൬. ഛട്ഠവഗ്ഗോ

൨൪൮. ‘‘ഏതദഗ്ഗം, ഭിക്ഖവേ, മമ സാവകാനം ഉപാസകാനം പഠമം സരണം ഗച്ഛന്താനം യദിദം തപുസ്സഭല്ലികാ [തപസ്സുഭല്ലികാ (സീ. പീ.)] വാണിജാ’’.

൨൪൯. … ദായകാനം യദിദം സുദത്തോ ഗഹപതി അനാഥപിണ്ഡികോ.

൨൫൦. … ധമ്മകഥികാനം യദിദം ചിത്തോ ഗഹപതി മച്ഛികാസണ്ഡികോ.

൨൫൧. … ചതൂഹി സങ്ഗഹവത്ഥൂഹി പരിസം സങ്ഗണ്ഹന്താനം യദിദം ഹത്ഥകോ ആളവകോ.

൨൫൨. … പണീതദായകാനം യദിദം മഹാനാമോ സക്കോ.

൨൫൩. … മനാപദായകാനം യദിദം ഉഗ്ഗോ ഗഹപതി വേസാലികോ.

൨൫൪. … സങ്ഘുപട്ഠാകാനം യദിദം ഹത്ഥിഗാമകോ ഉഗ്ഗതോ ഗഹപതി.

൨൫൫. … അവേച്ചപ്പസന്നാനം യദിദം സൂരമ്ബട്ഠോ [സൂരോ അമ്ബട്ഠോ (സീ. സ്യാ. കം. പീ.) സുരേബന്ധോ (ക.)].

൨൫൬. … പുഗ്ഗലപ്പസന്നാനം യദിദം ജീവകോ കോമാരഭച്ചോ.

൨൫൭. … വിസ്സാസകാനം യദിദം നകുലപിതാ ഗഹപതീതി.

വഗ്ഗോ ഛട്ഠോ.