໒. ນຕ຺ຖິອຣຫໂຕອກາລມຈ຺ຈູຕິກຖາວຓ຺ຓນາ

໗໘໐. ອລທ຺ຘວິປາກວາຣານນ຺ຕິ ວິປາກທານໍ ປຕິ ອລທ຺ໂຘກາສານໍ. ພ຺ຍນ຺ຕີຠາວນ຺ຕິ ວິຄຕນ຺ຕຕໍ, ວິຄມໍ ອວິປາກນ຺ຕິ ອຕ຺ໂຖ.

໗໘໑. ຕໂຕ ປຣນ຺ຕິ ພ຺ຍຕິເຣເກນ ອຕ຺ຖສິທ຺ຘິ, ນ ເກວເລນ ອນ຺ວເຍນາຕິ ອາຫ ‘‘ຕາວ ນ ກມຕິ, ຕໂຕ ປຣໍ ກມຕີຕິ ລທ຺ຘິຍາ ປຏິກ຺ຂິປຕີ’’ຕິ. ຕຕ຺ຖ ຕໂຕ ປຣນ຺ຕິ ປຸພ຺ເພ ກຕສ຺ສ ກມ຺ມສ຺ສ ປຣິກ຺ຂຍຄມນໂຕ ປຣໍ. ນຕ຺ຖິ ປາຓາຕິປາໂຕ ປາຓາຕິປາຕລກ຺ຂຓາຠາວໂຕຕິ ອຘິປ຺ປາໂຍ. ຕເມວ ລກ຺ຂຓາຠາວໍ ທສ຺ເສຕຸໍ ‘‘ປາໂຓປາຓສຎ຺ຎິຕາ’’ຕິອາທິ ວຸຕ຺ຕໍ. ຕຕ຺ຖ ນ ເຕນາຕິ ໂຍ ປເຣນ ອຸປກ຺ກໂມ ກໂຕ, ເຕນ ອຸປກ຺ກເມນ ນ ມໂຕ, ຘມ຺ມຕາມຣເຓເນວ ມໂຕຕິ ທຸພ຺ພິຎ຺ເຎຍ຺ຍໍ ອວິເສສວິທູຫິ, ທຸພ຺ພິຎ຺ເຎຍ຺ຍໍ ວາ ໂຫຕຸ ສຸວິຎ຺ເຎຍ຺ຍໍ ວາ, ອງ຺ຄປາຣິປູຣິຍາວ ປາຓາຕິປາໂຕ.

ນຕ຺ຖິອຣຫໂຕອກາລມຈ຺ຈູຕິກຖາວຓ຺ຓນາ ນິຏ຺ຐິຕາ.