ജിനവംസദീപം |ഓ൦.൦൦൦൧|

നമോ തസ്സ ഭഗവതോ അരഹതോ സമ്മാസമ്ബുദ്ധസ്സ

൧. മഹാദയോ യോ ഹദയോ’ദയോ’ദയോ

ഹിതായ ദുക്ഖാനുഭവേ ഭവേ ഭവേ,

അകാസി സമ്ബോധിപദം പദം പദം

തമാഭിവന്ദാമി ജിനം ജിനം ജിനം; (യമകബന്ധനം)

൨. |ഓ൦.൦൦൦൨|

പഹായ യത്ഥാ’ഭിരതിം രതിം രതിം

രമന്തി ധമ്മേവ മുനീ മുനീ മുനീ,

വിമുത്തിദം സബ്ബഭവാ ഭവാ’ഭവാ

തമാഭിവന്ദേ മഹിതം ഹിതം ഹിതം; (യമകബന്ധനം)

൩. |ഓ൦.൦൦൦൪|

നിപീതസദ്ധമ്മരസാ രസാ’രസാ

സുപുഞ്ഞഖേത്തോ’രസതം സതം സതം,

ഗതാ വിധൂതാ വിനയേന യേന യേ

തമാഭിവന്ദേ’സിഗണങ്ഗണ’ങ്ഗണം; (യമകബന്ധനം)

൪. |ഓ൦.൦൦൦൫|

ജിനാ’നതമ്ഭോരുഹ ഹംസരാജിനീ

ജിനോരസാനം മുഖപഞ്ജരാ’ലി നീ,

സദത്ഥസാരം സരസം വിസൂദ നീ

ഉപേതു മേ മാനസമേവ വാണി നീ;

൫. കമ്മാവസേസാ വിചിതോ’പജാത്യാ

ഗന്ഥാ’ഹിസങ്ഖാരവിബന്ധകാ മേ,

പണാമ പുഞ്ഞാതിസയേന’നേന

മാ പാകദാനാ’വസരാ ഭവന്തു;

൬. സുവണ്ണവണ്ണസ്സ ജിനസ്സ വണ്ണം

വണ്ണേയ്യ കപ്പമ്പി കജിതോ സുവണ്ണോ,

കപ്പസ്സി’വോസാന മനത്തതായ

ന പാപുണേ ബുദ്ധഗുണാന മന്തം;

൭. |ഓ൦.൦൦൦൬|

നിദ്ധന്ത ചാമീകര ചാരു രൂപം

സരസ്സതീ ഭൂസണ ഭാസനംച,

അനഞ്ഞ സാധാരണ ഞാണമസ്സ

അവാവിയാ’ചിന്തിയ മപക്പമേയ്യം;

൮. കുഹിം അസാധാരണ രൂപ ലീലാ

കുഹിം അസാധാരണ വാണി ലീലാ,

കുഹിം അസാധാരണഞാണ ലീലാ

കുഹിം നു മേ മന്ദമതിസ്സ ലീലാ;

൯. |ഓ൦.൦൦൦൭|

വിഭാവിമാനീ പരവമ്ഹിനോ യേ

ഇസ്സാ’ഭിമാനേന വിഭഞ്ഞമാനാ,

ഗവേസയന്തീ’ധ പരസ്സ രന്ധം

തേസം പസംസാഗരഹാഹി കിമ്മേ;

൧൦. പസത്ഥ സത്ഥാഗമ പാരദസ്സീ

യേ സാധവോ സാധു ഗുണപ്പസന്താ,

ഗന്ഥസ്സ നിമ്മാണപരിസ്സമം നോ

ജാനന്തി തേയേവ ഇധപ്പമാണാ;

൧൧. ആദിച്ചവംസപ്പഭവസ്സ തസ്സ

ജിനസ്സ സത്ഥാഗമകോവിദേഹി,

വുത്തോപി പുബ്ബാചരിയേഹി യേസു

ഗന്ഥേസു സങ്ഖേപവസേന വംസോ;

൧൨. ന തേഹി സക്കാ സുഗതസ്സ വംസം

കിഞ്ചാപി വിഞ്ഞാതു മസേസയിത്വാ,

സമ്പുണ്ണവംസസ്സ വിഭാവനായ

തസ്മാ സമുസ്സാഹിത മാനസേന;

൧൩. |ഓ൦.൦൦൦൮|

അഭിപ്പസന്നോ രതനത്തയമ്ഹി

പസത്ഥവംസപ്പഭവോ പഭുനം,

വിഭുസണോ വിസ്സുതകിത്തിഘോസോ

യോ ഭാതി ലങ്കായ മുളാരഭാഗ്യോ;

൧൪. അമന്ദചാഗാ’ഭിരതസ്സ

പുനന്ദു നാമസ്സ ദയാധനസ്സ,

ബുദ്ധേ പസാദാതിസയസ്സ തസ്സ

അജ്ഝേസനഞ്ചാപി പടിഗ്ഗഹേത്വാ;

൧൫. നസ്സായ പുബ്ബാചരിയോ’പദേസം

സോതൂന മത്ഥായ മയാ ഹിതായ,

നിരുത്തിയാ മാഗധികായ സമ്മാ

വിധീയതേ’ദം ജിനവംസദീപം;

൧൬. |ഓ൦.൦൦൦൯|

സദ്ധാസിനേഹാനുഗതായ പഞ്ഞാ-

ദസായ സോതൂഹി മനോവിമാനേ,

പദീപിതോ’യം ജിനവംസദീപ-

ദീപോഹരേപാപതമപ്പബന്ധം;

൧൭. പുരങ്ഗപുണ്ണാ സിരിജമ്ബുദീപേ

സമ്പത്തിഭാരേന ദിവാ’വതിണ്ണാ,

യാ ദേവരാജസ്സ’മരാവതീ’വാ-

മരാവതീനാമ പുരീ പുരേ’സീ;

൧൮. വിജ്ജാധരാനഞ്ച വിഹങ്ഗമാനം

വിബന്ധ വേഹാസഗതിം ബഹാസ,

യസ്മിം പുരസ്മിം ജിതവേരി ചക്കം

പാകാരചക്കം വിയ ചക്കവാളം;

൧൯. |ഓ൦.൦൦൧൦|

സഞ്ചുമ്ബിതമ്ഹോജ രജോ പബന്ധ-

സുപിഞ്ജരാപാ പരിഖാഹിരാമാ,

പുരിത്ഥി പാകാര നിതമ്ബഭാഗേ

സമുബ്ബഹീ കഞ്ചന മേഖലാ’ഭം;

൨൦. രത്തിന്ദിവാ രത്തമണി’ന്ദനീല-

മണിപ്പഭാരഞ്ജിത രാജധാനി,

ബബന്ധ യാ’മന്ദസുരിന്ദചാപ-

സമുജ്ജലാകാസതലബ്ബിലാസം;

൨൧. യഹിംവധൂനം വദനമ്ബുജേഹി

കതാവമാനം ഹരിണങ്കബിമ്ബം,

പഭാഹി നീലോപലതോരണാതം

സോകാഭീഭൂതംച വിവണ്ണമാപ;

൨൨. |ഓ൦.൦൦൧൧|

സരോരുഹ’ന്തീ മണിമന്ദിരാഭാ-

സഞ്ചുമ്ബിതം പുണ്ണസസങ്കബിമ്ബം;

സങ്കായ രാമാജനതാ’ഭിരാമാ

കരേ പസാരേസി പുരമ്ഹി യസ്മിം;

൨൩. യത്ഥ’ങ്ഗനാനം പടിബിമ്ബിതാനി

ആദാസഭിത്തീസു മുഖമ്ബുജാനി,

ആസും വിഘാതായ മധുബ്ബതാനം

വിലോചനാലീന മനുഗ്ഗഹായ;

൨൪. സമ്മത്ത മാതങ്ഗ ധരാധരേഹി

യസ്മിം അഭിസ്സന്ദ മദസ്സവന്തി,

തുരങ്ഗ രങ്ഗേഹീ തരങ്ഗ മാലാ

സമാകുലേവാ’സി വിധൂത ധൂലീ;

൨൫. |ഓ൦.൦൦൧൨|

നിക്ഖിത്തവീണാ മണിനുപുരാനം

വിലാസിനീനം മുദുപാണി പാദേ,

മത്താലിമാലാ കലനാദിനീ കിം

നാലങ്കരും യത്ഥ കതാവകാസാ;

൨൬. ധവത്ഥിനീനം കുചസാരസേഹി

നേത്താലിഭാരാ’നനനീരജേഹി,

യാ ഹാസവീചീഹി പുരീ രജന്യാ

രരാജ സമഫുല്ലസരോജിനീ’വ;

൨൭. ചന്ദപ്പഭാ ചുമ്ബിത ചന്ദകന്ത

പാസാണധാരാ മണിചന്ദികാസൂ,

ചന്ദാനനാനം യഹി മങ്ഗനാഹം

പരിസ്സമസ്സോ’പസമായ’ഹേസും;

൨൮. |ഓ൦.൦൦൧൩|

യസ്മിം പൂരേ ഉദ്ധമധോ വിനദ്ധ-

ജുതിപ്പബന്ധോ മണിമന്ദിരാനം,

സമുബ്ബഹീ ഗേരുക പങ്ക ദിദ്ധ-

വിതാന പച്ചത്ഥരണബ്ബിലാസം

൨൯. സുവണ്ണ മുത്താ മണി വംസവണ്ണാ-

പവാള രൂപീ വജിരേഹിഞ്ചാ’പി,

യാ സത്തധഞ്ഞേഹി ധനേഹി ഫീതാ

അഹൂ പുരി ധഞ്ഞവതീ’വ നാരീ; (സിലേസബന്ധനം)

൩൦. പസാരിതാ’നേകദിസാമുഖേസു

വിചിത്തവത്ഥാ’ഭരണാദിപൂരാ,

യത്ഥാ’പണാ നിജ്ജിതകപ്പരുക്ഖാ

കരിംസു ലോകാഭിമതത്ഥസിദ്ധിം;

൩൧. |ഓ൦.൦൦൧൪|

പരാഗരത്താ മധുപാതിമത്താ

സമ്ഹിന്നവേലാ ഘനനീലവാലാ,

ഹംസാസയാ പഞ്ചസരാഭിരാമാ

യസ്മിം തളാകാ വിയ കാമഭോഗീ; (സിലേസബന്ധനം)

൩൨. പുരന്തരസ്മിം രതനഗ്ഘികാനം

രംസിപ്പബന്ധേഹി ഹതന്ധകാരേ,

കുന്ദാരവിന്ദബ്ഭുദയേനയസ്മിം

രത്തിന്ദിവാഭേദ മവേദി ലോകോ;

൩൩. |ഓ൦.൦൦൧൫|

മാതങ്ഗജീമൂതഘടായ ഘണ്ടാ-

ടങ്കാരഗമ്ഭീരരവായ യസ്മിം,

പലമ്ഭീതാ മത്തസിഖണ്ഡിമാലാ

അകാ വികാലേപി അഖണ്ഡകീളം;

൩൪. പുരമ്ഹി യസ്മിം ചരണമ്ബുജേഹി

വധൂജതോ ബന്ധിതനൂപുരേഹി,

വികാസ കോകാസന സീസ ബദ്ധ