സാധുജന-നിദ്ദേസ

൨൧൨. കായ-കമ്മം സുചി തേസം,

വാചാ-കമ്മം അനാവിലം;

മനോ-കമ്മം സുചി-സുദ്ധം,

താദിസാ സുജനാ നരാ.

൨൧൩. സേട്ഠ-വിത്തം സുതം പഞ്ഞാ,

സദ്ധനം സത്തധാ ഹോത്തി;

സദ്ധാ സീലം സുതം ചാഗോ,

പഞ്ഞാ ചേവ ഹിരോത്തപ്പം.

൨൧൪. സദ്ധമ്മാപി ച സത്തേവ,

സദ്ധാ ഹിരീ ച ഓത്തപ്പം;

ബാഹുസ്സച്ചം ധിരോ ചേവ,

സതി പഞ്ഞാ ച ഇച്ചേവം.

൨൧൫. ഹിരീ-ഓത്തപ്പ-സമ്പന്നാ,

സുക്ത്ക-ധമ്മ-സമാഹിതാ;

സന്തോ സപ്പുരിസാ ലോകേ,

ദേവ-ധമ്മാതി വുച്ചരേ.

൨൧൬. സദ്ധോ ഹിരിമാ ഓത്തപ്പീ,

വീരോ പഞ്ഞോ സ-ഗാരവോ;

ഭബ്ബോ ആപജ്ജിതും ബുദ്ധിം,

വിരൂള്ഹിഞ്ച വിപുല്ലതം.

൨൧൭. യോ വേ കതഞ്ഞൂ കത-വേദി ധീരോ,

കല്യാണ-മിത്തോ ദള്ഹഅ-ഭത്തോ ച ഹോതി;

ദുക്ഖിത്തസ്സ സക്കച്ചം കരോതി കിച്ചം,

തഥാവിധം സപ്പുരിസം വദന്തി.

൨൧൮. മാതാ-പേത്തി-ഭരം ജന്തും,

കുലേ ജേട്ഠാപചായിനം;

സണ്ഹം സഖില-സമ്ഭാസം,

പേസുണേയപ്പഹായിനം.

൨൧൯. മച്ഛേര-വിനയേ യുത്തം,

സച്ചം കോധാഭിതും നരം;

തം വേ ദേവാ താവതിംസാ,

ആഹു സപ്പുരിസോ ഇതി.

൨൨൦. അ-പ്പമാദേന മഘവാ,

ദേവാനം സേട്ഠതം ഗതോ;

അ-പ്പമാദം പസംസന്തി,

പമാദോ ഗരഹിതോ സദാ.

൨൨൧. ദാനം സീലം പരിച്ചാഗം,

ആജ്ജവം മദ്ദവം തപം;

അ-കോധം അ-വിഹിംസഞ്ച,

ഖന്തീച അ-വിരോധനം.

൨൨൨. ഇച്ചേതേ കുസലേ ധമ്മേ,

ഠിതേ പസ്സാമി അത്തനി;

തതോ മേ ജായതേ പീതി,

സോമനസ്സഞ്ചനപ്പകം.

൨൨൩. നനു തേയേവ സന്താ നോ,

സാഗരാ ന കുലാചലാ;

മനംപി മരിയാദം യേ,

സംവട്ടേപി ജഹന്തി നോ.

൨൨൪. ന പുപ്ഫ-ഗന്ധോ പടിവാതമേതി,

ന ചന്ദനം തഗ്ഗര മല്ലികാ വാ;

സതഞ്ച ഗന്ധോ പടിവാതമേതി,

സബ്ബാ ദിസാ സപ്പുരിസോ പവായതി.

൨൨൫. തേപി ലോക-ഹിതാ സത്താ,

സൂരിയോ ചന്ദിമാ അപി;

അത്ഥം പസ്സ ഗമിസ്സന്തി,

നിയമോ കേന ലങ്ഘതേ.

൨൨൬. സത്ഥാ ദേവ-മനുസ്സാനം,

വസീ സോപി മുനിസ്സരോ;

ഗതോവ നിബ്ബുതിം സബ്ബേ,

സങ്ഖാരാ ന ഹി സസ്സതാ.

൨൨൭. കരേയ്യ കുസലം സബ്ബം,

സിവം നിബ്ബാനമാവഹം;

സരേയ്യഅ അ-നിച്ചം ഖന്ധം,

നിബ്ബിദാ-ഞാണ-ഗോചരം.

൨൨൮. യാതാനുയായീ ച ഭവാഹി മാണവ,

അല്ലഞ്ച പാണിം പരിവജ്ജയസ്സു;

മാ ചസ്സു മിത്തേസു കദാചി ദുബ്ഭി,

മാ ച വസം അ-സതീനം ഗച്ഛ.

൨൨൯. അ-സന്ധവം നാപി ച ദിട്ഠ-പുബ്ബം,

യോ ആസനേനാപി നിമന്തയേയ്യ;

തസ്സേവ അത്ഥം പുരിസോ കരേയ്യ,

യാതാനുയായീതിതമാഹുപണ്ഡിതാ.

൨൩൦. യസ്സേകരത്തിപി ഘരേ വസേയ്യ,

യത്ഥന്ന-പാനം പുരിസോ ലഭേയ്യ;

ന തസ്സ പാപം മനസാപി ചിന്തേയ്യ,

അ-ദുബ്ഭ-പാണി ദഹതേ മിത്ത-ദുബ്ഭോ.

തതീയ സാധുനര

൨൩൧. യസ്സ രുക്ഖസ്സ ഛായായ,

നിസീദേയ്യ സയേയ്യ വാ;

ന തസ്സ സാഖം ഭഞ്ജേയ്യ,

മിത്ത-ദുബ്ഭോ ഹി പാപകോ.

ചതുത്ഥ സാധുനര

൨൩൨. പുണ്ണംപി ചേ മം പഥവിം ധനേന,

ദജ്ജിത്ഥിയാ പുരിസോ സമ്മതായ;

സദ്ധാ ഖണം അതിമഞ്ഞേയ്യ തംപി,

താസം വസം അ-സതീനം ന ഗച്ഛേ.

൨൩൩. ഏവം ഖോ യാതം അനുയായീ ഹോതി,

അല്ലഞ്ച പാണിം ദഹതേ പുനേവം;

അ-സതീ ച സാ സോ പന മിത്തം-ദുബ്ഭോ,

സോ ധമ്മികോ ഹോഹി ജഹസ്സു അ-ധമ്മം.