(൨൧൮) ൧. ഏകാധിപ്പായകഥാ

൯൦൮. ഏകാധിപ്പായേന മേഥുനോ ധമ്മോ പടിസേവിതബ്ബോതി? ആമന്താ. ഏകാധിപ്പായേന അസ്സമണേന ഹോതബ്ബം, അഭിക്ഖുനാ ഹോതബ്ബം, ഛിന്നമൂലേന ഹോതബ്ബം പാരാജികേന ഹോതബ്ബന്തി? ന ഹേവം വത്തബ്ബേ…പേ… ഏകാധിപ്പായേന മേഥുനോ ധമ്മോ പടിസേവിതബ്ബോതി? ആമന്താ. ഏകാധിപ്പായേന പാണോ ഹന്തബ്ബോ, അദിന്നം ആദിയിതബ്ബം, മുസാ ഭണിതബ്ബാ, പിസുണം ഭണിതബ്ബം, ഫരുസം ഭണിതബ്ബം, സമ്ഫം പലപിതബ്ബം, സന്ധി ഛേദിതബ്ബോ, നില്ലോപം ഹാതബ്ബം, ഏകാഗാരികം കാതബ്ബം, പരിപന്ഥേ ഠാതബ്ബം, പരദാരോ ഗന്തബ്ബോ, ഗാമഘാതകോ കാതബ്ബോ, നിഗമഘാതകോ കാതബ്ബോതി? ന ഹേവം വത്തബ്ബേ…പേ….

ഏകാധിപ്പായകഥാ നിട്ഠിതാ.