വേജ്ജാചരിയ കണ്ഡ

൨൮൬. ആയുബേദകതാഭ്യാസോ, സബ്ബേസം പിയദസ്സനോ;

അരിയസീലഗുണോപേതോ, ഏസ വേജ്ജോ വിധീയതേ.

൨൮൭. നാനാഗന്ഥജാനനഞ്ച, സുദിട്ഠകമ്മസമ്പദാ;

ദക്ഖതാ ഹത്ഥസീഘതാ, പസാദസൂരസത്തിതാ.

൨൮൮. സാഭാവികതങ്ഖണിക-ഞാണസുഭാസിതാപി ച;

ഉസ്സാഹോ ദബ്ബോ സബ്ബതാ, വേജ്ജാചേരസ്സ ലക്ഖണം;

൨൮൯. കിലിട്ഠവത്ഥം കോധോ ച, അതിമാനഞ്ച ഗമ്മതാ;

അനിമന്തിതഗമനം, ഏതേ പഞ്ച വിവജ്ജിയാ.

൨൯൦. ദിട്ഠകമ്മതാ സോചഞ്ച, ദക്ഖതാ വിദിതാഗമോ;

ചത്താരോ സുഭിസക്കസ്സ, സുഗുണാ വിഞ്ഞുനാ മതാ.

൨൯൧. രുജായ ജയലക്ഖണം, രസോ ച ഭേസജ്ജമ്പി ച;

തിലക്ഖണഭേദോ ചേവ, വിഞ്ഞേയ്യോ ഭിസക്കേന വേ.