മാതികാ

ഏകകം

൫൮൪. തത്ഥ കതമം സബ്ബം രൂപം? ചത്താരോ ച മഹാഭൂതാ, ചതുന്നഞ്ച മഹാഭൂതാനം ഉപാദായ രൂപം – ഇദം വുച്ചതി സബ്ബം രൂപം. സബ്ബം രൂപം ന ഹേതു, അഹേതുകം, ഹേതുവിപ്പയുത്തം, സപ്പച്ചയം, സങ്ഖതം, രൂപം [രൂപിയം (സീ.)], ലോകിയം, സാസവം, സംയോജനിയം, ഗന്ഥനിയം, ഓഘനിയം, യോഗനിയം, നീവരണിയം, പരാമട്ഠം, ഉപാദാനിയം, സംകിലേസികം, അബ്യാകതം, അനാരമ്മണം, അചേതസികം, ചിത്തവിപ്പയുത്തം, നേവവിപാകനവിപാകധമ്മധമ്മം, അസംകിലിട്ഠസംകിലേസികം, ന സവിതക്കസവിചാരം, ന അവിതക്കവിചാരമത്തം, അവിതക്കഅവിചാരം, ന പീതിസഹഗതം, ന സുഖസഹഗതം, ന ഉപേക്ഖാസഹഗതം, നേവ ദസ്സനേന ന ഭാവനായ പഹാതബ്ബം, നേവ ദസ്സനേന ന ഭാവനായ പഹാതബ്ബഹേതുകം, നേവ ആചയഗാമി ന അപചയഗാമി, നേവസേക്ഖനാസേക്ഖം, പരിത്തം, കാമാവചരം, ന രൂപാവചരം, ന അരൂപാവചരം, പരിയാപന്നം, നോ അപരിയാപന്നം, അനിയതം, അനിയ്യാനികം, ഉപ്പന്നം, ഛഹി വിഞ്ഞാണേഹി വിഞ്ഞേയ്യം, അനിച്ചം, ജരാഭിഭൂതം.

ഏവം ഏകവിധേന രൂപസങ്ഗഹോ.

ഏകകം.

ദുകം

ദുവിധേന രൂപസങ്ഗഹോ –

അത്ഥി രൂപം ഉപാദാ, അത്ഥി രൂപം നോ ഉപാദാ.

അത്ഥി രൂപം ഉപാദിണ്ണം, അത്ഥി രൂപം അനുപാദിണ്ണം.

അത്ഥി രൂപം ഉപാദിണ്ണുപാദാനിയം, അത്ഥി രൂപം അനുപാദിണ്ണുപാദാനിയം.

അത്ഥി രൂപം സനിദസ്സനം, അത്ഥി രൂപം അനിദസ്സനം.

അത്ഥി രൂപം സപ്പടിഘം, അത്ഥി രൂപം അപ്പടിഘം.

അത്ഥി രൂപം ഇന്ദ്രിയം, അത്ഥി രൂപം ന ഇന്ദ്രിയം.

അത്ഥി രൂപം മഹാഭൂതം, അത്ഥി രൂപം ന മഹാഭൂതം.

അത്ഥി രൂപം വിഞ്ഞത്തി, അത്ഥി രൂപം ന വിഞ്ഞത്തി.

അത്ഥി രൂപം ചിത്തസമുട്ഠാനം, അത്ഥി രൂപം ന ചിത്തസമുട്ഠാനം.

അത്ഥി രൂപം ചിത്തസഹഭു, അത്ഥി രൂപം ന ചിത്തസഹഭു.

അത്ഥി രൂപം ചിത്താനുപരിവത്തി, അത്ഥി രൂപം ന ചിത്താനുപരിവത്തി.

അത്ഥി രൂപം അജ്ഝത്തികം, അത്ഥി രൂപം ബാഹിരം.

അത്ഥി രൂപം ഓളാരികം, അത്ഥി രൂപം സുഖുമം.

അത്ഥി രൂപം ദൂരേ, അത്ഥി രൂപം സന്തികേ.

അത്ഥി രൂപം ചക്ഖുസമ്ഫസ്സസ്സ വത്ഥു, അത്ഥി രൂപം ചക്ഖുസമ്ഫസ്സസ്സ ന വത്ഥു. അത്ഥി രൂപം ചക്ഖുസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… ചക്ഖുവിഞ്ഞാണസ്സ വത്ഥു, അത്ഥി രൂപം ചക്ഖുവിഞ്ഞാണസ്സ ന വത്ഥു.

അത്ഥി രൂപം സോതസമ്ഫസ്സസ്സ…പേ… ഘാനസമ്ഫസ്സസ്സ…പേ… ജിവ്ഹാസമ്ഫസ്സസ്സ…പേ… കായസമ്ഫസ്സസ്സ വത്ഥു, അത്ഥി രൂപം കായസമ്ഫസ്സസ്സ ന വത്ഥു. അത്ഥി രൂപം കായസമ്ഫസ്സജായ വേദനായ…പേ… സഞ്ഞായ…പേ… ചേതനായ …പേ… കായവിഞ്ഞാണസ്സ വത്ഥു, അത്ഥി രൂപം കായവിഞ്ഞാണസ്സ ന വത്ഥു.

അത്ഥി രൂപം ചക്ഖുസമ്ഫസ്സസ്സ ആരമ്മണം, അത്ഥി രൂപം ചക്ഖുസമ്ഫസ്സസ്സ നാരമ്മണം. അത്ഥി രൂപം ചക്ഖുസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… ചക്ഖുവിഞ്ഞാണസ്സ ആരമ്മണം, അത്ഥി രൂപം ചക്ഖുവിഞ്ഞാണസ്സ നാരമ്മണം.

അത്ഥി രൂപം സോതസമ്ഫസ്സസ്സ…പേ… ഘാനസമ്ഫസ്സസ്സ…പേ… ജിവ്ഹാസമ്ഫസ്സസ്സ…പേ… കായസമ്ഫസ്സസ്സ ആരമ്മണം, അത്ഥി രൂപം കായസമ്ഫസ്സസ്സ നാരമ്മണം. അത്ഥി രൂപം കായസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… കായവിഞ്ഞാണസ്സ ആരമ്മണം, അത്ഥി രൂപം കായവിഞ്ഞാണസ്സ നാരമ്മണം.

അത്ഥി രൂപം ചക്ഖായതനം, അത്ഥി രൂപം ന ചക്ഖായതനം. അത്ഥി രൂപം സോതായതനം…പേ… ഘാനായതനം…പേ… ജിവ്ഹായതനം…പേ… കായായതനം, അത്ഥി രൂപം ന കായായതനം.

അത്ഥി രൂപം രൂപായതനം, അത്ഥി രൂപം ന രൂപായതനം. അത്ഥി രൂപം സദ്ദായതനം…പേ… ഗന്ധായതനം…പേ… രസായതനം…പേ… ഫോട്ഠബ്ബായതനം, അത്ഥി രൂപം ന ഫോട്ഠബ്ബായതനം.

അത്ഥി രൂപം ചക്ഖുധാതു, അത്ഥി രൂപം ന ചക്ഖുധാതു. അത്ഥി രൂപം സോതധാതു…പേ… ഘാനധാതു…പേ… ജിവ്ഹാധാതു…പേ… കായധാതു, അത്ഥി രൂപം ന കായധാതു.

അത്ഥി രൂപം രൂപധാതു, അത്ഥി രൂപം ന രൂപധാതു. അത്ഥി രൂപം സദ്ദധാതു…പേ… ഗന്ധധാതു…പേ… രസധാതു…പേ… ഫോട്ഠബ്ബധാതു, അത്ഥി രൂപം ന ഫോട്ഠബ്ബധാതു.

അത്ഥി രൂപം ചക്ഖുന്ദ്രിയം, അത്ഥി രൂപം ന ചക്ഖുന്ദ്രിയം. അത്ഥി രൂപം സോതിന്ദ്രിയം…പേ… ഘാനിന്ദ്രിയം…പേ… ജിവ്ഹിന്ദ്രിയം…പേ… കായിന്ദ്രിയം, അത്ഥി രൂപം ന കായിന്ദ്രിയം.

അത്ഥി രൂപം ഇത്ഥിന്ദ്രിയം, അത്ഥി രൂപം ന ഇത്ഥിന്ദ്രിയം.

അത്ഥി രൂപം പുരിസിന്ദ്രിയം, അത്ഥി രൂപം ന പുരിസിന്ദ്രിയം.

അത്ഥി രൂപം ജീവിതിന്ദ്രിയം, അത്ഥി രൂപം ന ജീവിതിന്ദ്രിയം.

അത്ഥി രൂപം കായവിഞ്ഞത്തി, അത്ഥി രൂപം ന കായവിഞ്ഞത്തി.

അത്ഥി രൂപം വചീവിഞ്ഞത്തി, അത്ഥി രൂപം ന വചീവിഞ്ഞത്തി.

അത്ഥി രൂപം ആകാസധാതു, അത്ഥി രൂപം ന ആകാസധാതു.

അത്ഥി രൂപം ആപോധാതു, അത്ഥി രൂപം ന ആപോധാതു.

അത്ഥി രൂപം രൂപസ്സ ലഹുതാ, അത്ഥി രൂപം രൂപസ്സ ന ലഹുതാ.

അത്ഥി രൂപം രൂപസ്സ മുദുതാ, അത്ഥി രൂപം രൂപസ്സ ന മുദുതാ.

അത്ഥി രൂപം രൂപസ്സ കമ്മഞ്ഞതാ, അത്ഥി രൂപം രൂപസ്സ ന കമ്മഞ്ഞതാ.

അത്ഥി രൂപം രൂപസ്സ ഉപചയോ, അത്ഥി രൂപം രൂപസ്സ ന ഉപചയോ.

അത്ഥി രൂപം രൂപസ്സ സന്തതി, അത്ഥി രൂപം രൂപസ്സ ന സന്തതി.

അത്ഥി രൂപം രൂപസ്സ ജരതാ, അത്ഥി രൂപം രൂപസ്സ ന ജരതാ.

അത്ഥി രൂപം രൂപസ്സ അനിച്ചതാ, അത്ഥി രൂപം രൂപസ്സ ന അനിച്ചതാ.

അത്ഥി രൂപം കബളീകാരോ ആഹാരോ, അത്ഥി രൂപം ന കബളീകാരോ ആഹാരോ.

ഏവം ദുവിധേന രൂപസങ്ഗഹോ.

ദുകം.

തികം

തിവിധേന രൂപസങ്ഗഹോ –

൫൮൫. യം തം രൂപം അജ്ഝത്തികം, തം ഉപാദാ. യം തം രൂപം ബാഹിരം, തം അത്ഥി ഉപാദാ, അത്ഥി നോ ഉപാദാ.

യം തം രൂപം അജ്ഝത്തികം, തം ഉപാദിണ്ണം. യം തം രൂപം ബാഹിരം, തം അത്ഥി ഉപാദിണ്ണം, അത്ഥി അനുപാദിണ്ണം.

യം തം രൂപം അജ്ഝത്തികം, തം ഉപാദിണ്ണുപാദാനിയം. യം തം രൂപം ബാഹിരം, തം അത്ഥി ഉപാദിണ്ണുപാദാനിയം, അത്ഥി അനുപാദിണ്ണുപാദാനിയം.

യം തം രൂപം അജ്ഝത്തികം, തം അനിദസ്സനം. യം തം രൂപം ബാഹിരം, തം അത്ഥി സനിദസ്സനം, അത്ഥി അനിദസ്സനം.

യം തം രൂപം അജ്ഝത്തികം, തം സപ്പടിഘം. യം തം രൂപം ബാഹിരം, തം അത്ഥി സപ്പടിഘം, അത്ഥി അപ്പടിഘം.

യം തം രൂപം അജ്ഝത്തികം, തം ഇന്ദ്രിയം. യം തം രൂപം ബാഹിരം, തം അത്ഥി ഇന്ദ്രിയം, അത്ഥി ന ഇന്ദ്രിയം.

യം തം രൂപം അജ്ഝത്തികം, തം ന മഹാഭൂതം. യം തം രൂപം ബാഹിരം, തം അത്ഥി മഹാഭൂതം, അത്ഥി ന മഹാഭൂതം.

യം തം രൂപം അജ്ഝത്തികം, തം ന വിഞ്ഞത്തി. യം തം രൂപം ബാഹിരം, തം അത്ഥി വിഞ്ഞത്തി, അത്ഥി ന വിഞ്ഞത്തി.

യം തം രൂപം അജ്ഝത്തികം, തം ന ചിത്തസമുട്ഠാനം. യം തം രൂപം ബാഹിരം, തം അത്ഥി ചിത്തസമുട്ഠാനം, അത്ഥി ന ചിത്തസമുട്ഠാനം.

യം തം രൂപം അജ്ഝത്തികം, തം ന ചിത്തസഹഭു. യം തം രൂപം ബാഹിരം, തം അത്ഥി ചിത്തസഹഭു, അത്ഥി ന ചിത്തസഹഭു.

യം തം രൂപം അജ്ഝത്തികം, തം ന ചിത്താനുപരിവത്തി. യം തം രൂപം ബാഹിരം, തം അത്ഥി ചിത്താനുപരിവത്തി, അത്ഥി ന ചിത്താനുപരിവത്തി.

യം തം രൂപം അജ്ഝത്തികം, തം ഓളാരികം. യം തം രൂപം ബാഹിരം, തം അത്ഥി ഓളാരികം, അത്ഥി സുഖുമം.

യം തം രൂപം അജ്ഝത്തികം, തം സന്തികേ. യം തം രൂപം ബാഹിരം, തം അത്ഥി ദൂരേ, അത്ഥി സന്തികേ.

യം തം രൂപം ബാഹിരം, തം ചക്ഖുസമ്ഫസ്സസ്സ ന വത്ഥു. യം തം രൂപം അജ്ഝത്തികം, തം അത്ഥി ചക്ഖുസമ്ഫസ്സസ്സ വത്ഥു, അത്ഥി ചക്ഖുസമ്ഫസ്സസ്സ ന വത്ഥു.

യം തം രൂപം ബാഹിരം, തം ചക്ഖുസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… ചക്ഖുവിഞ്ഞാണസ്സ ന വത്ഥു. യം തം രൂപം അജ്ഝത്തികം, തം അത്ഥി ചക്ഖുവിഞ്ഞാണസ്സ വത്ഥു, അത്ഥി ചക്ഖുവിഞ്ഞാണസ്സ ന വത്ഥു.

യം തം രൂപം ബാഹിരം, തം സോതസമ്ഫസ്സസ്സ…പേ… ഘാനസമ്ഫസ്സസ്സ…പേ… ജിവ്ഹാസമ്ഫസ്സസ്സ…പേ… കായസമ്ഫസ്സസ്സ ന വത്ഥു. യം തം രൂപം അജ്ഝത്തികം, തം അത്ഥി കായസമ്ഫസ്സസ്സ വത്ഥു, അത്ഥി കായസമ്ഫസ്സസ്സ ന വത്ഥു. യം തം രൂപം ബാഹിരം, തം കായസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… കായവിഞ്ഞാണസ്സ ന വത്ഥു. യം തം രൂപം അജ്ഝത്തികം, തം അത്ഥി കായവിഞ്ഞാണസ്സ വത്ഥു, അത്ഥി കായവിഞ്ഞാണസ്സ ന വത്ഥു.

യം തം രൂപം അജ്ഝത്തികം, തം ചക്ഖുസമ്ഫസ്സസ്സ നാരമ്മണം. യം തം രൂപം ബാഹിരം, തം അത്ഥി ചക്ഖുസമ്ഫസ്സസ്സ ആരമ്മണം, അത്ഥി ചക്ഖുസമ്ഫസ്സസ്സ നാരമ്മണം. യം തം രൂപം അജ്ഝത്തികം, തം ചക്ഖുസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… ചക്ഖുവിഞ്ഞാണസ്സ നാരമ്മണം. യം തം രൂപം ബാഹിരം, തം അത്ഥി ചക്ഖുവിഞ്ഞാണസ്സ ആരമ്മണം, അത്ഥി ചക്ഖുവിഞ്ഞാണസ്സ നാരമ്മണം.

യം തം രൂപം അജ്ഝത്തികം, തം സോതസമ്ഫസ്സസ്സ…പേ… ഘാനസമ്ഫസ്സസ്സ…പേ… ജിവ്ഹാസമ്ഫസ്സസ്സ…പേ… കായസമ്ഫസ്സസ്സ നാരമ്മണം. യം തം രൂപം ബാഹിരം, തം അത്ഥി കായസമ്ഫസ്സസ്സ ആരമ്മണം, അത്ഥി കായസമ്ഫസ്സസ്സ നാരമ്മണം. യം തം രൂപം അജ്ഝത്തികം, തം കായസമ്ഫസ്സജായ വേദനായ…പേ… സഞ്ഞായ…പേ… ചേതനായ…പേ… കായവിഞ്ഞാണസ്സ നാരമ്മണം. യം തം രൂപം ബാഹിരം, തം അത്ഥി കായവിഞ്ഞാണസ്സ ആരമ്മണം, അത്ഥി കായവിഞ്ഞാണസ്സ നാരമ്മണം.

യം തം രൂപം ബാഹിരം, തം ന ചക്ഖായതനം. യം തം രൂപം അജ്ഝത്തികം, തം അത്ഥി ചക്ഖായതനം, അത്ഥി ന ചക്ഖായതനം. യം തം രൂപം ബാഹിരം, തം ന സോതായതനം…പേ… ന ഘാനായതനം…പേ… ന ജിവ്ഹായതനം…പേ… ന കായായതനം. യം തം രൂപം അജ്ഝത്തികം, തം അത്ഥി കായായതനം, അത്ഥി ന കായായതനം.

യം തം രൂപം അജ്ഝത്തികം, തം ന രൂപായതനം. യം തം രൂപം ബാഹിരം, തം അത്ഥി രൂപായതനം, അത്ഥി ന രൂപായതനം. യം തം രൂപം അജ്ഝത്തികം, തം ന സദ്ദായതനം…പേ… ന ഗന്ധായതനം…പേ… ന രസായതനം…പേ… ന ഫോട്ഠബ്ബായതനം. യം തം രൂപം ബാഹിരം, തം അത്ഥി ഫോട്ഠബ്ബായതനം, അത്ഥി ന ഫോട്ഠബ്ബായതനം.

യം തം രൂപം ബാഹിരം, തം ന ചക്ഖുധാതു. യം തം രൂപം അജ്ഝത്തികം, തം അത്ഥി ചക്ഖുധാതു, അത്ഥി ന ചക്ഖുധാതു. യം തം രൂപം ബാഹിരം, തം ന സോതധാതു…പേ… ന ഘാനധാതു…പേ… ന ജിവ്ഹാധാതു…പേ… ന കായധാതു. യം തം രൂപം അജ്ഝത്തികം, തം അത്ഥി കായധാതു, അത്ഥി ന കായധാതു.

യം തം രൂപം അജ്ഝത്തികം, തം ന രൂപധാതു. യം തം രൂപം ബാഹിരം, തം അത്ഥി രൂപധാതു, അത്ഥി ന രൂപധാതു. യം തം രൂപം അജ്ഝത്തികം, തം ന സദ്ദധാതു…പേ… ന ഗന്ധധാതു…പേ… ന രസധാതു…പേ… ന ഫോട്ഠബ്ബധാതു. യം തം രൂപം ബാഹിരം, തം അത്ഥി ഫോട്ഠബ്ബധാതു, അത്ഥി ന ഫോട്ഠബ്ബധാതു.

യം തം രൂപം ബാഹിരം, തം ന ചക്ഖുന്ദ്രിയം. യം തം രൂപം അജ്ഝത്തികം, തം അത്ഥി ചക്ഖുന്ദ്രിയം, അത്ഥി ന ചക്ഖുന്ദ്രിയം. യം തം രൂപം ബാഹിരം, തം ന സോതിന്ദ്രിയം…പേ… ന ഘാനിന്ദ്രിയം…പേ… ന ജിവ്ഹിന്ദ്രിയം…പേ… ന കായിന്ദ്രിയം. യം തം രൂപം അജ്ഝത്തികം, തം അത്ഥി കായിന്ദ്രിയം, അത്ഥി ന കായിന്ദ്രിയം.

യം തം രൂപം അജ്ഝത്തികം, തം ന ഇത്ഥിന്ദ്രിയം. യം തം രൂപം ബാഹിരം, തം അത്ഥി ഇത്ഥിന്ദ്രിയം, അത്ഥി ന ഇത്ഥിന്ദ്രിയം.

യം തം രൂപം അജ്ഝത്തികം, തം ന പുരിസിന്ദ്രിയം. യം തം രൂപം ബാഹിരം, തം അത്ഥി പുരിസിന്ദ്രിയം, അത്ഥി ന പുരിസിന്ദ്രിയം.

യം തം രൂപം അജ്ഝത്തികം, തം ന ജീവിതിന്ദ്രിയം. യം തം രൂപം ബാഹിരം, തം അത്ഥി ജീവിതിന്ദ്രിയം, അത്ഥി ന ജീവിതിന്ദ്രിയം.

യം തം രൂപം അജ്ഝത്തികം, തം ന കായവിഞ്ഞത്തി. യം തം രൂപം ബാഹിരം, തം അത്ഥി കായവിഞ്ഞത്തി, അത്ഥി ന കായവിഞ്ഞത്തി.

യം തം രൂപം അജ്ഝത്തികം, തം ന വചീവിഞ്ഞത്തി. യം തം രൂപം ബാഹിരം, തം അത്ഥി വചീവിഞ്ഞത്തി, അത്ഥി ന വചീവിഞ്ഞത്തി.

യം തം രൂപം അജ്ഝത്തികം, തം ന ആകാസധാതു. യം തം രൂപം ബാഹിരം, തം അത്ഥി ആകാസധാതു, അത്ഥി ന ആകാസധാതു.

യം തം രൂപം അജ്ഝത്തികം, തം ന ആപോധാതു. യം തം രൂപം ബാഹിരം, തം അത്ഥി ആപോധാതു, അത്ഥി ന ആപോധാതു.

യം തം രൂപം അജ്ഝത്തികം, തം രൂപസ്സ ന ലഹുതാ. യം തം രൂപം ബാഹിരം, തം അത്ഥി രൂപസ്സ ലഹുതാ, അത്ഥി രൂപസ്സ ന ലഹുതാ.

യം തം രൂപം അജ്ഝത്തികം, തം രൂപസ്സ ന മുദുതാ. യം തം രൂപം ബാഹിരം, തം അത്ഥി രൂപസ്സ മുദുതാ, അത്ഥി രൂപസ്സ ന മുദുതാ.

യം തം രൂപം അജ്ഝത്തികം, തം രൂപസ്സ ന കമ്മഞ്ഞതാ. യം തം രൂപം ബാഹിരം, തം അത്ഥി രൂപസ്സ കമ്മഞ്ഞതാ, അത്ഥി രൂപസ്സ ന കമ്മഞ്ഞതാ.

യം തം രൂപം അജ്ഝത്തികം, തം രൂപസ്സ ന ഉപചയോ. യം തം രൂപം ബാഹിരം, തം അത്ഥി രൂപസ്സ ഉപചയോ, അത്ഥി രൂപസ്സ ന ഉപചയോ.

യം തം രൂപം അജ്ഝത്തികം, തം രൂപസ്സ ന സന്തതി. യം തം രൂപം ബാഹിരം, തം അത്ഥി രൂപസ്സ സന്തതി, അത്ഥി രൂപസ്സ ന സന്തതി.

യം തം രൂപം അജ്ഝത്തികം, തം രൂപസ്സ ന ജരതാ. യം തം രൂപം ബാഹിരം, തം അത്ഥി രൂപസ്സ ജരതാ, അത്ഥി രൂപസ്സ ന ജരതാ.

യം തം രൂപം അജ്ഝത്തികം, തം രൂപസ്സ ന അനിച്ചതാ. യം തം രൂപം ബാഹിരം, തം അത്ഥി രൂപസ്സ അനിച്ചതാ, അത്ഥി രൂപസ്സ ന അനിച്ചതാ.

യം തം രൂപം അജ്ഝത്തികം, തം ന കബളീകാരോ ആഹാരോ. യം തം രൂപം ബാഹിരം, തം അത്ഥി കബളീകാരോ ആഹാരോ, അത്ഥി ന കബളീകാരോ ആഹാരോ.

ഏവം തിവിധേന രൂപസങ്ഗഹോ.

തികം.

ചതുക്കം

ചതുബ്ബിധേന രൂപസങ്ഗഹോ –

൫൮൬. യം തം രൂപം ഉപാദാ, തം അത്ഥി ഉപാദിണ്ണം, അത്ഥി അനുപാദിണ്ണം. യം തം രൂപം നോ ഉപാദാ, തം അത്ഥി ഉപാദിണ്ണം, അത്ഥി അനുപാദിണ്ണം.

യം തം രൂപം ഉപാദാ, തം അത്ഥി ഉപാദിണ്ണുപാദാനിയം, അത്ഥി അനുപാദിണ്ണുപാദാനിയം. യം തം രൂപം നോ ഉപാദാ, തം അത്ഥി ഉപാദിണ്ണുപാദാനിയം, അത്ഥി അനുപാദിണ്ണുപാദാനിയം.

യം തം രൂപം ഉപാദാ, തം അത്ഥി സപ്പടിഘം, അത്ഥി അപ്പടിഘം. യം തം രൂപം നോ ഉപാദാ, തം അത്ഥി സപ്പടിഘം, അത്ഥി അപ്പടിഘം.

യം തം രൂപം ഉപാദാ, തം അത്ഥി ഓളാരികം, അത്ഥി സുഖുമം. യം തം രൂപം നോ ഉപാദാ, തം അത്ഥി ഓളാരികം, അത്ഥി സുഖുമം.

യം തം രൂപം ഉപാദാ, തം അത്ഥി ദൂരേ, അത്ഥി സന്തികേ. യം തം രൂപം നോ ഉപാദാ, തം അത്ഥി ദൂരേ, അത്ഥി സന്തികേ.

യം തം രൂപം ഉപാദിണ്ണം, തം അത്ഥി സനിദസ്സനം, അത്ഥി അനിദസ്സനം. യം തം രൂപം അനുപാദിണ്ണം, തം അത്ഥി സനിദസ്സനം, അത്ഥി അനിദസ്സനം.

യം തം രൂപം ഉപാദിണ്ണം, തം അത്ഥി സപ്പടിഘം അത്ഥി അപ്പടിഘം. യം തം രൂപം അനുപാദിണ്ണം, തം അത്ഥി സപ്പടിഘം, അത്ഥി അപ്പടിഘം.

യം തം രൂപം ഉപാദിണ്ണം, തം അത്ഥി മഹാഭൂതം, അത്ഥി ന മഹാഭൂതം. യം തം രൂപം അനുപാദിണ്ണം, തം അത്ഥി മഹാഭൂതം, അത്ഥി ന മഹാഭൂതം.

യം തം രൂപം ഉപാദിണ്ണം, തം അത്ഥി ഓളാരികം, അത്ഥി സുഖുമം. യം തം രൂപം അനുപാദിണ്ണം, തം അത്ഥി ഓളാരികം, അത്ഥി സുഖുമം.

യം തം രൂപം ഉപാദിണ്ണം, തം അത്ഥി ദൂരേ, അത്ഥി സന്തികേ. യം തം രൂപം അനുപാദിണ്ണം, തം അത്ഥി ദൂരേ, അത്ഥി സന്തികേ.

യം തം രൂപം ഉപാദിണ്ണുപാദാനിയം, തം അത്ഥി സനിദസ്സനം, അത്ഥി അനിദസ്സനം. യം തം രൂപം അനുപാദിണ്ണുപാദാനിയം, തം അത്ഥി സനിദസ്സനം, അത്ഥി അനിദസ്സനം.

യം തം രൂപം ഉപാദിണ്ണുപാദാനിയം, തം അത്ഥി സപ്പടിഘം, അത്ഥി അപ്പടിഘം. യം തം രൂപം അനുപാദിണ്ണുപാദാനിയം, തം അത്ഥി സപ്പടിഘം, അത്ഥി അപ്പടിഘം.

യം തം രൂപം ഉപാദിണ്ണുപാദാനിയം, തം അത്ഥി മഹാഭൂതം, അത്ഥി ന മഹാഭൂതം. യം തം രൂപം അനുപാദിണ്ണുപാദാനിയം, തം അത്ഥി മഹാഭൂതം, അത്ഥി ന മഹാഭൂതം.

യം തം രൂപം ഉപാദിണ്ണുപാദാനിയം, തം അത്ഥി ഓളാരികം, അത്ഥി സുഖുമം. യം തം രൂപം അനുപാദിണ്ണുപാദാനിയം, തം അത്ഥി ഓളാരികം, അത്ഥി സുഖുമം.

യം തം രൂപം ഉപാദിണ്ണുപാദാനിയം, തം അത്ഥി ദൂരേ, അത്ഥി സന്തികേ. യം തം രൂപം അനുപാദിണ്ണുപാദാനിയം, തം അത്ഥി ദൂരേ, അത്ഥി സന്തികേ.

യം തം രൂപം സപ്പടിഘം, തം അത്ഥി ഇന്ദ്രിയം, അത്ഥി ന ഇന്ദ്രിയം. യം തം രൂപം അപ്പടിഘം, തം അത്ഥി ഇന്ദ്രിയം, അത്ഥി ന ഇന്ദ്രിയം.

യം തം രൂപം സപ്പടിഘം, തം അത്ഥി മഹാഭൂതം, അത്ഥി ന മഹാഭൂതം. യം തം രൂപം അപ്പടിഘം, തം അത്ഥി മഹാഭൂതം, അത്ഥി ന മഹാഭൂതം.

യം തം രൂപം ഇന്ദ്രിയം, തം അത്ഥി ഓളാരികം, അത്ഥി സുഖുമം. യം തം രൂപം ന ഇന്ദ്രിയം, തം അത്ഥി ഓളാരികം, അത്ഥി സുഖുമം.

യം തം രൂപം ഇന്ദ്രിയം, തം അത്ഥി ദൂരേ, അത്ഥി സന്തികേ. യം തം രൂപം ന ഇന്ദ്രിയം, തം അത്ഥി ദൂരേ, അത്ഥി സന്തികേ.

യം തം രൂപം മഹാഭൂതം, തം അത്ഥി ഓളാരികം, അത്ഥി സുഖുമം. യം തം രൂപം ന മഹാഭൂതം, തം അത്ഥി ഓളാരികം, അത്ഥി സുഖുമം.

യം തം രൂപം മഹാഭൂതം, തം അത്ഥി ദൂരേ, അത്ഥി സന്തികേ. യം തം രൂപം ന മഹാഭൂതം, തം അത്ഥി ദൂരേ, അത്ഥി സന്തികേ.

ദിട്ഠം സുതം മുതം വിഞ്ഞാതം രൂപം.

ഏവം ചതുബ്ബിധേന രൂപസങ്ഗഹോ.

ചതുക്കം.

പഞ്ചകം

പഞ്ചവിധേന രൂപസങ്ഗഹോ –

൫൮൭. പഥവീധാതു, ആപോധാതു, തേജോധാതു, വായോധാതു, യഞ്ച രൂപം ഉപാദാ.

ഏവം പഞ്ചവിധേന രൂപസങ്ഗഹോ.

പഞ്ചകം.

ഛക്കം

ഛബ്ബിധേന രൂപസങ്ഗഹോ –

൫൮൮. ചക്ഖുവിഞ്ഞേയ്യം രൂപം, സോതവിഞ്ഞേയ്യം രൂപം, ഘാനവിഞ്ഞേയ്യം രൂപം, ജിവ്ഹാവിഞ്ഞേയ്യം രൂപം, കായവിഞ്ഞേയ്യം രൂപം, മനോവിഞ്ഞേയ്യം രൂപം.

ഏവം ഛബ്ബിധേന രൂപസങ്ഗഹോ.

ഛക്കം.

സത്തകം

സത്തവിധേന രൂപസങ്ഗഹോ –

൫൮൯. ചക്ഖുവിഞ്ഞേയ്യം രൂപം, സോതവിഞ്ഞേയ്യം രൂപം, ഘാനവിഞ്ഞേയ്യം രൂപം, ജിവ്ഹാവിഞ്ഞേയ്യം രൂപം, കായവിഞ്ഞേയ്യം രൂപം, മനോധാതുവിഞ്ഞേയ്യം രൂപം, മനോവിഞ്ഞാണധാതുവിഞ്ഞേയ്യം രൂപം.

ഏവം സത്തവിധേന രൂപസങ്ഗഹോ.

സത്തകം.

അട്ഠകം

അട്ഠവിധേന രൂപസങ്ഗഹോ –

൫൯൦. ചക്ഖുവിഞ്ഞേയ്യം രൂപം, സോതവിഞ്ഞേയ്യം രൂപം, ഘാനവിഞ്ഞേയ്യം രൂപം, ജിവ്ഹാവിഞ്ഞേയ്യം രൂപം, കായവിഞ്ഞേയ്യം രൂപം, അത്ഥി സുഖസമ്ഫസ്സം, അത്ഥി ദുക്ഖസമ്ഫസ്സം, മനോധാതുവിഞ്ഞേയ്യം രൂപം, മനോവിഞ്ഞാണധാതുവിഞ്ഞേയ്യം രൂപം.

ഏവം അട്ഠവിധേന രൂപസങ്ഗഹോ.

അട്ഠകം.

നവകം

നവവിധേന രൂപസങ്ഗഹോ –

൫൯൧. ചക്ഖുന്ദ്രിയം, സോതിന്ദ്രിയം, ഘാനിന്ദ്രിയം, ജിവ്ഹിന്ദ്രിയം കായിന്ദ്രിയം, ഇത്ഥിന്ദ്രിയം, പുരിസിന്ദ്രിയം, ജീവിതിന്ദ്രിയം, യഞ്ച രൂപം ന ഇന്ദ്രിയം.

ഏവം നവവിധേന രൂപസങ്ഗഹോ.

നവകം.

ദസകം

ദസവിധേന രൂപസങ്ഗഹോ –

൫൯൨. ചക്ഖുന്ദ്രിയം, സോതിന്ദ്രിയം, ഘാനിന്ദ്രിയം, ജിവ്ഹിന്ദ്രിയം കായിന്ദ്രിയം, ഇത്ഥിന്ദ്രിയം, പുരിസിന്ദ്രിയം, ജീവിതിന്ദ്രിയം, ന ഇന്ദ്രിയം രൂപം അത്ഥി സപ്പടിഘം, അത്ഥി അപ്പടിഘം.

ഏവം ദസവിധേന രൂപസങ്ഗഹോ.

ദസകം.

ഏകാദസകം

ഏകാദസവിധേന രൂപസങ്ഗഹോ –

൫൯൩. ചക്ഖായതനം, സോതായതനം, ഘാനായതനം, ജിവ്ഹായതനം, കായായതനം, രൂപായതനം, സദ്ദായതനം, ഗന്ധായതനം, രസായതനം, ഫോട്ഠബ്ബായതനം, യഞ്ച രൂപം അനിദസ്സനഅപ്പടിഘം [അനിദസ്സനം അപ്പടിഘം (സീ. സ്യാ.)] ധമ്മായതനപരിയാപന്നം.

ഏവം ഏകാദസവിധേന രൂപസങ്ഗഹോ.

ഏകാദസകം.