൧. ഖന്ധോ

൬. രൂപക്ഖന്ധോ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതോ? രൂപക്ഖന്ധോ ഏകേന ഖന്ധേന ഏകാദസഹായതനേഹി ഏകാദസഹി ധാതൂഹി സങ്ഗഹിതോ. കതിഹി അസങ്ഗഹിതോ? ചതൂഹി ഖന്ധേഹി ഏകേനായതനേന സത്തഹി ധാതൂഹി അസങ്ഗഹിതോ.

൭. വേദനാക്ഖന്ധോ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതോ? വേദനാക്ഖന്ധോ ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതോ. കതിഹി അസങ്ഗഹിതോ? ചതൂഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതോ.

൮. സഞ്ഞാക്ഖന്ധോ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതോ? സഞ്ഞാക്ഖന്ധോ ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതോ. കതിഹി അസങ്ഗഹിതോ? ചതൂഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതോ.

൯. സങ്ഖാരക്ഖന്ധോ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതോ? സങ്ഖാരക്ഖന്ധോ ഏകേന ഖന്ധേന ഏകേനായതനേന ഏകായ ധാതുയാ സങ്ഗഹിതോ. കതിഹി അസങ്ഗഹിതോ? ചതൂഹി ഖന്ധേഹി ഏകാദസഹായതനേഹി സത്തരസഹി ധാതൂഹി അസങ്ഗഹിതോ.

൧൦. വിഞ്ഞാണക്ഖന്ധോ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതോ? വിഞ്ഞാണക്ഖന്ധോ ഏകേന ഖന്ധേന ഏകേനായതനേന സത്തഹി ധാതൂഹി സങ്ഗഹിതോ. കതിഹി അസങ്ഗഹിതോ? ചതൂഹി ഖന്ധേഹി ഏകാദസഹായതനേഹി ഏകാദസഹി ധാതൂഹി അസങ്ഗഹിതോ.

(ഏകമൂലകം.)

൧൧. രൂപക്ഖന്ധോ ച വേദനാക്ഖന്ധോ ച കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? രൂപക്ഖന്ധോ ച വേദനാക്ഖന്ധോ ച ദ്വീഹി ഖന്ധേഹി ഏകാദസഹായതനേഹി ഏകാദസഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി ഏകേനായതനേന സത്തഹി ധാതൂഹി അസങ്ഗഹിതാ.

൧൨. രൂപക്ഖന്ധോ ച സഞ്ഞാക്ഖന്ധോ ച…പേ… ദ്വീഹി ഖന്ധേഹി ഏകാദസഹായതനേഹി ഏകാദസഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി ഏകേനായതനേന സത്തഹി ധാതൂഹി അസങ്ഗഹിതാ.

൧൩. രൂപക്ഖന്ധോ ച സങ്ഖാരക്ഖന്ധോ ച…പേ… ദ്വീഹി ഖന്ധേഹി ഏകാദസഹായതനേഹി ഏകാദസഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി ഏകേനായതനേന സത്തഹി ധാതൂഹി അസങ്ഗഹിതാ.

൧൪. രൂപക്ഖന്ധോ ച വിഞ്ഞാണക്ഖന്ധോ ച…പേ… ദ്വീഹി ഖന്ധേഹി ദ്വാദസഹായതനേഹി അട്ഠാരസഹി ധാതൂഹി സങ്ഗഹിതാ. കതിഹി അസങ്ഗഹിതാ? തീഹി ഖന്ധേഹി, ന കേഹിചി ആയതനേഹി ന കാഹിചി ധാതൂഹി അസങ്ഗഹിതാ.

(ദുകമൂലകം.)

൧൫. രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച തീഹി ഖന്ധേഹി ഏകാദസഹായതനേഹി ഏകാദസഹി ധാതൂഹി സങ്ഗഹിതാ. കതിഹി അസങ്ഗഹിതാ? ദ്വീഹി ഖന്ധേഹി ഏകേനായതനേന സത്തഹി ധാതൂഹി അസങ്ഗഹിതാ.

൧൬. രൂപക്ഖന്ധോ ച വേദനാക്ഖന്ധോ ച സങ്ഖാരക്ഖന്ധോ ച…പേ… തീഹി ഖന്ധേഹി ഏകാദസഹായതനേഹി ഏകാദസഹി ധാതൂഹി സങ്ഗഹിതാ. കതിഹി അസങ്ഗഹിതാ? ദ്വീഹി ഖന്ധേഹി ഏകേനായതനേന സത്തഹി ധാതൂഹി അസങ്ഗഹിതാ.

൧൭. രൂപക്ഖന്ധോ ച വേദനാക്ഖന്ധോ ച വിഞ്ഞാണക്ഖന്ധോ ച…പേ… തീഹി ഖന്ധേഹി ദ്വാദസഹായതനേഹി അട്ഠാരസഹി ധാതൂഹി സങ്ഗഹിതാ. കതിഹി അസങ്ഗഹിതാ? ദ്വീഹി ഖന്ധേഹി, ന കേഹിചി ആയതനേഹി ന കാഹിചി ധാതൂഹി അസങ്ഗഹിതാ.

(തികമൂലകം.)

൧൮. രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച സങ്ഖാരക്ഖന്ധോ ച കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച സങ്ഖാരക്ഖന്ധോ ച ചതൂഹി ഖന്ധേഹി ഏകാദസഹായതനേഹി ഏകാദസഹി ധാതൂഹി സങ്ഗഹിതാ. കതിഹി അസങ്ഗഹിതാ? ഏകേന ഖന്ധേന ഏകേനായതനേന സത്തഹി ധാതൂഹി അസങ്ഗഹിതാ.

൧൯. രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച വിഞ്ഞാണക്ഖന്ധോ ച…പേ… ചതൂഹി ഖന്ധേഹി ദ്വാദസഹായതനേഹി അട്ഠാരസഹി ധാതൂഹി സങ്ഗഹിതാ. കതിഹി അസങ്ഗഹിതാ? ഏകേന ഖന്ധേന, ന കേഹിചി ആയതനേഹി ന കാഹിചി ധാതൂഹി അസങ്ഗഹിതാ.

(ചതുക്കമൂലകം.)

൨൦. രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച സങ്ഖാരക്ഖന്ധോ ച വിഞ്ഞാണക്ഖന്ധോ ച കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? രൂപക്ഖന്ധോ ച വേദനാക്ഖന്ധോ ച സഞ്ഞാക്ഖന്ധോ ച സങ്ഖാരക്ഖന്ധോ ച വിഞ്ഞാണക്ഖന്ധോ ച പഞ്ചഹി ഖന്ധേഹി ദ്വാദസായതനേഹി അട്ഠാരസഹി ധാതൂഹി സങ്ഗഹിതാ. കതിഹി അസങ്ഗഹിതാ? ന കേഹിചി ഖന്ധേഹി ന കേഹിചി ആയതനേഹി ന കാഹിചി ധാതൂഹി അസങ്ഗഹിതാ.

൨൧. പഞ്ചക്ഖന്ധാ കതിഹി ഖന്ധേഹി കതിഹായതനേഹി കതിഹി ധാതൂഹി സങ്ഗഹിതാ? പഞ്ചക്ഖന്ധാ പഞ്ചഹി ഖന്ധേഹി ദ്വാദസഹായതനേഹി അട്ഠാരസഹി ധാതൂഹി സങ്ഗഹിതാ. കതിഹി അസങ്ഗഹിതാ? ന കേഹിചി ഖന്ധേഹി ന കേഹിചി ആയതനേഹി ന കാഹിചി ധാതൂഹി അസങ്ഗഹിതാ.

(പഞ്ചകം.)