໔. ວິມຸຈ຺ຈມານກຖາວຓ຺ຓນາ

໓໖໖. ມຄ຺ຄກ຺ຂເຓ ຈິຕ຺ຕໍ ເອກເທເສນ ວິມຸຕ຺ຕໍ ເອກເທເສນ ອວິມຸຕ຺ຕນ຺ຕິ ອຍໍ ‘‘ວິມຸຕ຺ຕໍ ວິມຸຈ຺ຈມານ’’ນ຺ຕິ ລທ຺ຘິຍາ ໂທໂສ. ຕຖາ ຫິ ວຸຕ຺ຕໍ ‘‘ເອກເທສໍ ວິມຸຕ຺ຕໍ, ເອກເທສໍ ອວິມຸຕ຺ຕ’’ນ຺ຕິ. ອຏ຺ຐກຖາຍຎ຺ຈ ‘‘ຕຎ຺ຫິ ຕທາ ສມຸຈ຺ເຉທວິມຸຕ຺ຕິຍາ ວິມຸຕ຺ເຕກເທເສນ ວິມຸຈ຺ຈມານນ຺ຕິສ຺ສ ລທ຺ຘີ’’ຕິ ທສ຺ສິໂຕວາຍມຕ຺ໂຖ. ວິປ຺ປກຕນິທ຺ເທເສຕິ ວິມຸຈ຺ຈນກິຣິຍາຍ ອປຣິໂຍສິຕຕານິທ຺ເທເສ. ຍໍ ສນ຺ຘາຍາຫ ‘‘ວິມຸຕ຺ຕໍ ວິມຸຈ຺ຈມານນ຺ຕິ ວິປ຺ປກຕຠາເວນ ວຸຕ຺ຕຕ຺ຕາ’’ຕິ. ເຕນາຕິ ປຣວາທິນາ. ວິມຸຈ຺ຈ…ເປ… ວຸຕ຺ຕໍ ວິມຸຈ຺ຈມານສ຺ສ ວິມຸຕ຺ຕຠາວາຠາວໂຕ, ວິມຸຕ຺ຕເຠເທນ ປນ ຕຖາ ວຸຕ຺ຕນ຺ຕິ ອຘິປ຺ປາໂຍ. ສຕິ ຈ ໂທເສ ວິປ຺ປກຕນິທ຺ເທເສຕິ ອາເນຕ຺ວາ ໂຍເຊຕພ຺ພໍ. ເອກເທໂສ ວິເສສນໍ ໂຫຕິ ນິປ຺ປເທສວິມຸຕ຺ຕິຍາ ອວິຈ຺ຉິນ຺ນໂຕ. ຜລຈິຕ຺ເຕນາຕິ ປຐມຜລຈິຕ຺ເຕນ ອຸປ຺ປນ຺ເນນ.

ວິມຸຈ຺ຈມານກຖາວຓ຺ຓນາ ນິຏ຺ຐິຕາ.