൧. ഖന്ധോ

൨൨൮. രൂപക്ഖന്ധോ കതിഹി ഖന്ധേഹി കതിഹായതനേഹി കതിഹി ധാതൂഹി സമ്പയുത്തോതി? നത്ഥി. കതിഹി വിപ്പയുത്തോ? ചതൂഹി ഖന്ധേഹി ഏകേനായതനേന സത്തഹി ധാതൂഹി വിപ്പയുത്തോ; ഏകേനായതനേന ഏകായ ധാതുയാ കേഹിചി വിപ്പയുത്തോ.

൨൨൯. വേദനാക്ഖന്ധോ… സഞ്ഞാക്ഖന്ധോ… സങ്ഖാരക്ഖന്ധോ തീഹി ഖന്ധേഹി ഏകേനായതനേന സത്തഹി ധാതൂഹി സമ്പയുത്തോ; ഏകേനായതനേന ഏകായ ധാതുയാ കേഹിചി സമ്പയുത്തോ. കതിഹി വിപ്പയുത്തോ? ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്തോ; ഏകേനായതനേന ഏകായ ധാതുയാ കേഹിചി വിപ്പയുത്തോ.

൨൩൦. വിഞ്ഞാണക്ഖന്ധോ തീഹി ഖന്ധേഹി സമ്പയുത്തോ; ഏകേനായതനേന ഏകായ ധാതുയാ കേഹിചി സമ്പയുത്തോ. കതിഹി വിപ്പയുത്തോ? ഏകേന ഖന്ധേന ദസഹായതനേഹി ദസഹി ധാതൂഹി വിപ്പയുത്തോ; ഏകേനായതനേന ഏകായ ധാതുയാ കേഹിചി വിപ്പയുത്തോ.