച്ചയാ, ഏവം വിത്ഥാരേതബ്ബം.)

സമ്പയുത്തപച്ചയോ

൨൬൬. കുസലം ധമ്മം പച്ചയാ കുസലോ ധമ്മോ ഉപ്പജ്ജതി സമ്പയുത്തപച്ചയാ. (ആരമ്മണപച്ചയസദിസം.)

വിപ്പയുത്തപച്ചയോ

൨൬൭. കുസലം ധമ്മം പച്ചയാ കുസലോ ധമ്മോ ഉപ്പജ്ജതി വിപ്പയുത്തപച്ചയാ. കുസലം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ, വത്ഥും വിപ്പയുത്തപച്ചയാ. കുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി വിപ്പയുത്തപച്ചയാ – കുസലേ ഖന്ധേ പച്ചയാ ചിത്തസമുട്ഠാനം രൂപം, ഖന്ധേ വിപ്പയുത്തപച്ചയാ, കുസലം ധമ്മം പച്ചയാ കുസലോ ച അബ്യാകതോ ച ധമ്മാ ഉപ്പജ്ജന്തി വിപ്പയുത്തപച്ചയാ – കുസലം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം, ഖന്ധാ വത്ഥും വിപ്പയുത്തപച്ചയാ, ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൩)

അകുസലം ധമ്മം പച്ചയാ അകുസലോ ധമ്മോ ഉപ്പജ്ജതി വിപ്പയുത്തപച്ചയാ – അകുസലം ഏകം ഖന്ധം പച്ചയാ തയോ ഖന്ധാ…പേ… ദ്വേ ഖന്ധേ പച്ചയാ ദ്വേ ഖന്ധാ, വത്ഥും വിപ്പയുത്തപച്ചയാ. അകുസലം ധമ്മം പച്ചയാ അബ്യാകതോ ധമ്മോ ഉപ്പജ്ജതി വിപ്പയുത്തപച്ചയാ – അകുസലേ ഖന്ധേ പച്ചയാ ചിത്തസമുട്ഠാനം രൂപം, ഖന്ധേ വിപ്പയുത്തപച്ചയാ. അകുസലം ധമ്മം പച്ചയാ അകുസലോ ച അബ്യാകതോ ച ധമ്മാ ഉപ്പജ്ജന്തി വിപ്പയുത്തപച്ചയാ – അകുസലം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം, ഖന്ധാ വത്ഥും വിപ്പയുത്തപച്ചയാ, ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൩)

അബ്യാകതം ധമ്മം പച്ചയാ അബ്യാകതോ ധമ്മോ ഉപ്പജ്ജതി വിപ്പയുത്തപച്ചയാ – വിപാകാബ്യാകതം കിരിയാബ്യാകതം ഏകം ഖന്ധം പച്ചയാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ ചിത്തസമുട്ഠാനഞ്ച രൂപം, ഖന്ധാ വത്ഥും വിപ്പയുത്തപച്ചയാ, ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ, പടിസന്ധിക്ഖണേ വിപാകാബ്യാകതം ഏകം ഖന്ധം പച്ചയാ തയോ ഖന്ധാ കടത്താ ച രൂപം…പേ… ദ്വേ ഖന്ധേ പച്ചയാ ദ്വേ ഖന്ധാ കടത്താ ച രൂപം, ഖന്ധാ വത്ഥും വിപ്പയുത്തപച്ചയാ, കടത്താരൂപം ഖന്ധേ വിപ്പയുത്തപച്ചയാ, ഖന്ധേ പച്ചയാ വത്ഥു, വത്ഥും പച്ചയാ ഖന്ധാ, ഖന്ധാ വത്ഥും വിപ്പയുത്തപച്ചയാ, വത്ഥു ഖന്ധേ വിപ്പയുത്തപച്ചയാ; ഏകം മഹാഭൂതം പച്ചയാ…പേ… മഹാഭൂതേ പച്ചയാ ചിത്തസമുട്ഠാനം രൂപം കടത്താരൂപം ഉപാദാരൂപം ഖന്ധേ വിപ്പയുത്തപച്ചയാ; ചക്ഖായതനം പച്ചയാ ചക്ഖുവിഞ്ഞാണം…പേ… കായായതനം പച്ചയാ കായവിഞ്ഞാണം; വത്ഥും പച്ചയാ വിപാകാബ്യാകതാ കിരിയാബ്യാകതാ ഖന്ധാ, വത്ഥും വിപ്പയുത്തപച്ചയാ. (൧)

അബ്യാകതം ധമ്മം പച്ചയാ കുസലോ ധമ്മോ ഉപ്പജ്ജതി വിപ്പയുത്തപച്ചയാ – വത്ഥും പച്ചയാ കുസലാ ഖന്ധാ, വത്ഥും വിപ്പയുത്തപച്ചയാ. (൨)

അബ്യാകതം ധമ്മം പച്ചയാ അകുസലോ ധമ്മോ ഉപ്പജ്ജതി വിപ്പയുത്തപച്ചയാ – വത്ഥും പച്ചയാ അകുസലാ ഖന്ധാ, വത്ഥും വിപ്പയുത്തപച്ചയാ. (൩)

അബ്യാകതം ധമ്മം പച്ചയാ കുസലോ ച അബ്യാകതോ ച ധമ്മാ ഉപ്പജ്ജന്തി വിപ്പയുത്തപച്ചയാ – വത്ഥും പച്ചയാ കുസലാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, ഖന്ധാ വത്ഥും വിപ്പയുത്തപച്ചയാ, ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൪)

അബ്യാകതം ധമ്മം പച്ചയാ അകുസലോ ച അബ്യാകതോ ച ധമ്മാ ഉപ്പജ്ജന്തി വിപ്പയുത്തപച്ചയാ – വത്ഥും പച്ചയാ അകുസലാ ഖന്ധാ, മഹാഭൂതേ പച്ചയാ ചിത്തസമുട്ഠാനം രൂപം, ഖന്ധാ വത്ഥും വിപ്പയുത്തപച്ചയാ. ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൫)

കുസലഞ്ച അബ്യാകതഞ്ച ധമ്മം പച്ചയാ കുസലോ ധമ്മോ ഉപ്പജ്ജതി വിപ്പയുത്തപച്ചയാ. കുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ, തയോ ഖന്ധേ ച വത്ഥുഞ്ച പച്ചയാ ഏകോ ഖന്ധോ, ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, വത്ഥും വിപ്പയുത്തപച്ചയാ. കുസലഞ്ച അബ്യാകതഞ്ച ധമ്മം പച്ചയാ അബ്യാകതോ ധമ്മോ ഉപ്പജ്ജതി വിപ്പയുത്തപച്ചയാ. കുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം. ഖന്ധേ വിപ്പയുത്തപച്ചയാ. കുസലഞ്ച അബ്യാകതഞ്ച ധമ്മം പച്ചയാ കുസലോ ച അബ്യാകതോ ച ധമ്മാ ഉപ്പജ്ജന്തി വിപ്പയുത്തപച്ചയാ, കുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ, തയോ ഖന്ധേ ച വത്ഥുഞ്ച പച്ചയാ ഏകോ ഖന്ധോ, ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, കുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഖന്ധാ വത്ഥും വിപ്പയുത്തപച്ചയാ, ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൩)

അകുസലഞ്ച അബ്യാകതഞ്ച ധമ്മം പച്ചയാ അകുസലോ ധമ്മോ ഉപ്പജ്ജതി വിപ്പയുത്തപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധേ ച വത്ഥുഞ്ച പച്ചയാ ദ്വേ ഖന്ധാ, വത്ഥും വിപ്പയുത്തപച്ചയാ. അകുസലഞ്ച അബ്യാകതഞ്ച ധമ്മം പച്ചയാ അബ്യാകതോ ധമ്മോ ഉപ്പജ്ജതി വിപ്പയുത്തപച്ചയാ – അകുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഖന്ധേ വിപ്പയുത്തപച്ചയാ. അകുസലഞ്ച അബ്യാകതഞ്ച ധമ്മം പച്ചയാ അകുസലോ ച അബ്യാകതോ ച ധമ്മാ ഉപ്പജ്ജന്തി വിപ്പയുത്തപച്ചയാ – അകുസലം ഏകം ഖന്ധഞ്ച വത്ഥുഞ്ച പച്ചയാ തയോ ഖന്ധാ…പേ… ദ്വേ ഖന്ധാ, അകുസലേ ഖന്ധേ ച മഹാഭൂതേ ച പച്ചയാ ചിത്തസമുട്ഠാനം രൂപം, ഖന്ധാ വത്ഥും വിപ്പയുത്തപച്ചയാ, ചിത്തസമുട്ഠാനം രൂപം ഖന്ധേ വിപ്പയുത്തപച്ചയാ. (൩)

അത്ഥിപച്ചയാദി

൨൬൮. കുസലം ധമ്മം പച്ചയാ കുസലോ ധമ്മോ ഉപ്പജ്ജതി അത്ഥിപച്ചയാ…പേ… (അത്ഥിപച്ചയാ സഹജാതപച്ചയസദിസം കാതബ്ബം. നത്ഥിപച്ചയാ വിഗതപച്ചയാ ആരമ്മണപച്ചയസദിസം, അവിഗതപച്ചയാ സഹജാതപച്ചയസദിസം.)