4. Padīpadāyakattheraapadānaṃ

14. ‘‘Devabhūto ahaṃ santo, oruyha pathaviṃ tadā;

Padīpe pañca pādāsiṃ, pasanno sehi pāṇibhi.

15. ‘‘Catunnavutito kappe, yaṃ padīpamadaṃ tadā;

Duggatiṃ nābhijānāmi, dīpadānassidaṃ phalaṃ.

16. ‘‘Pañcapaññāsake kappe, eko āsiṃ mahīpati;

Samantacakkhunāmena, cakkavattī mahabbalo.

17. ‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā padīpadāyako [apaṇṇadīpiyo (sī. ka.)] thero imā gāthāyo abhāsitthāti.

Padīpadāyakattherassāpadānaṃ catutthaṃ.