໘. ປຕິຣູປກຖາວຓ຺ຓນາ
໙໑໕-໙໑໖. ເມຕ຺ຕາທໂຍ ວິຍາຕິ ຍຖາ ເມຕ຺ຕາ ກຣຸຓາ ມຸທິຕາ ຈ ສິເນຫສຠາວາປິ ອຣຎ຺ຊນສຠາວຕ຺ຕາ ອສໍກິລິຏ຺ຐຕ຺ຕາ ຈ ນ ຣາໂຄ, ເອວໍ ຣາຄປຕິຣູປໂກ ໂກຈິ ຘມ຺ໂມ ນຕ຺ຖິ ຐເປຕ຺ວາ ເມຕ຺ຕາທໂຍ, ອຎ຺ຎຈິຕ຺ຕສ຺ສ ສິນິຍ຺ຫນາກາໂຣ ຣາຄສ຺ເສວ ປວຕ຺ຕິອາກາໂຣຕິ ອຕ຺ໂຖ. ເຕເນວາຫ ‘‘ຣາຄເມວ ຄຓ຺ຫາຕີ’’ຕິ. ເອວໍ ໂທເສປີຕິ ເອຕ຺ຖ ອິສ຺ສາທໂຍ ວິຍ ນ ໂທໂສ ໂທສປຕິຣູປໂກ ໂກຈິ ອຕ຺ຖີຕິ ໂທສເມວ ຄຓ຺ຫາຕີຕິ ໂຍເຊຕພ຺ພໍ. ຐເປຕ຺ວາ ຫິ ອິສ຺ສາທໂຍ ອຎ຺ຎຈິຕ຺ຕສ຺ສ ທຸສ຺ສນາກາໂຣ ໂທສສ຺ເສວ ປວຕ຺ຕິອາກາໂຣຕິ.
ປຕິຣູປກຖາວຓ຺ຓນາ ນິຏ຺ຐິຕາ.