໒. ອຣິຍປຸຄ຺ຄລສໍສນ຺ທນປຣິຫານິກຖາວຓ຺ຓນາ

໒໔໑. ຕໂຕຕິ ອຣຫຕ຺ຕໂຕ. ຕຕ຺ຖາຕິ ທສ຺ສນມຄ຺ຄຜເລ. ວາຍາເມນາຕິ ວິປສ຺ສນຸສ຺ສາຫເນນ. ຕທນນ຺ຕຣນ຺ຕິ ໂສຕາປຕ຺ຕິຜລານນ຺ຕຣໍ. ປຐມໍ ທສ຺ສນມຄ຺ຄຜລານນ຺ຕຣໍ ອຣຫຕ຺ຕໍ ປາປຸຓາຕິ, ຕໂຕ ປຣິຫີໂນ ປຸນ ວາຍມນ຺ໂຕ ຕທນນ຺ຕຣໍ ນ ອຣຫຕ຺ຕໍ ປາປຸຓາຕີຕິ ກາ ເອຕ຺ຖ ຍຸຕ຺ຕີຕິ ອຘິປ຺ປາໂຍ. ປຣວາທີ ນາມ ຍຸຕ຺ຕມ຺ປິ ວທຕິ ອຍຸຕ຺ຕມ຺ປີຕິ ກິໍ ຕສ຺ສ ວາເທ ຍຸຕ຺ຕິຄເວສນາຍາຕິ ປນ ທຏ຺ຐພ຺ພໍ. ອປຣິຫານສຠາໂວ ຠາວນາມຄ຺ໂຄ ອຣິຍມຄ຺ຄຕ຺ຕາ ທສ຺ສນາທສ຺ສນມຄ຺ໂຄ ວິຍ. ນ ເຈຕ຺ຖ ອສິທ຺ຘຕາສງ຺ກາ ໂລກຸຕ຺ຕຣມຄ຺ຄສ຺ສ ປຣສ຺ສປິ ອຣິຍມຄ຺ຄຠາວສ຺ສ ສິທ຺ຘຕ຺ຕາ, ນາປິ ໂລກິຍມຄ຺ເຄນ ອເນກນ຺ຕິກຕາ ອຣິຍສທ຺ເທນ ວິເສສິຕຕ຺ຕາ. ຕຖາ ນ ວິຣຸທ຺ຘຕາ ທຸຕິຍມຄ຺ຄາທີນໍ ຠາວນາມຄ຺ຄຠາວສ຺ສ ໂອຬາຣິກກິເລສປ຺ປຫານາທີນຎ຺ຈ ປຣສ຺ສປິ ອາຄມໂຕ ສິທ຺ຘຕ຺ຕາ.

ອຣິຍປຸຄ຺ຄລສໍສນ຺ທນປຣິຫານິກຖາວຓ຺ຓນາ ນິຏ຺ຐິຕາ.