൧൧. രാഗപേയ്യാലം

൬൨൩. ‘‘രാഗസ്സ, ഭിക്ഖവേ, അഭിഞ്ഞായ സത്ത ധമ്മാ ഭാവേതബ്ബാ. കതമേ സത്ത? സതിസമ്ബോജ്ഝങ്ഗോ…പേ… ഉപേക്ഖാസമ്ബോജ്ഝങ്ഗോ – രാഗസ്സ, ഭിക്ഖവേ, അഭിഞ്ഞായ ഇമേ സത്ത ധമ്മാ ഭാവേതബ്ബാ’’തി.

൬൨൪. ‘‘രാഗസ്സ, ഭിക്ഖവേ, അഭിഞ്ഞായ സത്ത ധമ്മാ ഭാവേതബ്ബാ. കതമേ സത്ത? അനിച്ചസഞ്ഞാ, അനത്തസഞ്ഞാ, അസുഭസഞ്ഞാ, ആദീനവസഞ്ഞാ, പഹാനസഞ്ഞാ, വിരാഗസഞ്ഞാ, നിരോധസഞ്ഞാ – രാഗസ്സ, ഭിക്ഖവേ, അഭിഞ്ഞായ ഇമേ സത്ത ധമ്മാ ഭാവേതബ്ബാ’’തി.

൬൨൫. ‘‘രാഗസ്സ, ഭിക്ഖവേ, അഭിഞ്ഞായ സത്ത ധമ്മാ ഭാവേതബ്ബാ. കതമേ സത്ത? അസുഭസഞ്ഞാ, മരണസഞ്ഞാ, ആഹാരേ പടികൂലസഞ്ഞാ, സബ്ബലോകേ അനഭിരതസഞ്ഞാ, അനിച്ചസഞ്ഞാ, അനിച്ചേ ദുക്ഖസഞ്ഞാ, ദുക്ഖേ അനത്തസഞ്ഞാ – രാഗസ്സ, ഭിക്ഖവേ, അഭിഞ്ഞായ ഇമേ സത്ത ധമ്മാ ഭാവേതബ്ബാ’’തി.

൬൨൬-൬൫൨. ‘‘രാഗസ്സ, ഭിക്ഖവേ, പരിഞ്ഞായ…പേ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ…പേ… പടിനിസ്സഗ്ഗായ ഇമേ സത്ത ധമ്മാ ഭാവേതബ്ബാ’’തി.

൬൫൩-൧൧൩൨. ‘‘ദോസസ്സ…പേ… മോഹസ്സ… കോധസ്സ… ഉപനാഹസ്സ… മക്ഖസ്സ… പളാസസ്സ… ഇസ്സായ… മച്ഛരിയസ്സ… മായായ… സാഠേയ്യസ്സ… ഥമ്ഭസ്സ… സാരമ്ഭസ്സ… മാനസ്സ… അതിമാനസ്സ… മദസ്സ… പമാദസ്സ അഭിഞ്ഞായ…പേ… പരിഞ്ഞായ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ ഇമേ സത്ത ധമ്മാ ഭാവേതബ്ബാ’’തി.

ഇദമവോച ഭഗവാ. അത്തമനാ തേ ഭിക്ഖൂ ഭഗവതോ ഭാസിതം അഭിനന്ദുന്തി.

രാഗപേയ്യാലം നിട്ഠിതം.