໘. ສມຸຈ຺ຈຍວາໂຣ

໒໕໖. ກາຍສໍສຄ຺ຄໍ ສາທິຍນປຈ຺ຈຍາ ກຕິ ອາປຕ຺ຕິໂຍ ອາປຊ຺ຊຕິ? ກາຍສໍສຄ຺ຄໍ ສາທິຍນປຈ຺ຈຍາ ປຎ຺ຈ ອາປຕ຺ຕິໂຍ ອາປຊ຺ຊຕິ. ອວສ຺ສຸຕາ ຠິກ຺ຂຸນີ ອວສ຺ສຸຕສ຺ສ ປຸຣິສປຸຄ຺ຄລສ຺ສ ອຘກ຺ຂກໍ ອຸພ຺ຠຊາຓຸມຓ຺ຑລໍ ຄຫຓໍ ສາທິຍຕິ, ອາປຕ຺ຕິ ປາຣາຊິກສ຺ສ; ຠິກ຺ຂຸ ກາເຍນ ກາຍໍ ອາມສຕິ, ອາປຕ຺ຕິ ສງ຺ຆາທິເສສສ຺ສ; ກາເຍນ ກາຍປຏິພທ຺ຘໍ ອາມສຕິ, ອາປຕ຺ຕິ ຖຸລ຺ລຈ຺ຈຍສ຺ສ; ກາຍປຏິພທ຺ເຘນ ກາຍປຏິພທ຺ຘໍ ອາມສຕິ, ອາປຕ຺ຕິ ທຸກ຺ກຏສ຺ສ; ອງ຺ຄຸລິປໂຕທເກ ປາຈິຕ຺ຕິຍໍ – ກາຍສໍສຄ຺ຄໍ ສາທິຍນປຈ຺ຈຍາ ອິມາ ປຎ຺ຈ ອາປຕ຺ຕິໂຍ ອາປຊ຺ຊຕິ.

ຕາ ອາປຕ຺ຕິໂຍ ຈຕຸນ຺ນໍ ວິປຕ຺ຕີນໍ ກຕິ ວິປຕ຺ຕິໂຍ ຠຊນ຺ຕິ? ສຕ຺ຕນ຺ນໍ ອາປຕ຺ຕິກ຺ຂນ຺ຘານໍ ກຕິຫິ ອາປຕ຺ຕິກ຺ຂນ຺ເຘຫິ ສງ຺ຄຫິຕາ? ຉນ຺ນໍ ອາປຕ຺ຕິສມຸຏ຺ຐານານໍ ກຕິຫິ ສມຸຏ຺ຐາເນຫິ ສມຸຏ຺ຐນ຺ຕິ? ຈຕຸນ຺ນໍ ອຘິກຣຓານໍ ກຕມໍ ອຘິກຣຓໍ? ສຕ຺ຕນ຺ນໍ ສມຖານໍ ກຕິຫິ ສມເຖຫິ ສມ຺ມນ຺ຕິ? ຕາ ອາປຕ຺ຕິໂຍ ຈຕຸນ຺ນໍ ວິປຕ຺ຕີນໍ ທ຺ເວ ວິປຕ຺ຕິໂຍ ຠຊນ຺ຕິ – ສິຍາ ສີລວິປຕ຺ຕິໍ, ສິຍາ ອາຈາຣວິປຕ຺ຕິໍ. ສຕ຺ຕນ຺ນໍ ອາປຕ຺ຕິກ຺ຂນ຺ຘານໍ ປຎ຺ຈຫິ ອາປຕ຺ຕິກ຺ຂນ຺ເຘຫິ ສງ຺ຄຫິຕາ – ສິຍາ ປາຣາຊິກາປຕ຺ຕິກ຺ຂນ຺ເຘນ, ສິຍາ ສງ຺ຆາທິເສສາປຕ຺ຕິກ຺ຂນ຺ເຘນ, ສິຍາ ຖຸລ຺ລຈ຺ຈຍາປຕ຺ຕິກ຺ຂນ຺ເຘນ, ສິຍາ ປາຈິຕ຺ຕິຍາປຕ຺ຕິກ຺ຂນ຺ເຘນ, ສິຍາ ທຸກ຺ກຏາປຕ຺ຕິກ຺ຂນ຺ເຘນ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐນ຺ຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐນ຺ຕິ, ນ ວາຈໂຕ. ຈຕຸນ຺ນໍ ອຘິກຣຓານໍ ອາປຕ຺ຕາຘິກຣຓໍ. ສຕ຺ຕນ຺ນໍ ສມຖານໍ ຕີຫິ ສມເຖຫິ ສມ຺ມນ຺ຕິ – ສິຍາ ສມ຺ມຸຂາວິນເຍນ ຈ ປຏິຎ຺ຎາຕກຣເຓນ ຈ, ສິຍາ ສມ຺ມຸຂາວິນເຍນ ຈ ຕິຓວຕ຺ຖາຣເກນ ຈ…ເປ….

ທຘິໍ ວິຎ຺ຎາເປຕ຺ວາ ຠຸຎ຺ຊນປຈ຺ຈຍາ ກຕິ ອາປຕ຺ຕິໂຍ ອາປຊ຺ຊຕິ? ທຘິໍ ວິຎ຺ຎາເປຕ຺ວາ ຠຸຎ຺ຊນປຈ຺ຈຍາ ທ຺ເວ ອາປຕ຺ຕິໂຍ ອາປຊ຺ຊຕິ. ຠຸຎ຺ຊິສ຺ສາມີຕິ ປຏິຄ຺ຄຓ຺ຫາຕິ, ອາປຕ຺ຕິ ທຸກ຺ກຏສ຺ສ; ອຊ຺ໂຌຫາເຣ ອຊ຺ໂຌຫາເຣ ອາປຕ຺ຕິ ປາຏິເທສນີຍສ຺ສ – ທຘິໍ ວິຎ຺ຎາເປຕ຺ວາ ຠຸຎ຺ຊນປຈ຺ຈຍາ ອິມາ ທ຺ເວ ອາປຕ຺ຕິໂຍ ອາປຊ຺ຊຕິ.

ຕາ ອາປຕ຺ຕິໂຍ ຈຕຸນ຺ນໍ ວິປຕ຺ຕີນໍ ກຕິ ວິປຕ຺ຕິໂຍ ຠຊນ຺ຕິ? ສຕ຺ຕນ຺ນໍ ອາປຕ຺ຕິກ຺ຂນ຺ຘານໍ ກຕິຫິ ອາປຕ຺ຕິກ຺ຂນ຺ເຘຫິ ສງ຺ຄຫິຕາ? ຉນ຺ນໍ ອາປຕ຺ຕິສມຸຏ຺ຐານານໍ ກຕິຫິ ສມຸຏ຺ຐາເນຫິ ສມຸຏ຺ຐນ຺ຕິ? ຈຕຸນ຺ນໍ ອຘິກຣຓານໍ ກຕມໍ ອຘິກຣຓໍ? ສຕ຺ຕນ຺ນໍ ສມຖານໍ ກຕິຫິ ສມເຖຫິ ສມ຺ມນ຺ຕິ? ຕາ ອາປຕ຺ຕິໂຍ ຈຕຸນ຺ນໍ ວິປຕ຺ຕີນໍ ເອກໍ ວິປຕ຺ຕິໍ ຠຊນ຺ຕິ – ອາຈາຣວິປຕ຺ຕິໍ. ສຕ຺ຕນ຺ນໍ ອາປຕ຺ຕິກ຺ຂນ຺ຘານໍ ທ຺ວີຫິ ອາປຕ຺ຕິກ຺ຂນ຺ເຘຫິ ສງ຺ຄຫິຕາ – ສິຍາ ປາຏິເທສນີຍາປຕ຺ຕິກ຺ຂນ຺ເຘນ, ສິຍາ ທຸກ຺ກຏາປຕ຺ຕິກ຺ຂນ຺ເຘນ. ຉນ຺ນໍ ອາປຕ຺ຕິສມຸຏ຺ຐານານໍ ຈຕູຫິ ສມຸຏ຺ຐາເນຫິ ສມຸຏ຺ຐນ຺ຕິ – ສິຍາ ກາຍໂຕ ສມຸຏ຺ຐນ຺ຕິ, ນ ວາຈໂຕ ນ ຈິຕ຺ຕໂຕ; ສິຍາ ກາຍໂຕ ຈ ວາຈໂຕ ຈ ສມຸຏ຺ຐນ຺ຕິ, ນ ຈິຕ຺ຕໂຕ; ສິຍາ ກາຍໂຕ ຈ ຈິຕ຺ຕໂຕ ຈ ສມຸຏ຺ຐນ຺ຕິ ນ ວາຈໂຕ; ສິຍາ ກາຍໂຕ ຈ ວາຈໂຕ ຈ ຈິຕ຺ຕໂຕ ຈ ສມຸຏ຺ຐນ຺ຕິ. ຈຕຸນ຺ນໍ ອຘິກຣຓານໍ, ອາປຕ຺ຕາຘິກຣຓໍ. ສຕ຺ຕນ຺ນໍ ສມຖານໍ ຕີຫິ ສມເຖຫິ ສມ຺ມນ຺ຕິ – ສິຍາ ສມ຺ມຸຂາວິນເຍນ ຈ ປຏິຎ຺ຎາຕກຣເຓນ ຈ, ສິຍາ ສມ຺ມຸຂາວິນເຍນ ຈ ຕິຓວຕ຺ຖາຣເກນ ຈາຕິ.

ສມຸຈ຺ຈຍວາໂຣ ນິຏ຺ຐິໂຕ ອຏ຺ຐໂມ. [ອິມສ຺ສານນ຺ຕຣໍ ໂປຣາຓສີຫຬໂປຕ຺ຖເກ ເອວມ຺ປິ§ທິສ຺ສຕິ –§‘‘ເຕສມຸທ຺ທານໍ –§ກຕິວາໂຣ ຈ ວິປຕ຺ຕິວາໂຣ ຈ, ສງ຺ຄຫວາໂຣ ຈ ສມຸຏ຺ຐານວາໂຣ. ອຘິກຣຓວາໂຣ ຈ ສມຖວາໂຣ ຈ, ສມຸຈ຺ຈຍວາໂຣ ຈ ອິເມ ສຕ຺ຕ ວາຣາ. ອາທິໂຕ ປຎ຺ຎຕ຺ຕິວາເຣນ ສຫ ອຏ຺ຐວາຣາຕິ’’ອິຕິ.]

ອຏ຺ຐ ປຈ຺ຈຍວາຣາ ນິຏ຺ຐິຕາ.

ຠິກ຺ຂຸນີວິຠງ຺ເຄ ໂສຬສ ມຫາວາຣາ ນິຏ຺ຐິຕາ.