Saddabindu |O0.0001| pakaraṇaṃ

Namo tassa bhagavato arahato sammāsambuddhassa

1. Yassañeyyesu dhammesu, nāṇumattampaveditaṃ,

Natvāsaddhammasaṅghaṃtaṃ, saddabinduṃsamārabhe;

2. |O0.0002|

Kādiritā navasaṅkhyā, kamenaṭā di yādica,

Pādayopañca saṅkhyātā, suññanāmā saraññanā;

3. Sarehevasarāpubbe luttāvāvīpareramā,

Byañjanācāgamāvāvī dīgharassādisambhavā;

4. |O0.0003|

Kākāsenāgatosisa keniddhimaccadassayi,

Arājakhvaggimesīnaṃ sotukammeghayitthiyo;

Iti sandhikappo samatto.

5. |O0.0004|

Buddhapumayuvasanta rājabrahmasakhācasā,

Yatādidehījantuca satthupitābhibhūvidū;

6. Kaññāmmārattithipo, kkharaṇīnadirumātubhū,

Napuṃsaketiyantāca, padakammadadhāyuno;

7. |O0.0005|

Gahitāgahaṇenettha suddhosyādyantakāpume,

Vimalāhontijāntehi thyaṃpañcantehidādhikā;

8. Napuṃsakepayogātu janakāhontityantato,

Padhānānugatāsabba nāmasamāsataddhitā;

9. |O0.0006|

Attiliṅgānipātādi tatoluttāvasyādayo,

Suttānurūpatosiddhā hontivattāmanādayo;

Iti nāmakappo samatto.

10. Chakārakesasāmismiṃ samāsohotisambhavā,

Taddhītākattukammasa, mpadānokāsasāmisu;

11. |O0.0007|

Sādhattayamhiākhyāto kitakosattasādhane,

Sabbatthapaṭhamāvutte avuttedutiyādayo;

12. Manasāmuninovutyā vanebuddhenavaṇṇite,

Vaṭṭāhitovivaṭṭatthaṃ bhikkhubhāvetibhāvanaṃ;

Iti kārakakappo samatto.

13. |O0.0008|

Rāsīdvipadikādvandā liṅgenavacanenaca,

Luttātulyādhikaraṇā bahubbīhītukhemarū;

14. Tappurisācakhemorā dayācakammadhārayā,

Digavocāvyayāhārā etesabbepihāritā;

Iti samāsakappo samatto.

15. Kaccāditopiekamhā saddatoniyamaṃvinā,

Nekatthesatibhonteva sabbetaddhitapaccayā;

Iti taddhitakappo samatto.

16. |O0.0009|

Kattarināññathākamme tathābhāvetumerayā,

Sabbetepacadhātumhi saṅkhepenamarūmayā;

17. |O0.0010|

Gamīmhātiguṇāphatto sambhavāaññadhātusu,

Anantāvapayogāte ādesapaccayādihi;

Iti ākhyātakappo samatto.

18. Kitādipaccayāsabbe, ekamhāapidhātuto,

Siyuṃnurūpatosatta, sādhanesatipāyato;

Iti kitakappo samatto.

19. |O0.0011|

Iminākiñcilesena, sakkāñātuṃjināgame,

Payogāñāṇināsindhu, rasovekenabindunā;

20. Rammaṃsīghappavesāya, puraṃpiṭakasaññitaṃ,

Maggojumaggataṃmaggaṃ, saddāraññevisodhito;

21. |O0.0012|

Teneva kiñci jalito jalito padīpo

Kaccāyanuttiratano citagabbhakoṇe,

Dhammādirājagurunā garumāmakena

Dhammena yobbipatinā sagaruttanīto;

Iti saddabindu pakaraṇaṃ parisamattaṃ.

Yosaññamo guṇadhano nayanaṃ nijaṃva

Sikkhāpayī mama mavaṃ sugatāgamādo,

Salloka puñja suhado padumādi rāma

Nāmo mahā yativarā cariyo samayhaṃ;

Saddhādhanena vasatā viditamhi pupphā

Rāmedhunā ariyavaṃsa dhajavhayena,

Santena ñāṇatilako tyaparākhyakena

Bālānametamavidhīyi mayāhitāya;