໙. ສມຖາ ສມຖສ຺ສ ສາຘາຣຓວາໂຣ

໒໙໙. ສມຖາ ສມຖສ຺ສ ສາຘາຣຓາ, ສມຖາ ສມຖສ຺ສ ອສາຘາຣຓາ. ສິຍາ ສມຖາ ສມຖສ຺ສ ສາຘາຣຓາ, ສິຍາ ສມຖາ ສມຖສ຺ສ ອສາຘາຣຓາ.

ກຖໍ ສິຍາ ສມຖາ ສມຖສ຺ສ ສາຘາຣຓາ? ກຖໍ ສິຍາ ສມຖາ ສມຖສ຺ສ ອສາຘາຣຓາ? ເຍຠຸຍ຺ຍສິກາ ສມ຺ມຸຂາວິນຍສ຺ສ ສາຘາຣຓາ, ສຕິວິນຍສ຺ສ ອມູຬ຺ຫວິນຍສ຺ສ ປຏິຎ຺ຎາຕກຣຓສ຺ສ ຕສ຺ສປາປິຍສິກາຍ ຕິຓວຕ຺ຖາຣກສ຺ສ ອສາຘາຣຓາ.

ສຕິວິນໂຍ ສມ຺ມຸຂາວິນຍສ຺ສ ສາຘາຣໂຓ, ອມູຬ຺ຫວິນຍສ຺ສ ປຏິຎ຺ຎາຕກຣຓສ຺ສ ຕສ຺ສປາປິຍສິກາຍ ຕິຓວຕ຺ຖາຣກສ຺ສ ເຍຠຸຍ຺ຍສິກາຍ ອສາຘາຣໂຓ.

ອມູຬ຺ຫວິນໂຍ ສມ຺ມຸຂາວິນຍສ຺ສ ສາຘາຣໂຓ, ປຏິຎ຺ຎາຕກຣຓສ຺ສ ຕສ຺ສປາປິຍສິກາຍ ຕິຓວຕ຺ຖາຣກສ຺ສ ເຍຠຸຍ຺ຍສິກາຍ ສຕິວິນຍສ຺ສ ອສາຘາຣໂຓ.

ປຏິຎ຺ຎາຕກຣຓໍ ສມ຺ມຸຂາວິນຍສ຺ສ ສາຘາຣຓໍ, ຕສ຺ສປາປິຍສິກາຍ ຕິຓວຕ຺ຖາຣກສ຺ສ ເຍຠຸຍ຺ຍສິກາຍ ສຕິວິນຍສ຺ສ ອມູຬ຺ຫວິນຍສ຺ສ ອສາຘາຣຓໍ.

ຕສ຺ສປາປິຍສິກາ ສມ຺ມຸຂາວິນຍສ຺ສ ສາຘາຣຓາ, ຕິຓວຕ຺ຖາຣກສ຺ສ ເຍຠຸຍ຺ຍສິກາຍ ສຕິວິນຍສ຺ສ ອມູຬ຺ຫວິນຍສ຺ສ ປຏິຎ຺ຎາຕກຣຓສ຺ສ ອສາຘາຣຓາ.

ຕິຓວຕ຺ຖາຣໂກ ສມ຺ມຸຂາວິນຍສ຺ສ ສາຘາຣໂຓ, ເຍຠຸຍ຺ຍສິກາຍ ສຕິວິນຍສ຺ສ ອມູຬ຺ຫວິນຍສ຺ສ ປຏິຎ຺ຎາຕກຣຓສ຺ສ ຕສ຺ສປາປິຍສິກາຍ ອສາຘາຣໂຓ. ເອວໍ ສິຍາ ສມຖາ ສມຖສ຺ສ ສາຘາຣຓາ; ເອວໍ ສິຍາ ສມຖາ ສມຖສ຺ສ ອສາຘາຣຓາ.

ສມຖາ ສມຖສ຺ສ ສາຘາຣຓວາໂຣ ນິຏ຺ຐິໂຕ ນວໂມ.