໑. ປຣິມຓ຺ຑລວຄ຺ໂຄ

໑໗໕. ອນາທຣິຍໍ ປຏິຈ຺ຈ ປຸຣໂຕ ວາ ປຈ຺ຉໂຕ ວາ ໂອລມ຺ເພນ຺ໂຕ ນິວາເສນ຺ໂຕ ກຕິ ອາປຕ຺ຕິໂຍ ອາປຊ຺ຊຕິ? ອນາທຣິຍໍ ປຏິຈ຺ຈ ປຸຣໂຕ ວາ ປຈ຺ຉໂຕ ວາ ໂອລມ຺ເພນ຺ໂຕ ນິວາເສນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ – ອນາທຣິຍໍ ປຏິຈ຺ຈ ປຸຣໂຕ ວາ ປຈ຺ຉໂຕ ວາ ໂອລມ຺ເພນ຺ໂຕ ນິວາເສນ຺ໂຕ ອິມໍ ເອກໍ ອາປຕ຺ຕິໍ ອາປຊ຺ຊຕິ.

…ອນາທຣິຍໍ ປຏິຈ຺ຈ ປຸຣໂຕ ວາ ປຈ຺ຉໂຕ ວາ ໂອລມ຺ເພນ຺ໂຕ ປາຣຸປນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ກາຍໍ ວິວຣິຕ຺ວາ ອນ຺ຕຣຆເຣ ຄຈ຺ຉນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ກາຍໍ ວິວຣິຕ຺ວາ ອນ຺ຕຣຆເຣ ນິສີທນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ຫຕ຺ຖໍ ວາ ປາທໍ ວາ ກີຬາເປນ຺ໂຕ ອນ຺ຕຣຆເຣ ຄຈ຺ຉນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ຫຕ຺ຖໍ ວາ ປາທໍ ວາ ກີຬາເປນ຺ໂຕ ອນ຺ຕຣຆເຣ ນິສີທນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ຕຫໍ ຕຫໍ ໂອໂລເກນ຺ໂຕ ອນ຺ຕຣຆເຣ ຄຈ຺ຉນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ຕຫໍ ຕຫໍ ໂອໂລເກນ຺ໂຕ ອນ຺ຕຣຆເຣ ນິສີທນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ອຸກ຺ຂິຕ຺ຕກາຍ ອນ຺ຕຣຆເຣ ຄຈ຺ຉນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

…ອນາທຣິຍໍ ປຏິຈ຺ຈ ອຸກ຺ຂິຕ຺ຕກາຍ ອນ຺ຕຣຆເຣ ນິສີທນ຺ໂຕ ເອກໍ ອາປຕ຺ຕິໍ ອາປຊ຺ຊຕິ. ທຸກ຺ກຏໍ….

ປຣິມຓ຺ຑລວຄ຺ໂຄ ປຐໂມ.