പദമഞ്ജരീ |ഓ൦.൦൦൦൧|

നമോ തസ്സ ഭഗവതോ അരഹതോ സമ്മാസമ്ബുദ്ധസ്സ

നിരുത്തികായോദധിപാരഗം ജിനം,

വിസുദ്ധധമ്മഞ്ച ഗണം അനുത്തരം;

തിധാ നമിത്വാ പദമഞ്ജരീ മയാ,

കരീയതോ ബാലകബുദ്ധിവുദ്ധിയാതി.

അഥ അകാരന്തപുല്ലിങ്ഗോ ബുദ്ധസദ്ദോ വുച്ചതേ.

ബുദ്ധോ ദേവമനുസ്സാനം ധമ്മം ദേസേസി

ബുദ്ധാ ദേവമനുസ്സാനം ധമ്മം അദേസിംസു

ഭോ ബുദ്ധ ത്വമ്പിഖോ മം പാലയ

ഭോ ബുദ്ധാ തുമ്ഹേപി ഖോ മം പാലേഥ.

ബുദ്ധം ഭഗവന്തം സക്കച്ചം വന്ദാമഹം

ബുദ്ധേ ഭഗവന്തേ സക്കച്ചം വന്ദാമ മയം

ബുദ്ധേന ഭഗവതാ ധമ്മോ ദേസീയതേ

ബുദ്ധേഹി ഭഗവന്തേഹി ധമ്മോ ദേസിതോ

ബുദ്ധേന ഭഗവതാ മഹാജനോ സുചരതി

ബുദ്ധേഹി ഭഗവന്തേഹി സിവപദം യന്തി

ബുദ്ധസ്സ ഭഗവതോ പുപ്ഫം യജതി

ബുദ്ധാനം ഭഗവതം പുപ്ഫാനി യജതി

ബുദ്ധാ ഭഗവതാ സിവപദം ലഭേയ്യ

ബുദ്ധേഹി ഭഗവന്തേഹി പഭാ നിച്ഛരതി

ബുദ്ധസ്സ ഭഗവതോ ഇദ്ധി കിം ന കരേ

ബുദ്ധാനം ഭഗവന്താനം ഇദ്ധിപാടിഹാരിയാനി

ബുദ്ധേ ഭഗവന്തേ മഹാജനോ പസീദതി.

ബുദ്ധേസു ഭഗവന്തേസു മനം പതിട്ഠിതം.

ഇതി പഠമോ പാഠോ.

അകാരന്തപുല്ലിങ്ഗോ അത്തസദ്ദോ വുച്ചതേ.

അത്താ സംസാരദുക്ഖം പാപുണാതി

അത്താനോ സുഖദുക്ഖം പാപുണന്തി

ഭോ അത്ത സുഖദുക്ഖം അനുഭോസി

ഭോ അത്തനോ സുഖദുക്ഖം അനുഭോഥ

അത്താനം പസ്സതി ബുദ്ധോ ഭഗവാ

അത്താനോ |ഓ൦.൦൦൦൨| പസ്സതി സമ്മാ സമ്ബുദ്ധോ

അത്തനാ സുഖദുക്ഖം അനുഭുത്തം

അത്തനേഹി കമ്മഫലം അനുഭുത്തം

അത്തനാ സംസാരസുഖം നാമ നത്ഥി

അത്തനേഹി ഭവസുഖം നാമ നത്ഥി

അത്തനോ അത്താവ പതിട്ഠാ സിയാ

അത്താനം കമ്മമേവ പതിട്ഠാ സിയാ

അത്തനാപി മഹബ്ഭയം ഉപ്പജ്ജതി

അത്തനേഹി മഹബ്ഭയാനി ജായന്തി

അത്തനോ മാതാപിതരോ ഹോന്തി

അത്താനം പഞ്ചഗതിയോ ഹോന്തി

അത്തനി സബ്ബം ബലം ഹരതി രോഗോ

അത്തനേസു സബ്ബം ബലം ഹരന്തി രോഗാ.

ഇതി ദുതിയോ പാഠോ.

അകാരന്ത പുല്ലിങ്ഗോ രാജസദ്ദോ വുച്ചതേ.

രാജാപി മഹാജനം തോസേതി

രാജാനോ മഹാജനം തോസേന്തി

ഭോ രാജാ മഹാജനം പാലയ

ഭോ രാജാനോ മഹാജനം പാലേഥ

രാജാനം പസ്സതി മഹാജനോ

രാജാനോ പസ്സന്തി മഹാജനാ

രഞ്ഞാ കാരീയതേ മഹാപാസാദോ

രാജൂഹി കാരാപിതാ മഹാവിഹാരാ

രഞ്ഞാ മഹാജനോ സുഖം ചരതി

രാജൂഹീ മഹാജനാ സുഖം ചരന്തി

രഞ്ഞോ പണ്ണാകാരം ദേതി മഹാജനോ

രാജൂനം പണ്ണാകാരം ദേന്തി മഹാജനാ

രഞ്ഞാ മഹബ്ഭയം ഉപ്പജ്ജതി

രാജൂഹി മഹബ്ഭയാനി ഉപ്പജ്ജന്തി

രഞ്ഞോ വപ്പമങ്ഗലം ഹോതി

രാജൂനം സബ്ബാഭരണാനി ഹോന്തി

രഞ്ഞേ മഹാജനോ പന പസീദതി

രാജുസു മഹാജനാ പന പസീദന്തി.

ഇതി തതിയോ പാഠോ.

അകാരന്തപുല്ലിങ്ഗോ ഗുണവത്തുസദ്ദോ വുച്ചതേ.

ഗുണവാ പുരിസോ സുന്ദരം നിബ്ബാണം ഗതോ

ഗുണവന്തോ |ഓ൦.൦൦൦൩| പുരിസാ സുന്ദരം നിബ്ബാണം ഗതാ

ഭോ ഗുണവം പുരിസ ത്വമ്പി ദാനം ദേഹി

ഭോ ഗുണവന്തോ പുരിസാ തുമ്ഹേ ദാനം ദേഥ

ഗുണവന്തം പുരിസം ധമ്മം ബോധേതി ആചരിയോ

ഗുണവന്തേ പുരിസേ ധമ്മം പാഠയതി ആചരിയോ

ഗുണവന്തേന പുരിസേന കാരിതോ വിഹാരോ

ഗുണവന്തേഹി പുരിസേഹി കാരിതാ വിഹാരാ

ഗുണവന്തേന പുരിസേന ലോകോ സുചരതി

ഗുണവന്തേഹി പുരിസേഹി ലോകാ സുചരന്തി

ഗുണവതോ പുരിസസ്സ സക്കാരം കരോതി

ഗുണവതം പുരിസാനം സക്കാരം കരോന്തി

ഗുണവതാ പുരിസസ്മാ ഭയം നൂപ്പജ്ജതി

ഗുണവന്തേഹി പുരിസേഹി ഭയാനി നൂപ്പജ്ജന്തി

ഗുണവതോ പുരിസസ്സ കിത്തിസദ്ദോ അങ്ഗുഗ്ഗച്ഛതി

ഗുണവതം പുരിസാനം ഗുണഘോസോ ഹോതി

ഗുണവന്തേ പുരിസേ മേ രമതി മതോ

ഗുണവന്തേസു പുരിസേസു സപ്പുരിസോ പസീദതി.

ഇതി ചതുത്ഥോ പാഠോ.

അകാരന്തപുല്ലിങ്ഗോ ഗച്ഛന്തസദ്ദോ വുച്ചതേ.

ഗച്ഛം യഞ്ഞദത്തോ പുരിസം ഭാരം ഹാരയതി

ഗച്ഛന്താ യഞ്ഞദത്താ പുരിസം കമ്മം കാരയന്തി

ഭോ ഗച്ഛം യഞ്ഞദത്ത ത്വം മം പാലയ

ഭോ ഗച്ഛന്താ യഞ്ഞദത്താ മം പാലേഥ

ഗച്ഛന്തം യഞ്ഞദത്തം കമ്ബലംയാചയതി ദ്വിജോ

ഗച്ഛന്തേ യഞ്ഞദത്തേ കമ്ബലം യാചയതി ദ്വിജോ

ഗച്ഛതാ യഞ്ഞദത്തേന രുക്ഖോ പുപ്ഫാനി അവചീയതേ

ഗച്ഛന്തേഹി യഞ്ഞദത്തേഹി രുക്ഖോ പുപ്ഫാനി അവചിതോ

ഗച്ഛതാ യഞ്ഞദത്തേന കോചി മഗ്ഗം ജാനാതി

ഗച്ഛന്തേഹി യഞ്ഞദത്തേഹി കേചിമഗ്ഗം ജാനന്തി

ഗച്ഛതോ യഞ്ഞദത്തസ്സ ഛത്തം ധാരയതേ

ഗച്ഛതം യഞ്ഞദത്താനം ഛത്താനി ധാരയന്തേ

ഗച്ഛതാ യഞ്ഞദത്തസ്മാ ഭയം നൂപ്പജ്ജതി

ഗച്ഛന്തേഹി യഞ്ഞദത്തേഹി ഭയാനി നൂപ്പജ്ജന്തി

ഗച്ഛതോ യഞ്ഞദത്തസ്സ ഛത്തോ ഹോതി

ഗച്ഛതം യഞ്ഞദത്താനം ആഭരണാനി ഹോന്തി

ഗച്ഛന്തേ യഞ്ഞദത്തേ കോചി പസീദതി

ഗച്ഛന്തേസു യഞ്ഞദത്തേസു കേചി പസീദന്തി.

ഇതി |ഓ൦.൦൦൦൪| പഞ്ചമോ പാഠോ.

ഇകാരന്തപുല്ലിങ്ഗോ അഗ്ഗിസദ്ദോ വുച്ചതേ.

അഗ്ഗി പന കട്ഠമങ്ഗാരം കരോതി

അഗ്ഗയോ കട്ഠമങ്ഗാരം കരോന്തി

ഭോ അഗ്ഗി ത്വം സീതം വിനോദേഹി

ഭോ അഗ്ഗീ തുമ്ഹേ സീതം വിനോദേഥ

അഗ്ഗിം നിബ്ബാപേതി യോ കോചി

അഗ്ഗയോ നിബ്ബാപേന്തി യേ കേചി

അഗ്ഗിനാ കോചി അകാരോ ദഡ്ഢോ

അഗ്ഗീഹി കേചി അഗാരാ ദഡ്ഢാ

അഗ്ഗിനാ കിഞ്ചി ആഗാരം ഝാപേതി

അഗ്ഗീഹി കേചി അഗാരേ ഝാപേതി

അഗ്ഗിനോ ഉപാദാനം ദദാതി ബ്രാഹ്മണോ

അഗ്ഗീനം ഉപാദാനം ദദന്തി ബ്രാഹ്മണാ

അഗ്ഗിനാ ധൂമോ അപേതി നിച്ചം

അഗ്ഗീഹി’ധൂമാപി അപേന്തി നിച്ചം

അഗ്ഗിനോ ആലോകോ ച ഹോതി

അഗ്ഗീനം ആലോകാപി ഹോന്തി

അഗ്ഗിമ്ഹി യോ കോചി പസീദതി

അഗ്ഗീസു യേ കേചി പസീദന്തി.

ഇതി ഛട്ഠോ പാഠോ.

ഇകാരന്തപുല്ലിങ്ഗോ ആദിസദ്ദോ വുച്ചതേ.

ആദി ബന്ധീയതേ സമഗ്ഗേന സങ്ഘേന

ആദയോ ബന്ധീയന്തേ സമഗ്ഗേഹി ഭിക്ഖുഹി

ഭോ ആദി ത്വം ദീഘകാലം പവത്തേഹി

ഭോ ആദീ തുമ്ഹേ ദീഘകാലം പവത്തേഥ

ആദിം പസ്സതി സമഗ്ഗോ സങ്ഘോ ച

ആദയോ പസ്സതി ഭിക്ഖു സങ്ഘോ ച

ആദിനാ പരിസുദ്ധേന പന ഭൂയതേ

ആദീഹി പരിസുദ്ധേഹി പന ഭൂയതേ

ആദിനാ സമഗ്ഗോ സങ്ഘോ സുചരതി

ആദീഹി ഭിക്ഖു സങ്ഘോ സുചരതി

ആദിനോ കോചി ഉപകരണം ദേതി

ആദീനം കേചി ഉപകരണം ദേന്തി

ആദിനാ സമഗ്ഗോ സങ്ഘോ അപേതി

ആദീഹി ഭിക്ഖു’സങ്ഘോ അപേതി

ആദിസ്സ |ഓ൦.൦൦൦൫| ഉപകാരികാ ഖോ പന ഹോതി

ആദീനം ഉപകാരികായോപി ഹോന്തി

ആദിമ്ഹി സമഗ്ഗോ സങ്ഘോ നിസീദതി

ആദീസൂ ഭിക്ഖു സങ്ഘോപി നിസീദതി.

ഇതി സത്തമോ പാഠോ.

ഈകാരന്തപുല്ലിങ്ഗോ ദണ്ഡീസദ്ദോ വുച്ചതേ.

ദണ്ഡീ പുരിസോപി ദണ്ഡം ഛഡ്ഡേതു

ദണ്ഡിനോ പുരിസാ ദണ്ഡം ഛഡ്ഡേന്തു

ഭോ ദണ്ഡീ പുരിസ ദണ്ഡം ഛഡ്ഡേഹി