໖. ຎາຓກຖາວຓ຺ຓນາ

໘໗໖-໘໗໗. ‘‘ທ຺ວາທສວຕ຺ຖຸກໍ ຎາຓໍ ໂລກຸຕ຺ຕຣ’’ນ຺ຕິ ເອຕ຺ຖ ທ຺ວາທສວຕ຺ຖຸກສ຺ສ ຎາຓສ຺ສ ໂລກຸຕ຺ຕຣຕາ ປຕິຏ຺ຐາປີຍຕີຕິ ທສ຺ເສນ຺ໂຕ ປຐມວິກປ຺ປໍ ວຕ຺ວາ ປຸນ ໂລກຸຕ຺ຕຣຎາຓສ຺ສ ທ຺ວາທສວຕ຺ຖຸກຕາ ປຕິຏ຺ຐາປີຍຕີຕິ ທສ຺ເສຕຸໍ ‘‘ຕໍ ວາ…ເປ… ອຕ຺ໂຖ’’ຕິ ອາຫ. ປຣິຎ຺ເຎຍ຺ຍນ຺ຕິ ເອຕ຺ຖ ອິຕິ-ສທ຺ໂທ ອາທິອຕ຺ໂຖ, ປກາຣຕ຺ໂຖ ວາ. ເຕນ ‘‘ປຫາຕພ຺ພ’’ນ຺ຕິ ເອວມາທິໍ ສງ຺ຄຓ຺ຫາຕິ. ປຣິຎ຺ຎາຕນ຺ຕິ ເອຕ຺ຖາປິ ເອເສວ ນໂຍ. ‘‘ປຣິຎ຺ເຎຍ຺ຍໍ ປຣິຎ຺ຎາຕ’’ນ຺ຕິອາທິນາ ປຣິຊານນາທິກິຣິຍາຍ ນິພ຺ພຕ຺ເຕຕພ຺ພຕາ ນິພ຺ພຕ຺ຕິຕຕາ ຈ ທສ຺ສິຕາ, ນ ນິພ຺ພຕ຺ຕິຍມານຕາຕິ. ເຍນ ປນ ສາ ໂຫຕິ, ຕໍ ທສ຺ເສຕຸໍ ‘‘ສຈ຺ຈຎາຓໍ ປນາ’’ຕິອາທິ ວຸຕ຺ຕໍ. ຕຕ຺ຖ ສຈ຺ຈຎາຓນ຺ຕິ ທຸກ຺ຂາທິສຈ຺ຈສຠາວາວໂພຘກໍ ຎາຓໍ, ຍໍ ສນ຺ຘາຍ ‘‘ອິທໍ ທຸກ຺ຂ’’ນ຺ຕິອາທິ ວຸຕ຺ຕໍ. ມຄ຺ຄກ຺ຂເຓປີຕິ ອປິ-ສທ຺ເທນ ຕໂຕ ປຸພ຺ພາປຣຠາເຄປີຕິ ທຏ຺ຐພ຺ພໍ. ປຣິຊານນາທິກິຈ຺ຈສາຘນວເສນ ໂຫຕິ ອສມ຺ໂມຫໂຕ ວິສຍໂຕ ຈາຕິ ອຘິປ຺ປາໂຍ.

ຎາຓກຖາວຓ຺ຓນາ ນິຏ຺ຐິຕາ.

ວີສຕິມວຄ຺ຄວຓ຺ຓນາ ນິຏ຺ຐິຕາ.

ຈຕຸຕ຺ໂຖ ປຓ຺ຓາສໂກ ສມຕ຺ໂຕ.