໕. ສຎ຺ຈຣິຕ຺ຕສິກ຺ຂາປທໍ

໒໙໖. ເຕນ ສມເຍນ ພຸທ຺ໂຘ ຠຄວາ ສາວຕ຺ຖິຍໍ ວິຫຣຕິ ເຊຕວເນ ອນາຖປິຓ຺ຑິກສ຺ສ ອາຣາເມ. ເຕນ ໂຂ ປນ ສມເຍນ ອາຍສ຺ມາ ອຸທາຍີ ສາວຕ຺ຖິຍໍ ກຸລູປໂກ ໂຫຕິ. ພຫຸການິ ກຸລານິ ອຸປສງ຺ກມຕິ. ຍຕ຺ຖ ປສ຺ສຕິ ກຸມາຣກໍ ວາ ອປຊາປຕິກໍ, ກຸມາຣິກໍ ວາ ອປຕິກໍ, ກຸມາຣກສ຺ສ ມາຕາປິຕູນໍ ສນ຺ຕິເກ ກຸມາຣິກາຍ ວຓ຺ຓໍ ຠຓຕິ – ‘‘ອມຸກສ຺ສ ກຸລສ຺ສ ກຸມາຣິກາ ອຠິຣູປາ ທສ຺ສນີຍາ ປາສາທິກາ ປຓ຺ຑິຕາ ພ຺ຍຕ຺ຕາ ເມຘາວິນີ ທກ຺ຂາ ອນລສາ. ຉນ຺ນາ ສາ ກຸມາຣິກາ ອິມສ຺ສ ກຸມາຣກສ຺ສາ’’ຕິ. ເຕ ເອວໍ ວທນ຺ຕິ – ‘‘ເອເຕ ໂຂ, ຠນ຺ເຕ, ອມ຺ເຫ ນ ຊານນ຺ຕິ – ‘ເກ ວາ ອິເມ ກສ຺ສ ວາ’ຕິ. ສເຈ, ຠນ຺ເຕ, ອຍ຺ໂຍ ທາເປຍ຺ຍ ອາເນຍ຺ຍາມ ມຍໍ ຕໍ ກຸມາຣິກໍ ອິມສ຺ສ ກຸມາຣກສ຺ສາ’’ຕິ. ກຸມາຣິກາຍ ມາຕາປິຕູນໍ ສນ຺ຕິເກ ກຸມາຣກສ຺ສ ວຓ຺ຓໍ ຠຓຕິ – ‘‘ອມຸກສ຺ສ ກຸລສ຺ສ ກຸມາຣໂກ ອຠິຣູໂປ ທສ຺ສນີໂຍ ປາສາທິໂກ ປຓ຺ຑິໂຕ ພ຺ຍຕ຺ໂຕ ເມຘາວີ ທກ຺ໂຂ ອນລໂສ. ຉນ຺ນາຍໍ ກຸມາຣິກາ ຕສ຺ສ ກຸມາຣກສ຺ສາ’’ຕິ [ຉນ຺ໂນ ໂສ ກຸມາຣໂກ ອິມິສ຺ສາ ກຸມາຣິກາຍາຕິ (ສ຺ຍາ.)]. ເຕ ເອວໍ ວທນ຺ຕິ – ‘‘ເອເຕ ໂຂ, ຠນ຺ເຕ, ອມ຺ເຫ ນ ຊານນ຺ຕິ – ‘ເກ ວາ ອິເມ ກສ຺ສ ວາ’ຕິ, ກິສ຺ມິໍ ວິຍ ກຸມາຣິກາຍ ວຕ຺ຕຸໍ. ສເຈ, ຠນ຺ເຕ, ອຍ຺ໂຍ ຍາຈາເປຍ຺ຍ ທຊ຺ເຊຍ຺ຍາມ ມຍໍ ອິມໍ ກຸມາຣິກໍ ຕສ຺ສ ກຸມາຣກສ຺ສາ’’ຕິ. ເອເຕເນວ ອຸປາເຍນ ອາວາຫານິປິ ກາຣາເປຕິ, ວິວາຫານິປິ ກາຣາເປຕິ, ວາເຣຍ຺ຍານິປິ ກາຣາເປຕິ.

໒໙໗. ເຕນ ໂຂ ປນ ສມເຍນ ອຎ຺ຎຕຣິສ຺ສາ ປຸຣາຓຄຓກິຍາ ຘີຕາ ອຠິຣູປາ ໂຫຕິ ທສ຺ສນີຍາ ປາສາທິກາ. ຕິໂຣຄາມກາ ອາຊີວກສາວກາ ອາຄນ຺ຕ຺ວາ ຕໍ ຄຓກິໍ ເອຕທໂວຈຸໍ – ‘‘ເທຫາຍ຺ເຍ, ອິມໍ ກຸມາຣິກໍ ອມ຺ຫາກໍ ກຸມາຣກສ຺ສາ’’ຕິ. ສາ ເອວມາຫ – ‘‘ອຫໍ ຂ຺ວຍ຺ໂຍ [ຂ຺ວຍ຺ຍາ (ສ຺ຍາ.), ຂ຺ວາຍ຺ໂຍ (ກ.)] ຕຸມ຺ເຫ ນ ຊານາມິ – ‘ເກ ວາ ອິເມ ກສ຺ສ ວາ’ຕິ. ອຍຎ຺ຈ ເມ ເອກຘີຕິກາ, ຕິໂຣຄາໂມ ຈ ຄນ຺ຕພ຺ໂພ, ນາຫໍ ທສ຺ສາມີ’’ຕິ. ມນຸສ຺ສາ ເຕ ອາຊີວກສາວເກ ເອຕທໂວຈຸໍ – ‘‘ກິສ຺ສ ຕຸມ຺ເຫ, ອຍ຺ໂຍ, ອາຄຕຕ຺ຖາ’’ຕິ? ‘‘ອິຘ ມຍໍ, ອຍ຺ໂຍ, ອມຸກໍ ນາມ ຄຓກິໍ ຘີຕຣໍ ຍາຈິມ຺ຫາ ອມ຺ຫາກໍ ກຸມາຣກສ຺ສ. ສາ ເອວມາຫ – ‘ອຫໍ, ຂ຺ວຍ຺ໂຍ ຕຸມ຺ເຫ ນ ຊານາມິ – ເກ ວາ ອິເມ ກສ຺ສ ວາ’ຕິ. ອຍຎ຺ຈ ເມ ເອກຘີຕິກາ, ຕິໂຣຄາໂມ ຈ ຄນ຺ຕພ຺ໂພ, ນາຫໍ ທສ຺ສາມີ’’ຕິ. ‘‘ກິສ຺ສ ຕຸມ຺ເຫ, ອຍ຺ໂຍ, ຕໍ ຄຓກິໍ ຘີຕຣໍ ຍາຈິຕ຺ຖ? ນນຸ ອຍ຺ໂຍ ອຸທາຍີ ວຕ຺ຕພ຺ໂພ. ອຍ຺ໂຍ ອຸທາຍີ ທາເປສ຺ສຕີ’’ຕິ.

ອຖ ໂຂ ເຕ ອາຊີວກສາວກາ ເຍນາຍສ຺ມາ ອຸທາຍີ ເຕນຸປສງ຺ກມິໍສຸ; ອຸປສງ຺ກມິຕ຺ວາ ອາຍສ຺ມນ຺ຕໍ ອຸທາຍິໍ ເອຕທໂວຈຸໍ – ‘‘ອິຘ ມຍໍ, ຠນ຺ເຕ, ອມຸກໍ ນາມ ຄຓກິໍ ຘີຕຣໍ ຍາຈິມ຺ຫາ ອມ຺ຫາກໍ ກຸມາຣກສ຺ສ. ສາ ເອວມາຫ – ‘ອຫໍ ຂ຺ວຍ຺ໂຍ ຕຸມ຺ເຫ ນ ຊານາມິ – ເກ ວາ ອິເມ ກສ຺ສ ວາຕິ. ອຍຎ຺ຈ ເມ ເອກຘີຕິກາ, ຕິໂຣຄາໂມ ຈ ຄນ຺ຕພ຺ໂພ, ນາຫໍ ທສ຺ສາມີ’ຕິ. ສາຘຸ, ຠນ຺ເຕ, ອຍ຺ໂຍ ຕໍ ຄຓກິໍ ຘີຕຣໍ ທາເປຕຸ ອມ຺ຫາກໍ ກຸມາຣກສ຺ສາ’’ຕິ. ອຖ ໂຂ ອາຍສ຺ມາ ອຸທາຍີ ເຍນ ສາ ຄຓກີ ເຕນຸປສງ຺ກມິ; ອຸປສງ຺ກມິຕ຺ວາ ຕໍ ຄຓກິໍ ເອຕທໂວຈ – ‘‘ກິສ຺ສິເມສໍ ຘີຕຣໍ ນ ເທສີ’’ຕິ? ‘‘ອຫໍ ຂ຺ວຍ຺ຍ, ອິເມ ນ ຊານາມິ – ‘ເກ ວາ ອິເມ ກສ຺ສ ວາ’ຕິ. ອຍຎ຺ຈ ເມ ເອກຘີຕິກາ, ຕິໂຣຄາໂມ ຈ ຄນ຺ຕພ຺ໂພ, ນາຫໍ ທສ຺ສາມີ’’ຕິ. ‘‘ເທຫິເມສໍ. ອຫໍ ອິເມ ຊານາມີ’’ຕິ. ‘‘ສເຈ, ຠນ຺ເຕ, ອຍ຺ໂຍ ຊານາຕິ, ທສ຺ສາມີ’’ຕິ. ອຖ ໂຂ ສາ ຄຓກີ ເຕສໍ ອາຊີວກສາວການໍ ຘີຕຣໍ ອທາສິ. ອຖ ໂຂ ເຕ ອາຊີວກສາວກາ ຕໍ ກຸມາຣິກໍ ເນຕ຺ວາ ມາສໍເຍວ ສຸຓິສໂຠເຄນ ຠຸຎ຺ຊິໍສຸ. ຕໂຕ ອປເຣນ ທາສິໂຠເຄນ ຠຸຎ຺ຊນ຺ຕິ.

ອຖ ໂຂ ສາ ກຸມາຣິກາ ມາຕຸຍາ ສນ຺ຕິເກ ທູຕໍ ປາເຫສິ – ‘‘ອຫມ຺ຫິ ທຸຄ຺ຄຕາ ທຸກ຺ຂິຕາ, ນ ສຸຂໍ ລຠາມິ. ມາສໍເຍວ ມໍ ສຸຓິສໂຠເຄນ ຠຸຎ຺ຊິໍສຸ. ຕໂຕ ອປເຣນ ທາສິໂຠເຄນ ຠຸຎ຺ຊນ຺ຕິ. ອາຄຈ຺ຉຕຸ ເມ ມາຕາ, ມໍ ເນສ຺ສຕູ’’ຕິ. ອຖ ໂຂ ສາ ຄຓກີ ເຍນ ເຕ ອາຊີວກສາວກາ ເຕນຸປສງ຺ກມິ; ອຸປສງ຺ກມິຕ຺ວາ ເຕ ອາຊີວກສາວເກ ເອຕທໂວຈ – ‘‘ມາຍ຺ໂຍ, ອິມໍ ກຸມາຣິກໍ ທາສິໂຠເຄນ ຠຸຎ຺ຊິຕ຺ຖ. ສຸຓິສໂຠເຄນ ອິມໍ ກຸມາຣິກໍ ຠຸຎ຺ຊຖາ’’ຕິ. ເຕ ເອວມາຫໍສຸ – ‘‘ນຕ຺ຖມ຺ຫາກໍ ຕຍາ ສທ຺ຘິໍ ອາຫາຣູປຫາໂຣ, ສມເຓນ ສທ຺ຘິໍ ອມ຺ຫາກໍ ອາຫາຣູປຫາໂຣ. ຄຈ຺ຉ ຕ຺ວໍ. ນ ມຍໍ ຕໍ ຊານາມາ’’ຕິ. ອຖ ໂຂ ສາ ຄຓກີ ເຕຫິ ອາຊີວກສາວເກຫິ ອປສາທິຕາ ປຸນເທວ ສາວຕ຺ຖິໍ ປຈ຺ຈາຄຎ຺ຉິ. ທຸຕິຍມ຺ປິ ໂຂ ສາ ກຸມາຣິກາ ມາຕຸຍາ ສນ຺ຕິເກ ທູຕໍ ປາເຫສິ – ‘‘ອຫມ຺ຫິ ທຸຄ຺ຄຕາ ທຸກ຺ຂິຕາ, ນ ສຸຂໍ ລຠາມິ. ມາສໍເຍວ ມໍ ສຸຓິສໂຠເຄນ ຠຸຎ຺ຊິໍສຸ. ຕໂຕ ອປເຣນ ທາສິໂຠເຄນ ຠຸຎ຺ຊນ຺ຕິ. ອາຄຈ຺ຉຕຸ ເມ ມາຕາ, ມໍ ເນສ຺ສຕູ’’ຕິ. ອຖ ໂຂ ສາ ຄຓກີ ເຍນາຍສ຺ມາ ອຸທາຍີ ເຕນຸປສງ຺ກມິ; ອຸປສງ຺ກມິຕ຺ວາ ອາຍສ຺ມນ຺ຕໍ ອຸທາຍິໍ ເອຕທໂວຈ – ‘‘ສາ ກິຣ, ຠນ຺ເຕ, ກຸມາຣິກາ ທຸຄ຺ຄຕາ ທຸກ຺ຂິຕາ, ນ ສຸຂໍ ລຠຕິ. ມາສໍເຍວ ນໍ ສຸຓິສໂຠເຄນ ຠຸຎ຺ຊິໍສຸ. ຕໂຕ ອປເຣນ ທາສິໂຠເຄນ ຠຸຎ຺ຊນ຺ຕິ. ວເທຍ຺ຍາຖ, ຠນ຺ເຕ – ‘ມາຍ຺ໂຍ, ອິມໍ ກຸມາຣິກໍ ທາສິໂຠເຄນ ຠຸຎ຺ຊິຕ຺ຖ. ສຸຓິສໂຠເຄນ ອິມໍ ກຸມາຣິກໍ ຠຸຎ຺ຊິຖາ’’’ຕິ.

ອຖ ໂຂ ອາຍສ຺ມາ ອຸທາຍີ ເຍນ ເຕ ອາຊີວກສາວກາ ເຕນຸປສງ຺ກມິ; ອຸປສງ຺ກມິຕ຺ວາ ເຕ ອາຊີວກສາວເກ ເອຕທໂວຈ – ‘‘ມາຍ຺ໂຍ, ອິມໍ ກຸມາຣິກໍ ທາສິໂຠເຄນ ຠຸຊ຺ຊິຕ຺ຖ. ສຸຓິສໂຠເຄນ ອິມໍ ກຸມາຣິກໍ ຠຸຎ຺ຊຖາ’’ຕິ. ເຕ ເອວມາຫໍສຸ – ‘‘ນຕ຺ຖມ຺ຫາກໍ ຕຍາ ສທ຺ຘິໍ ອາຫາຣູປຫາໂຣ, ຄຓກິຍາ ສທ຺ຘິໍ ອມ຺ຫາກໍ ອາຫາຣູປຫາໂຣ. ສມເຓນ ຠວິຕພ຺ພໍ ອພ຺ຍາວເຏນ. ສມໂຓ ອສ຺ສ ສຸສມໂຓ, ຄຈ຺ຉ ຕ຺ວໍ, ນ ມຍໍ ຕໍ ຊານາມາ’’ຕິ. ອຖ ໂຂ ອາຍສ຺ມາ ອຸທາຍີ ເຕຫິ ອາຊີວກສາວເກຫິ ອປສາທິໂຕ ປຸນເທວ ສາວຕ຺ຖິໍ ປຈ຺ຈາຄຎ຺ຉິ. ຕຕິຍມ຺ປິ ໂຂ ສາ ກຸມາຣິກາ ມາຕຸຍາ ສນ຺ຕິເກ ທູຕໍ ປາເຫສິ – ‘‘ອຫມ຺ຫິ ທຸຄ຺ຄຕາ ທຸກ຺ຂິຕາ, ນ ສຸຂໍ ລຠາມິ. ມາສໍເຍວ ມໍ ສຸຓິສໂຠເຄນ ຠຸຎ຺ຊິໍສຸ. ຕໂຕ ອປເຣນ ທາສິໂຠເຄນ ຠຸຎ຺ຊນ຺ຕິ. ອາຄຈ຺ຉຕຸ ເມ ມາຕາ, ມໍ ເນສ຺ສຕູ’’ຕິ. ທຸຕິຍມ຺ປິ ໂຂ ສາ ຄຓກີ ເຍນາຍສ຺ມາ ອຸທາຍີ ເຕນຸປສງ຺ກມິ; ອຸປສງ຺ກມິຕ຺ວາ ອາຍສ຺ມນ຺ຕໍ ອຸທາຍິໍ ເອຕທໂວຈ – ‘‘ສາ ກິຣ, ຠນ຺ເຕ, ກຸມາຣິກາ ທຸຄ຺ຄຕາ ທຸກ຺ຂິຕາ, ນ ສຸຂໍ ລຠຕິ. ມາສໍເຍວ ນໍ ສຸຓິສໂຠເຄນ ຠຸຎ຺ຊິໍສຸ. ຕໂຕ ອປເຣນ ທາສິໂຠເຄນ ຠຸຎ຺ຊນ຺ຕິ. ວເທຍ຺ຍາຖ, ຠນ຺ເຕ – ‘ມາຍ຺ໂຍ, ອິມໍ ກຸມາຣິກໍ ທາສິໂຠເຄນ ຠຸຎ຺ຊິຕ຺ຖ, ສຸຓິສໂຠເຄນ ອິມໍ ກຸມາຣິກໍ ຠຸຎ຺ຊຖາ’’’ຕິ. ‘‘ປຐມໍປາຫໍ ເຕຫິ ອາຊີວກສາວເກຫິ ອປສາທິໂຕ. ຄຈ຺ຉ ຕ຺ວໍ. ນາຫໍ ຄມິສ຺ສາມີ’’ຕິ.

໒໙໘. ອຖ ໂຂ ສາ ຄຓກີ ອຸຊ຺ຌາຍຕິ ຂິຍ຺ຍຕິ ວິປາເຈຕິ – ‘‘ເອວໍ ທຸຄ຺ຄໂຕ ໂຫຕຸ ອຍ຺ໂຍ ອຸທາຍີ, ເອວໍ ທຸກ຺ຂິໂຕ ໂຫຕຸ ອຍ຺ໂຍ ອຸທາຍີ, ເອວໍ ມາ ສຸຂໍ ລຠຕຸ ອຍ຺ໂຍ ອຸທາຍີ, ຍຖາ ເມ ກຸມາຣິກາ ທຸຄ຺ຄຕາ ທຸກ຺ຂິຕາ ນ ສຸຂໍ ລຠຕິ ປາປິກາຍ ສສ຺ສຸຍາ ປາປເກນ ສສຸເຣນ ປາປເກນ ສາມິເກນາ’’ຕິ. ສາປິ ໂຂ ກຸມາຣິກາ ອຸຊ຺ຌາຍຕິ ຂິຍ຺ຍຕິ ວິປາເຈຕິ – ‘‘ເອວໍ ທຸຄ຺ຄໂຕ ໂຫຕຸ ອຍ຺ໂຍ ອຸທາຍີ, ເອວໍ ທຸກ຺ຂິໂຕ ໂຫຕຸ ອຍ຺ໂຍ ອຸທາຍີ, ເອວໍ ມາ ສຸຂໍ ລຠຕຸ ອຍ຺ໂຍ ອຸທາຍີ, ຍຖາຫໍ ທຸຄ຺ຄຕາ ທຸກ຺ຂິຕາ ນ ສຸຂໍ ລຠາມິ ປາປິກາຍ ສສ຺ສຸຍາ ປາປເກນ ສສຸເຣນ ປາປເກນ ສາມິເກນາ’’ຕິ. ອຎ຺ຎາປິ ອິຕ຺ຖິໂຍ ອສນ຺ຕຸຏ຺ຐາ ສສ຺ສູຫິ ວາ ສສຸເຣຫິ ວາ ສາມິເກຫິ ວາ, ຕາ ເອວໍ ໂອຍາຈນ຺ຕິ – ‘‘ເອວໍ ທຸຄ຺ຄໂຕ ໂຫຕຸ ອຍ຺ໂຍ ອຸທາຍີ, ເອວໍ ທຸກ຺ຂິໂຕ ໂຫຕຸ ອຍ຺ໂຍ ອຸທາຍີ, ເອວໍ ມາ ສຸຂໍ ລຠຕຸ ອຍ຺ໂຍ ອຸທາຍີ, ຍຖາ ມຍໍ ທຸຄ຺ຄຕາ ທຸກ຺ຂິຕາ ນ ສຸຂໍ ລຠາມ ປາປິກາຫິ ສສ຺ສູຫິ ປາປເກຫິ ສສຸເຣຫິ ປາປເກຫິ ສາມິເກຫີ’’ຕິ. ຍາ ປນ ຕາ ອິຕ຺ຖິໂຍ ສນ຺ຕຸຏ຺ຐາ ສສ຺ສູຫິ ວາ ສສຸເຣຫິ ວາ ສາມິເກຫິ ວາ ຕາ ເອວໍ ອາຍາຈນ຺ຕິ – ‘‘ເອວໍ ສຸຂິໂຕ ໂຫຕຸ ອຍ຺ໂຍ ອຸທາຍີ, ເອວໍ ສຊ຺ຊິໂຕ ໂຫຕຸ ອຍ຺ໂຍ ອຸທາຍີ, ເອວໍ ສຸຂເມໂຘ [ສຸຂເມຘິໂຕ (ສີ. ກ.)] ໂຫຕຸ ອຍ຺ໂຍ ອຸທາຍີ, ຍຖາ ມຍໍ ສຸຂິຕາ ສຊ຺ຊິຕາ ສຸຂເມຘາ ຠທ຺ທິກາຫິ ສສ຺ສູຫິ ຠທ຺ທເກຫິ ສສຸເຣຫິ ຠທ຺ທເກຫິ ສາມິເກຫີ’’ຕິ.

ອສ຺ໂສສຸໍ ໂຂ ຠິກ຺ຂູ ເອກຈ຺ຈານໍ ອິຕ຺ຖີນໍ ໂອຍາຈນ຺ຕີນໍ ເອກຈ຺ຈານໍ ອິຕ຺ຖີນໍ ອາຍາຈນ຺ຕີນໍ. ເຍ ເຕ ຠິກ຺ຂູ ອປ຺ປິຈ຺ຉາ…ເປ… ເຕ ອຸຊ຺ຌາຍນ຺ຕິ ຂິຍ຺ຍນ຺ຕິ ວິປາເຈນ຺ຕິ – ‘‘ກຖຎ຺ຫິ ນາມ ອາຍສ຺ມາ ອຸທາຍີ ສຎ຺ຈຣິຕ຺ຕໍ ສມາປຊ຺ຊິສ຺ສຕີ’’ຕິ! ອຖ ໂຂ ເຕ ຠິກ຺ຂູ ອາຍສ຺ມນ຺ຕໍ ອຸທາຍິໍ ອເນກປຣິຍາເຍນ ວິຄຣຫິຕ຺ວາ ຠຄວໂຕ ເອຕມຕ຺ຖໍ ອາໂຣເຈສຸໍ. ອຖ ໂຂ ຠຄວາ ເອຕສ຺ມິໍ ນິທາເນ ເອຕສ຺ມິໍ ປກຣເຓ ຠິກ຺ຂຸສງ຺ຆໍ ສນ຺ນິປາຕາເປຕ຺ວາ ອາຍສ຺ມນ຺ຕໍ ອຸທາຍິໍ ປຏິປຸຈ຺ຉິ – ‘‘ສຈ຺ຈໍ ກິຣ ຕ຺ວໍ, ອຸທາຍິ, ສຎ຺ຈຣິຕ຺ຕໍ ສມາປຊ຺ຊສີ’’ຕິ? ‘‘ສຈ຺ຈໍ, ຠຄວາ’’ຕິ. ວິຄຣຫິ ພຸທ຺ໂຘ ຠຄວາ…ເປ… ກຖຎ຺ຫິ ນາມ ຕ຺ວໍ, ໂມຆປຸຣິສ, ສຎ຺ຈຣິຕ຺ຕໍ ສມາປຊ຺ຊສິ! ເນຕໍ, ໂມຆປຸຣິສ, ອປ຺ປສນ຺ນານໍ ວາ ປສາທາຍ…ເປ… ເອວຎ຺ຈ ປນ, ຠິກ຺ຂເວ, ອິມໍ ສິກ຺ຂາປທໍ ອຸທ຺ທິເສຍ຺ຍາຖ –

໒໙໙. ‘‘ໂຍ ປນ ຠິກ຺ຂຸ ສຎ຺ຈຣິຕ຺ຕໍ ສມາປຊ຺ເຊຍ຺ຍ, ອິຕ຺ຖິຍາ ວາ ປຸຣິສມຕິໍ ປຸຣິສສ຺ສ ວາ ອິຕ຺ຖິມຕິໍ, ຊາຍຕ຺ຕເນ ວາ ຊາຣຕ຺ຕເນ ວາ, ສງ຺ຆາທິເສໂສ’’ຕິ.

ເອວຎ຺ຈິທໍ ຠຄວຕາ ຠິກ຺ຂູນໍ ສິກ຺ຂາປທໍ ປຎ຺ຎຕ຺ຕໍ ໂຫຕິ.

໓໐໐. ເຕນ ໂຂ ປນ ສມເຍນ ສມ຺ພຫຸລາ ຘຸຕ຺ຕາ ອຸຍ຺ຍາເນ ປຣິຈາເຣນ຺ຕາ ອຎ຺ຎຕຣິສ຺ສາ ເວສິຍາ ສນ຺ຕິເກ ທູຕໍ ປາເຫສຸໍ – ‘‘ອາຄຈ຺ຉຕຸ ອຸຍ຺ຍາເນ, ປຣິຈາເຣສ຺ສາມາ’’ຕິ. ສາ ເອວມາຫ – ‘‘ອຫໍ ຂ຺ວຍ຺ໂຍ ຕຸມ຺ເຫ ນ ຊານາມິ – ‘ເກ ວາ ອິເມ ກສ຺ສ ວາ’ຕິ. ອຫຎ຺ຈມ຺ຫິ ພຫຸຠຓ຺ຑາ ພຫຸປຣິກ຺ຂາຣາ, ພຫິນຄຣຎ຺ຈ ຄນ຺ຕພ຺ພໍ. ນາຫໍ ຄມິສ຺ສາມີ’’ຕິ. ອຖ ໂຂ ໂສ ທູໂຕ ເຕສໍ ຘຸຕ຺ຕານໍ ເອຕມຕ຺ຖໍ ອາໂຣເຈສິ. ເອວໍ ວຸຕ຺ເຕ, ອຎ຺ຎຕໂຣ ປຸຣິໂສ ເຕ ຘຸຕ຺ເຕ ເອຕທໂວຈ – ‘‘ກິສ຺ສ ຕຸມ຺ເຫ ອຍ຺ໂຍ ເອຕໍ ເວສິໍ ຍາຈິຕ຺ຖ? ນນຸ ອຍ຺ໂຍ ອຸທາຍີ ວຕ຺ຕພ຺ໂພ! ອຍ຺ໂຍ ອຸທາຍີ ອຸຍ຺ໂຍເຊສ຺ສຕີ’’ຕິ. ເອວໍ ວຸຕ຺ເຕ, ອຎ຺ຎຕໂຣ ອຸປາສໂກ ຕໍ ປຸຣິສໍ ເອຕທໂວຈ – ‘‘ມາຍ຺ໂຍ ເອວໍ ອວຈ. ນ ກປ຺ປຕິ ສມຓານໍ ສກ຺ຍປຸຕ຺ຕິຍານໍ ເອວຣູປໍ ກາຕຸໍ. ນາຍ຺ໂຍ ອຸທາຍີ ເອວໍ ກຣິສ຺ສຕີ’’ຕິ. ເອວໍ ວຸຕ຺ເຕ, ‘‘ກຣິສ຺ສຕິ ນ ກຣິສ຺ສຕີ’’ຕິ ອພ຺ຠຸຕມກໍສຸ. ອຖ ໂຂ ເຕ ຘຸຕ຺ຕາ ເຍນາຍສ຺ມາ ອຸທາຍີ ເຕນຸປສງ຺ກມິໍສຸ; ອຸປສງ຺ກມິຕ຺ວາ ອາຍສ຺ມນ຺ຕໍ ອຸທາຍິໍ ເອຕທໂວຈຸໍ – ‘‘ອິຘ ມຍໍ, ຠນ຺ເຕ, ອຸຍ຺ຍາເນ ປຣິຈາເຣນ຺ຕາ ອສຸກາຍ ນາມ ເວສິຍາ ສນ຺ຕິເກ ທູຕໍ ປຫິຓິມ຺ຫາ – ‘ອາຄຈ຺ຉຕຸ ອຸຍ຺ຍາເນ, ປຣິຈາເຣສ຺ສາມາ’ຕິ. ສາ ເອວມາຫ – ‘ອຫໍ ຂ຺ວຍ຺ໂຍ ຕຸມ຺ເຫ ນ ຊານາມິ – ເກ ວາ ອິເມ ກສ຺ສ ວາຕິ, ອຫຎ຺ຈມ຺ຫິ ພຫຸຠຓ຺ຑາ ພຫຸປຣິກ຺ຂາຣາ, ພຫິນຄຣຎ຺ຈ ຄນ຺ຕພ຺ພໍ. ນາຫໍ ຄມິສ຺ສາມີ’ຕິ. ສາຘຸ, ຠນ຺ເຕ, ອຍ຺ໂຍ ຕໍ ວສິໍ ອຸຍ຺ໂຍເຊຕູ’’ຕິ.

ອຖ ໂຂ ອາຍສ຺ມາ ອຸທາຍີ ເຍນ ສາ ເວສີ ເຕນຸປສງ຺ກມິ; ອຸປສງ຺ກມິຕ຺ວາ ຕໍ ເວສິໍ ເອຕທໂວຈ – ‘‘ກິສ຺ສິເມສໍ ນ ຄຈ຺ຉສີ’’ຕິ? ‘‘ອຫໍ ຂ຺ວຍ຺ຍ ອິເມ ນ ຊານາມິ – ‘ເກ ວາ ອິເມ ກສ຺ສ ວາ’ຕິ. ອຫຎ຺ຈມ຺ຫິ ພຫຸຠຓ຺ຑາ ພຫຸປຣິກ຺ຂາຣາ, ພຫິນຄຣຎ຺ຈ ຄນ຺ຕພ຺ພໍ. ນາຫໍ ຄມິສ຺ສາມີ’’ຕິ. ‘‘ຄຈ຺ຉິເມສໍ. ອຫໍ ອິເມ ຊານາມີ’’ຕິ. ‘‘ສເຈ, ຠນ຺ເຕ, ອຍ຺ໂຍ ຊານາຕິ ອຫໍ ຄມິສ຺ສາມີ’’ຕິ. ອຖ ໂຂ ເຕ ຘຸຕ຺ຕາ ຕໍ ເວສິໍ ອາທາຍ ອຸຍ຺ຍານໍ ອຄມໍສຸ. ອຖ ໂຂ ໂສ ອຸປາສໂກ ອຸຊ຺ຌາຍຕິ ຂິຍ຺ຍຕິ ວິປາເຈຕິ – ‘‘ກຖຎ຺ຫິ ນາມ ອຍ຺ໂຍ ອຸທາຍີ ຕງ຺ຂຓິກໍ ສຎ຺ຈຣິຕ຺ຕໍ ສມາປຊ຺ຊິສ຺ສຕີ’’ຕິ. ອສ຺ໂສສຸໍ ໂຂ ຠິກ຺ຂູ ຕສ຺ສ ອຸປາສກສ຺ສ ອຸຊ຺ຌາຍນ຺ຕສ຺ສ ຂິຍ຺ຍນ຺ຕສ຺ສ ວິປາເຈນ຺ຕສ຺ສ. ເຍ ເຕ ຠິກ຺ຂູ ອປ຺ປິຈ຺ຉາ…ເປ… ເຕ ອຸຊ຺ຌາຍນ຺ຕິ ຂິຍ຺ຍນ຺ຕິ ວິປາເຈນ຺ຕິ – ‘‘ກຖຎ຺ຫິ ນາມ ອາຍສ຺ມາ ອຸທາຍີ ຕງ຺ຂຓິກໍ ສຎ຺ຈຣິຕ຺ຕໍ ສມາປຊ຺ຊິສ຺ສຕີ’’ຕິ! ອຖ ໂຂ ເຕ ຠິກ຺ຂູ ອາຍສ຺ມນ຺ຕໍ ອຸທາຍິໍ ອເນກປຣິຍາເຍນ ວິຄຣຫິຕ຺ວາ ຠຄວໂຕ ເອຕມຕ຺ຖໍ ອາໂຣເຈສຸໍ…ເປ… ‘‘ສຈ຺ຈໍ ກິຣ ຕ຺ວໍ, ອຸທາຍິ, ຕງ຺ຂຓິກໍ ສຎ຺ຈຣິຕ຺ຕໍ ສມາປຊ຺ຊສີ’’ຕິ? ‘‘ສຈ຺ຈໍ, ຠຄວາ’’ຕິ. ວິຄຣຫິ ພຸທ຺ໂຘ ຠຄວາ…ເປ… ‘‘ກຖຎ຺ຫິ ນາມ ຕ຺ວໍ, ໂມຆປຸຣິສ, ຕງ຺ຂຓິກໍ ສຎ຺ຈຣິຕ຺ຕໍ ສມາປຊ຺ຊິສ຺ສສິ? ເນຕໍ, ໂມຆປຸຣິສ, ອປ຺ປສນ຺ນານໍ ວາ ປສາທາຍ…ເປ… ເອວຎ຺ຈ ປນ, ຠິກ຺ຂເວ, ອິມໍ ສິກ຺ຂາປທໍ ອຸທ຺ທິເສຍ຺ຍາຖ –

໓໐໑. ‘‘ໂຍ ປນ ຠິກ຺ຂຸ ສຎ຺ຈຣິຕ຺ຕໍ ສມາປຊ຺ເຊຍ຺ຍ, ອິຕ຺ຖິຍາ ວາ ປຸຣິສມຕິໍ ປຸຣິສສ຺ສ ວາ ອິຕ຺ຖິມຕິໍ, ຊາຍຕ຺ຕເນ ວາ ຊາຣຕ຺ຕເນ ວາ, ອນ຺ຕມໂສ ຕງ຺ຂຓິກາຍປິ, ສງ຺ຆາທິເສໂສ’’ຕິ.

໓໐໒. ໂຍ ປນາຕິ ໂຍ ຍາທິໂສ…ເປ… ຠິກ຺ຂູຕິ…ເປ… ອຍໍ ອິມສ຺ມິໍ ອຕ຺ເຖ ອຘິປ຺ເປໂຕ ຠິກ຺ຂູຕິ.

ສຎ຺ຈຣິຕ຺ຕໍ ສມາປຊ຺ເຊຍ຺ຍາຕິ ອິຕ຺ຖິຍາ ວາ ປຫິໂຕ ປຸຣິສສ຺ສ ສນ຺ຕິເກ ຄຈ຺ຉຕິ, ປຸຣິເສນ ວາ ປຫິໂຕ ອິຕ຺ຖິຍາ ສນ຺ຕິເກ ຄຈ຺ຉຕິ.

ອິຕ຺ຖິຍາ ວາ ປຸຣິສມຕິນ຺ຕິ ປຸຣິສສ຺ສ ມຕິໍ ອິຕ຺ຖິຍາ ອາໂຣເຈຕິ.

ປຸຣິສສ຺ສ ວາ ອິຕ຺ຖິມຕິນ຺ຕິ ອິຕ຺ຖິຍາ ມຕິໍ ປຸຣິສສ຺ສ ອາໂຣເຈຕິ.

ຊາຍຕ຺ຕເນ ວາຕິ ຊາຍາ ຠວິສ຺ສສິ.

ຊາຣຕ຺ຕເນ ວາຕິ ຊາຣີ ຠວິສ຺ສສິ.

ອນ຺ຕມໂສ ຕງ຺ຂຓິກາຍປີຕິ ມຸຫຸຕ຺ຕິກາ ຠວິສ຺ສສິ.

ສງ຺ຆາທິເສໂສຕິ…ເປ… ເຕນປິ ວຸຈ຺ຈຕິ ສງ຺ຆາທິເສໂສຕິ.

໓໐໓. ທສ ອິຕ຺ຖິໂຍ – ມາຕຸຣກ຺ຂິຕາ ປິຕຸຣກ຺ຂິຕາ ມາຕາປິຕຸຣກ຺ຂິຕາ ຠາຕຸຣກ຺ຂິຕາ ຠຄິນິຣກ຺ຂິຕາ ຎາຕິຣກ຺ຂິຕາ ໂຄຕ຺ຕຣກ຺ຂິຕາ ຘມ຺ມຣກ຺ຂິຕາ ສາຣກ຺ຂາ ສປຣິທຓ຺ຑາ.

ທສ ຠຣິຍາໂຍ – ຘນກ຺ກີຕາ ຉນ຺ທວາສິນີ ໂຠຄວາສິນີ ປຏວາສິນີ ໂອທປຕ຺ຕກິນີ ໂອຠຏຈຸມ຺ພຏາ ທາສີ ຈ ຠຣິຍາ ຈ ກມ຺ມກາຣີ ຈ ຠຣິຍາ ຈ ຘຊາຫຏາ ມຸຫຸຕ຺ຕິກາ.

໓໐໔. ມາຕຸຣກ຺ຂິຕາ ນາມ ມາຕາ ຣກ຺ຂຕິ ໂຄເປຕິ ອິສ຺ສຣິຍໍ ກາເຣຕິ ວສໍ ວຕ຺ເຕຕິ.

ປິຕຸຣກ຺ຂິຕາ ນາມ ປິຕາ ຣກ຺ຂຕິ ໂຄເປຕິ ອິສ຺ສຣິຍໍ ກາເຣຕິ ວສໍ ວຕ຺ເຕຕິ.

ມາຕາປິຕຸຣກ຺ຂິຕາ ນາມ ມາຕາປິຕໂຣ ຣກ຺ຂນ຺ຕິ ໂຄເປນ຺ຕິ ອິສ຺ສຣິຍໍ ກາເຣນ຺ຕິ ວສໍ ວຕ຺ເຕນ຺ຕິ.

ຠາຕຸຣກ຺ຂິຕາ ນາມ ຠາຕາ ຣກ຺ຂຕິ ໂຄເປຕິ ອິສ຺ສຣິຍໍ ກາເຣຕິ ວສໍ ວຕ຺ເຕຕິ.

ຠຄິນິຣກ຺ຂິຕາ ນາມ ຠຄິນີ ຣກ຺ຂຕິ ໂຄເປຕິ ອິສ຺ສຣິຍໍ ກາເຣຕິ ວສໍ ວຕ຺ເຕຕິ.

ຎາຕິຣກ຺ຂິຕາ ນາມ ຎາຕກາ ຣກ຺ຂນ຺ຕິ ໂຄເປນ຺ຕິ ອິສ຺ສຣິຍໍ ກາເຣນ຺ຕິ ວສໍ ວຕ຺ເຕນ຺ຕິ.

ໂຄຕ຺ຕຣກ຺ຂິຕາ ນາມ ສໂຄຕ຺ຕາ ຣກ຺ຂນ຺ຕິ ໂຄເປນ຺ຕິ ອິສ຺ສຣິຍໍ ກາເຣນ຺ຕິ ວສໍ ວຕ຺ເຕນ຺ຕິ.

ຘມ຺ມຣກ຺ຂິຕາ ນາມ ສຫຘມ຺ມິກາ ຣກ຺ຂນ຺ຕິ ໂຄເປນ຺ຕິ ອິສ຺ສຣິຍໍ ກາເຣນ຺ຕິ ວສໍ ວຕ຺ເຕນ຺ຕິ.

ສາຣກ຺ຂາ ນາມ ຄພ຺ເຠປິ ປຣິຄ຺ຄຫິຕາ ໂຫຕິ – ມຍ຺ຫໍ ເອສາຕິ. ອນ຺ຕມໂສ ມາລາຄຸຬປຣິກ຺ຂິຕ຺ຕາປິ.

ສປຣິທຓ຺ຑາ ນາມ ເກຫິຈິ ທຓ຺ໂຑ ຐປິໂຕ ໂຫຕິ – ໂຍ ອິຕ຺ຖນ຺ນາມໍ ອິຕ຺ຖິໍ ຄຈ຺ຉຕິ ເອຕ຺ຕໂກ ທຓ຺ໂຑຕິ.

ຘນກ຺ກີຕາ ນາມ ຘເນນ ກິຓິຕ຺ວາ ວາເສຕິ.

ຉນ຺ທວາສິນີ ນາມ ປິໂຍ ປິຍໍ ວາເສຕິ.

ໂຠຄວາສິນີ ນາມ ໂຠຄໍ ທຕ຺ວາ ວາເສຕິ.

ປຏວາສິນີ ນາມ ປຏໍ ທຕ຺ວາ ວາເສຕິ.

ໂອທປຕ຺ຕກິນີ ນາມ ອຸທກປຕ຺ຕໍ ອາມສິຕ຺ວາ ວາເສຕິ.

ໂອຠຏຈຸມ຺ພຏາ ນາມ ຈຸມ຺ພຏໍ ໂອໂຣເປຕ຺ວາ ວາເສຕິ.

ທາສີ ນາມ ທາສີ ເຈວ ໂຫຕິ ຠຣິຍາ ຈ.

ກມ຺ມກາຣີ ນາມ ກມ຺ມກາຣີ ເຈວ ໂຫຕິ ຠຣິຍາ ຈ.

ຘຊາຫຏາ ນາມ ກຣມຣານີຕາ ວຸຈ຺ຈຕິ.

ມຸຫຸຕ຺ຕິກາ ນາມ ຕງ຺ຂຓິກາ ວຸຈ຺ຈຕິ.

໓໐໕. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕໍ ພ຺ຣູຫິ…ເປ… ມາຕາປິຕຸຣກ຺ຂິຕໍ ພ຺ຣູຫິ… ຠາຕຸຣກ຺ຂິຕໍ ພ຺ຣູຫິ… ຠຄິນິຣກ຺ຂິຕໍ ພ຺ຣູຫິ… ຎາຕິຣກ຺ຂິຕໍ ພ຺ຣູຫິ… ໂຄຕ຺ຕຣກ຺ຂິຕໍ ພ຺ຣູຫິ… ຘມ຺ມຣກ຺ຂິຕໍ ພ຺ຣູຫິ… ສາຣກ຺ຂໍ ພ຺ຣູຫິ… ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໐໖. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ມາຕາປິຕຸຣອຂຕຎ຺ຈ…ເປ…

ມາຕຸຣກ຺ຂິຕຎ຺ຈ ຠາຕຸຣກ຺ຂິຕຎ຺ຈ… ມາຕຸຣກ຺ຂິຕຎ຺ຈ ຠຄິນິຣກ຺ຂິຕຎ຺ຈ… ມາຕຸຣກ຺ຂິຕຎ຺ຈ ຎາຕິຣກ຺ຂິຕຎ຺ຈ… ມາຕຸຣກ຺ຂິຕຎ຺ຈ ໂຄຕ຺ຕຣກ຺ຂິຕຎ຺ຈ… ມາຕຸຣກ຺ຂິຕຎ຺ຈ ຘມ຺ມຣກ຺ຂິຕຎ຺ຈ… ມາຕຸຣກ຺ຂິຕຎ຺ຈ ສາຣກ຺ຂຎ຺ຈ… ມາຕຸຣກ຺ຂິຕຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

໓໐໗. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕຎ຺ຈ ຠາຕຸຣກ຺ຂິຕຎ຺ຈ…ເປ… ປິຕຸຣກ຺ຂິຕຎ຺ຈ ຠຄິນິຣກ຺ຂິຕຎ຺ຈ… ປິຕຸຣກ຺ຂິຕຎ຺ຈ ຎາຕິຣກ຺ຂິຕຎ຺ຈ… ປິຕຸຣກ຺ຂິຕຎ຺ຈ ໂຄຕ຺ຕຣກ຺ຂິຕຎ຺ຈ… ປິຕຸຣກ຺ຂິຕຎ຺ຈ ຘມ຺ມຣກ຺ຂິຕຎ຺ຈ… ປິຕຸຣກ຺ຂິຕຎ຺ຈ ສາຣກ຺ຂຎ຺ຈ… ປິຕຸຣກ຺ຂິຕຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕຎ຺ຈ ມາຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.

໓໐໘. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑຎ຺ຈ ມາຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑຎ຺ຈ ປິຕຸຣອຂຕຎ຺ຈ…ເປ…

ສປຣິທຓ຺ຑຎ຺ຈ ມາຕາປິຕຸຣກ຺ຂິຕຎ຺ຈ… ສປຣິທຓ຺ຑຎ຺ຈ ຠາຕຸຣກ຺ຂິຕຎ຺ຈ… ສປຣິທຓ຺ຑຎ຺ຈ ຠຄິນິຣກ຺ຂິຕຎ຺ຈ… ສປຣິທຓ຺ຑຎ຺ຈ ຎາຕິຣກ຺ຂິຕຎ຺ຈ… ສປຣິທຓ຺ຑຎ຺ຈ ໂຄຕ຺ຕຣກ຺ຂິຕຎ຺ຈ… ສປຣິທຓ຺ຑຎ຺ຈ ຘມ຺ມຣກ຺ຂິຕຎ຺ຈ… ສປຣິທຓ຺ຑຎ຺ຈ ສາຣກ຺ຂຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອກມູລກໍ ນິຏ຺ຐິຕໍ.

ເອວໍ ທຸມູລກມ຺ປິ ຕິມູລກມ຺ປິ ຍາວ ນວມູລກໍ ກາຕພ຺ພໍ.

ອິທໍ ທສມູລກໍ

໓໐໙. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ ຠາຕຸຣກ຺ຂິຕຎ຺ຈ ຠຄິນິຣກ຺ຂິຕຎ຺ຈ ຎາຕິຣກ຺ຂິຕຎ຺ຈ ໂຄຕ຺ຕຣກ຺ຂິຕຎ຺ຈ ຘມ຺ມຣກ຺ຂິຕຎ຺ຈ ສາຣກ຺ຂຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຘນກ຺ກີຕາຈກ຺ກໍ ນິຏ຺ຐິຕໍ.

໓໑໐. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ…ເປ… ໂຠຄວາສິນີ… ປຏວາສິນີ… ໂອທປຕ຺ຕກິນີ… ໂອຠຏຈຸມ຺ພຏາ… ທາສີ ຈ ຠຣິຍາ ຈ… ກມ຺ມກາຣີ ຈ ຠຣິຍາ ຈ… ຘຊາຫຏາ… ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕໍ ພ຺ຣູຫິ…ເປ… ມາຕາປິຕຸຣກ຺ຂິຕໍ ພ຺ຣູຫິ… ຠາຕຸຣກ຺ຂິຕໍ ພ຺ຣູຫິ… ຠຄິນິຣກ຺ຂິຕໍ ພ຺ຣູຫິ… ຎາຕິຣກ຺ຂິຕໍ ພ຺ຣູຫິ… ໂຄຕ຺ຕຣກ຺ຂິຕໍ ພ຺ຣູຫິ… ຘມ຺ມຣກ຺ຂິຕໍ ພ຺ຣູຫິ… ສາຣກ຺ຂໍ ພ຺ຣູຫິ… ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໑໑. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ…ເປ… ມາຕຸຣກ຺ຂິຕຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

໓໑໒. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕຎ຺ຈ ຠາຕຸຣກ຺ຂິຕຎ຺ຈ…ເປ… ປິຕຸຣກ຺ຂິຕຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕຎ຺ຈ ມາຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.

໓໑໓. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑຎ຺ຈ ມາຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑຎ຺ຈ ປິຕຸຣກ຺ຂິຕຎ຺ຈ…ເປ… ສປຣິທຓ຺ຑຎ຺ຈ ສາຣກ຺ຂຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອກມູລກໍ ນິຏ຺ຐິຕໍ.

ທຸມູລກາທີນິປິ ເອວເມວ ກາຕພ຺ພານິ.

ອິທໍ ທສມູລກໍ

໓໑໔. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ ຠາຕຸຣກ຺ຂິຕຎ຺ຈ ຠຄິນິຣກ຺ຂິຕຎ຺ຈ ຎາຕິຣກ຺ຂິຕຎ຺ຈ ໂຄຕ຺ຕຣກ຺ຂິຕຎ຺ຈ ຘມ຺ມຣກ຺ຂິຕຎ຺ຈ ສາຣກ຺ຂຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ມຸຫຸຕ຺ຕິກາຈກ຺ກໍ ນິຏ຺ຐິຕໍ.

໓໑໕. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ…ເປ… ໂຠຄວາສິນີ… ປຏວາສິນີ… ໂອທປຕ຺ຕກິນີ… ໂອຠຏຈຸມ຺ພຏາ… ທາສີ ຈ ຠຣິຍາ ຈ… ກມ຺ມກາຣີ ຈ ຠຣິຍາ ຈ… ຘຊາຫຏາ… ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໑໖. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ໂຠຄວາສິນີ ຈ…ເປ… ຘນກ຺ກີຕາ ຈ ປຏວາສິນີ ຈ… ຘນກ຺ກີຕາ ຈ ໂອທປຕ຺ຕກິນີ ຈ… ຘນກ຺ກີຕາ ຈ ໂອຠຏຈຸມ຺ພຏາ ຈ… ຘນກ຺ກີຕາ ຈ ທາສີ ຈ ຠຣິຍາ ຈ… ຘນກ຺ກີຕາ ຈ ກມ຺ມກາຣີ ຈ ຠຣິຍາ ຈ… ຘນກ຺ກີຕາ ຈ ຘຊາຫຏາ ຈ… ຘນກ຺ກີຕາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

໓໑໗. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ ຈ ໂຠຄວາສິນີ ຈ…ເປ… ຉນ຺ທວາສິນີ ຈ ມຸຫຸຕ຺ຕິກາ ຈ… ຉນ຺ທວາສິນີ ຈ ຘນກ຺ກີຕາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.

໓໑໘. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ມຸຫຸຕ຺ຕິກາ ຈ ຘນກ຺ກີຕາ ຈ…ເປ… ມຸຫຸຕ຺ຕິກາ ຈ ຉນ຺ທວາສິນີ ຈ…ເປ… ມຸຫຸຕ຺ຕິກາ ຈ ຘຊາຫຏາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອກມູລກໍ ນິຏ຺ຐິຕໍ.

ທຸມູລກາທີນິປິ ເອວເມວ ກາຕພ຺ພານິ.

ອິທໍ ທສມູລກໍ

໓໑໙. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈ ໂຠຄວາສິນີ ຈ ປຏວາສິນີ ຈ ໂອທປຕ຺ຕກິນີ ຈ ໂອຠຏຈຸມ຺ພຏາ ຈ ທາສີ ຈ ຠຣິຍາ ຈ ກມ຺ມກາຣີ ຈ ຠຣິຍາ ຈ ຘຊາຫຏາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ມາຕຸຣກ຺ຂິຕາຈກ຺ກໍ ນິຏ຺ຐິຕໍ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ປິຕຸຣກ຺ຂິຕໍ…ເປ… ມາຕາປິຕຸຣກ຺ຂິຕໍ… ຠາຕຸຣກ຺ຂິຕໍ… ຠຄິນິຣກ຺ຂິຕໍ … ຎາຕິຣກ຺ຂິຕໍ… ໂຄຕ຺ຕຣກ຺ຂິຕໍ… ຘມ຺ມຣກ຺ຂິຕໍ … ສາຣກ຺ຂໍ… ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ…ເປ… ໂຠຄວາສິນີ, ປຏວາສິນີ, ໂອທປຕ຺ຕກິນີ, ໂອຠຏຈຸມ຺ພຏາ, ທາສີ ຈ ຠຣິຍາ ຈ, ກມ຺ມກາຣີ ຈ ຠຣິຍາ ຈ, ຘຊາຫຏາ, ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໒໐. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ໂຠຄວາສິນີ ຈ…ເປ… ຘນກ຺ກີຕາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ ຈ ໂຠຄວາສິນີ ຈ…ເປ… ຉນ຺ທວາສິນີ ຈ ມຸຫຸຕ຺ຕິກາ ຈ, ຉນ຺ທວາສິນີ ຈ ຘນກ຺ກີຕາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ມຸຫຸຕ຺ຕິກາ ຈ ຘນກ຺ກີຕາ ຈ…ເປ… ມຸຫຸຕ຺ຕິກາ ຈ ຉນ຺ທວາສິນີ ຈ, ມຸຫຸຕ຺ຕິກາ ຈ ຘຊາຫຏາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອກມູລກໍ ນິຏ຺ຐິຕໍ.

ທຸມູລກມ຺ປິ ຕິມູລກມ຺ປິ ຍາວ ນວມູລກໍ ເອວເມວ ກາຕພ຺ພໍ.

ອິທໍ ທສມູລກໍ.

໓໒໑. ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ສປຣິທຓ຺ຑໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈ ໂຠຄວາສິນີ ຈ ປຏວາສິນີ ຈ ໂອທປຕ຺ຕກິນີ ຈ ໂອຠຏຈຸມ຺ພຏາ ຈ ທາສີ ຈ ຠຣິຍາ ຈ ກມ຺ມກາຣີ ຈ ຠຣິຍາ ຈ ຘຊາຫຏາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ສປຣິທຓ຺ຑາຈກ຺ກໍ ນິຏ຺ຐິຕໍ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕໍ ພ຺ຣູຫິ – ‘ໂຫຫິ ກິຣ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ ຈ ຉນ຺ທວາສິນີ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ ຈ ຉນ຺ທວາສິນີ ຈ ໂຠຄວາສິນີ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອວໍ ອຸຠໂຕວຑ຺ຒກໍ ກາຕພ຺ພໍ.

ປຸຣິໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ມາຕຸຣກ຺ຂິຕຎ຺ຈ ປິຕຸຣກ຺ຂິຕຎ຺ຈ ມາຕາປິຕຸຣກ຺ຂິຕຎ຺ຈ ຠາຕຸຣກ຺ຂິຕຎ຺ຈ ຠຄິນິຣກ຺ຂິຕຎ຺ຈ ຎາຕິຣກ຺ຂິຕຎ຺ຈ ໂຄຕ຺ຕຣກ຺ຂິຕຎ຺ຈ ຘມ຺ມຣກ຺ຂິຕຎ຺ຈ ສາຣກ຺ຂຎ຺ຈ ສປຣິທຓ຺ຑຎ຺ຈ ພ຺ຣູຫິ – ‘ໂຫຖ ກິຣ ອິຕ຺ຖນ຺ນາມສ຺ສ ຠຣິຍາໂຍ ຘນກ຺ກີຕາ ຈ ຉນ຺ທວາສິນີ ຈ ໂຠຄວາສິນີ ຈ ປຏວາສິນີ ຈ ໂອທປຕ຺ຕກິນີ ຈ ໂອຠຏຈຸມ຺ພຏາ ຈ ທາສີ ຈ ຠຣິຍາ ຈ ກມ຺ມກາຣີ ຈ ຠຣິຍາ ຈ ຘຊາຫຏາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ອຸຠໂຕວຑ຺ຒກໍ ນິຏ຺ຐິຕໍ.

ປຸຣິສສ຺ສ ມາຕາ ຠິກ຺ຂຸໍ ປຫິຓຕິ…ເປ… ປຸຣິສສ຺ສ ປິຕາ ຠິກ຺ຂຸໍ ປຫິຓຕິ…ເປ… ປຸຣິສສ຺ສ ມາຕາປິຕໂຣ ຠິກ຺ຂຸໍ ປຫິຓນ຺ຕິ…ເປ… ປຸຣິສສ຺ສ ຠາຕາ ຠິກ຺ຂຸໍ ປຫິຓຕິ…ເປ… ປຸຣິສສ຺ສ ຠຄິນີ ຠິກ຺ຂຸໍ ປຫິຓຕິ…ເປ… ປຸຣິສສ຺ສ ຎາຕກາ ຠິກ຺ຂຸໍ ປຫິຓນ຺ຕິ…ເປ… ປຸຣິສສ຺ສ ໂຄຕ຺ຕາ ຠິກ຺ຂຸໍ ປຫິຓນ຺ຕິ…ເປ… ປຸຣິສສ຺ສ ສຫຘມ຺ມິກາ ຠິກ຺ຂຸໍ ປຫິຓນ຺ຕິ…ເປ….

ປຸຣິສສ຺ສ ເປຍ຺ຍາໂລ ວິຕ຺ຖາເຣຕພ຺ໂພ.

ອຸຠໂຕວຑ຺ຒກໍ ຍຖາ ປຸຣິມນໂຍ ຕເຖວ ວິຕ຺ຖາເຣຕພ຺ພໍ.

໓໒໒. ມາຕຸຣກ຺ຂິຕາຍ ມາຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ມາຕຸຣກ຺ຂິຕາຍ ມາຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ…ເປ… ໂຠຄວາສິນີ, ປຏວາສິນີ, ໂອທປຕ຺ຕກິນີ, ໂອຠຏຈຸມ຺ພຏາ, ທາສີ ຈ ຠຣິຍາ ຈ, ກມ຺ມກາຣີ ຈ ຠຣິຍາ ຈ, ຘຊາຫຏາ, ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໒໓. ມາຕຸຣກ຺ຂິຕາຍ ມາຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈ…ເປ… ຘນກ຺ກີຕາ ຈ ໂຠຄວາສິນີ ຈ, ຘນກ຺ກີຕາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

໓໒໔. ມາຕຸຣກ຺ຂິຕາຍ ມາຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ ຈ ໂຠຄວາສິນີ ຈ…ເປ… ຉນ຺ທວາສິນີ ຈ ມຸຫຸຕ຺ຕິກາ ຈ, ຉນ຺ທວາສິນີ ຈ ຘນກ຺ກີຕາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.

໓໒໕. ມາຕຸຣກ຺ຂິຕາຍ ມາຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ມຸຫຸຕ຺ຕິກາ ຈ ຘນກ຺ກີຕາ ຈ…ເປ… ມຸຫຸຕ຺ຕິກາ ຈ ຉນ຺ທວາສິນີ ຈ…ເປ… ມຸຫຸຕ຺ຕິກາ ຈ ຘຊາຫຏາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອກມູລກໍ ນິຏ຺ຐິຕໍ.

ທຸມູລກມ຺ປິ ຕິມູລກມ຺ປິ ຍາວ ນວມູລກໍ ເອວເມວ ກາຕພ຺ພໍ.

ອິທໍ ທສມູລກໍ

໓໒໖. ມາຕຸຣກ຺ຂິຕາຍ ມາຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈ ໂຠຄວາສິນີ ຈ ປຏວາສິນີ ຈ ໂອທປຕ຺ຕກິນີ ຈ ໂອຠຏຈຸມ຺ພຏາ ຈ ທາສີ ຈ ຠຣິຍາ ຈ ກມ຺ມກາຣີ ຈ ຠຣິຍາ ຈ ຘຊາຫຏາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ມາຕຸຈກ຺ກໍ ນິຏ຺ຐິຕໍ.

ປິຕຸຣກ຺ຂິຕາຍ ປິຕາ ຠິກ຺ຂຸໍ ປຫິຓຕິ…ເປ… ມາຕາປິຕຸຣກ຺ຂິຕາຍ ມາຕາປິຕໂຣ ຠິກ຺ຂຸໍ ປຫິຓນ຺ຕິ… ຠາຕຸຣກ຺ຂິຕາຍ ຠາຕາ ຠິກ຺ຂຸໍ ປຫິຓຕິ… ຠຄິນິຣກ຺ຂິຕາຍ ຠຄິນີ ຠິກ຺ຂຸໍ ປຫິຓຕິ… ຎາຕິຣກ຺ຂິຕາຍ ຎາຕກາ ຠິກ຺ຂຸໍ ປຫິຓນ຺ຕິ… ໂຄຕ຺ຕຣກ຺ຂິຕາຍ ໂຄຕ຺ຕາ [ສໂຄຕ຺ຕາ (?)] ຠິກ຺ຂຸໍ ປຫິຓນ຺ຕິ… ຘມ຺ມຣກ຺ຂິຕາຍ ສຫຘມ຺ມິກາ ຠິກ຺ຂຸໍ ປຫິຓນ຺ຕິ… ສາຣກ຺ຂາຍ ເຍນ ປຣິຄ຺ຄຫິຕາ ໂຫຕິ ໂສ ຠິກ຺ຂຸໍ ປຫິຓຕິ… ສປຣິທຓ຺ຑາຍ ເຍນ ທຓ຺ໂຑ ຐປິໂຕ ໂຫຕິ ໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ສປຣິທຓ຺ຑາຍ ເຍນ ທຓ຺ໂຑ ຐປິໂຕ ໂຫຕິ ໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ…ເປ… ໂຠຄວາສິນີ… ປຏວາສິນີ… ໂອທປຕ຺ຕກິນີ… ໂອຠຏຈຸມ຺ພຏາ… ທາສີ ຈ ຠຣິຍາ ຈ… ກມ຺ມກາຣີ ຈ ຠຣິຍາ ຈ… ຘຊາຫຏາ… ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໒໗. ສປຣິທຓ຺ຑາຍ ເຍນ ທຓ຺ໂຑ ຐປິໂຕ ໂຫຕິ ໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈ…ເປ… ຘນກ຺ກີຕາ ຈ ໂຠຄວາສິນີ ຈ… ຘນກ຺ກີຕາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

໓໒໘. ສປຣິທຓ຺ຑາຍ ເຍນ ທຓ຺ໂຑ ຐປິໂຕ ໂຫຕິ ໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ ຈ ໂຠຄວາສິນີ ຈ…ເປ… ຉນ຺ທວາສິນີ ຈ ມຸຫຸຕ຺ຕິກາ ຈ… ຉນ຺ທວາສິນີ ຈ ຘນກ຺ກີຕາ ຈາ’’’ ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.

໓໒໙. ສປຣິທຓ຺ຑາຍ ເຍນ ທຓ຺ໂຑ, ຐປິໂຕ ໂຫຕິ ໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ມຸຫຸຕ຺ຕິກາ ຈ ຘນກ຺ກີຕາ ຈ…ເປ… ມຸຫຸຕ຺ຕິກາ ຈ ຉນ຺ທວາສິນີ ຈ…ເປ… ມຸຫຸຕ຺ຕິກາ ຈ ຘຊາຫຏາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ເອກມູລກໍ ນິຏ຺ຐິຕໍ.

ທຸມູລກມ຺ປິ ຕິມູລກມ຺ປິ ຍາວ ນວມູລກໍ ເອວເມວ ກາຕພ຺ພໍ.

ອິທໍ ທສມູລກໍ

໓໓໐. ສປຣິທຓ຺ຑາຍ ເຍນ ທຓ຺ໂຑ ຐປິໂຕ ໂຫຕິ ໂສ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫຕຸ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈ ໂຠຄວາສິນີ ຈ ປຏວາສິນີ ຈ ໂອທປຕ຺ຕກິນີ ຈ ໂອຠຏຈຸມ຺ພຏາ ຈ ທາສີ ຈ ຠຣິຍາ ຈ ກມ຺ມກາຣີ ຈ ຠຣິຍາ ຈ ຘຊາຫຏາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ທຓ຺ຑຐປິຕຈກ຺ກໍ ນິຏ຺ຐິຕໍ.

ມາຕຸຣກ຺ຂິຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫມິ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ມາຕຸຣກ຺ຂິຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫມິ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ…ເປ… ໂຠຄວາສິນີ… ປຏວາສິນີ… ໂອທປຕ຺ຕກິນີ… ໂອຠຏຈຸມ຺ພຏາ… ທາສີ ຈ ຠຣິຍາ ຈ… ກມ຺ມກາຣີ ຈ ຠຣິຍາ ຈ… ຘຊາຫຏາ… ມຸຫຸຕ຺ຕິກາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ນິກ຺ເຂປປທານິ.

໓໓໑. ມາຕຸຣກ຺ຂິຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫມິ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ຉນ຺ທວາສິນີ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ມາຕຸຣກ຺ຂິຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫມິ ອິຕ຺ຖນ຺ນາມສ຺ສ ຠຣິຍາ ຘນກ຺ກີຕາ ຈ ໂຠຄວາສິນີ ຈ…ເປ… ຘນກ຺ກີຕາ ຈ ປຏວາສິນີ ຈ…ເປ… ຘນກ຺ກີຕາ ຈ ມຸຫຸຕ຺ຕິກາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ຂຓ຺ຑຈກ຺ກໍ.

໓໓໒. ມາຕຸຣກ຺ຂິຕາ ຠິກ຺ຂຸໍ ປຫິຓຕິ – ‘‘ຄຈ຺ຉ, ຠນ຺ເຕ, ອິຕ຺ຖນ຺ນາມໍ ພ຺ຣູຫິ – ‘ໂຫມິ ອິຕ຺ຖນ຺ນາມສ຺ສ ຠຣິຍາ ຉນ຺ທວາສິນີ ຈ ໂຠຄວາສິນີ ຈ…ເປ… ຉນ຺ທວາສິນີ ຈ ມຸຫຸຕ຺ຕິກາ ຈ… ຉນ຺ທວາສິນີ ຈ ຘນກ຺ກີຕາ ຈາ’’’ຕິ. ປຏິຄ຺ຄຓ຺ຫາຕິ ວີມໍສຕິ ປຈ຺ຈາຫຣຕິ, ອາປຕ຺ຕິ ສງ຺ຆາທິເສສສ຺ສ.

ພທ຺ຘຈກ຺ກໍ ມູລໍ ສໍຂິຕ຺ຕໍ.