൧൩. തേരസമവഗ്ഗോ

(൧൨൭) ൨. കുസലപടിലാഭകഥാ

൬൫൮. കപ്പട്ഠോ കുസലം ചിത്തം ന പടിലഭേയ്യാതി? ആമന്താ. കപ്പട്ഠോ ദാനം ദദേയ്യാതി? ആമന്താ. ഹഞ്ചി കപ്പട്ഠോ ദാനം ദദേയ്യ, നോ ച വത രേ വത്തബ്ബേ – ‘‘കപ്പട്ഠോ കുസലം ചിത്തം ന പടിലഭേയ്യാ’’തി.

കപ്പട്ഠോ കുസലം ചിത്തം ന പടിലഭേയ്യാതി? ആമന്താ. കപ്പട്ഠോ ചീവരം ദദേയ്യ…പേ… പിണ്ഡപാതം ദദേയ്യ…പേ… സേനാസനം ദദേയ്യ…പേ… ഗിലാനപച്ചയഭേസജ്ജപരിക്ഖാരം ദദേയ്യ … ഖാദനീയം ദദേയ്യ… ഭോജനീയം ദദേയ്യ… പാനീയം ദദേയ്യ… ചേതിയം വന്ദേയ്യ… ചേതിയേ മാലം ആരോപേയ്യ… ഗന്ധം ആരോപേയ്യ… വിലേപനം ആരോപേയ്യ…പേ… ചേതിയം അഭിദക്ഖിണം [പദക്ഖിണം (പീ.)] കരേയ്യാതി? ആമന്താ. ഹഞ്ചി കപ്പട്ഠോ ചേതിയം അഭിദക്ഖിണം കരേയ്യ, നോ ച വത രേ വത്തബ്ബേ – ‘‘കപ്പട്ഠോ കുസലം ചിത്തം ന പടിലഭേയ്യാ’’തി…പേ….

൬൫൯. കപ്പട്ഠോ കുസലം ചിത്തം പടിലഭേയ്യാതി? ആമന്താ. തതോ വുട്ഠാനം കുസലം ചിത്തം പടിലഭേയ്യാതി? ആമന്താ. രൂപാവചരം…പേ… അരൂപാവചരം…പേ… ലോകുത്തരം കുസലം ചിത്തം പടിലഭേയ്യാതി? ന ഹേവം വത്തബ്ബേ…പേ….

കുസലപടിലാഭകഥാ നിട്ഠിതാ.