໔. ນິຍຕສ຺ສນິຍາມກຖາວຓ຺ຓນາ

໖໖໓-໖໖໔. ອປ຺ປຕ຺ຕນິຍາມານນ຺ຕິ ເຍ ອນຸປ຺ປນ຺ນມິຈ຺ຉຕ຺ຕສມ຺ມຕ຺ຕນິຍຕຘມ຺ມາ ປຸຄ຺ຄລາ, ເຕສໍ ຘມ຺ເມ. ເກ ປນ ເຕ? ຍຖາວຸຕ຺ຕປຸຄ຺ຄລສນ຺ຕານປຣິຍາປນ຺ນາ ຘມ຺ມາ. ເຕ ຫິ ຠູມິຕ຺ຕຍປຣິຍາປນ຺ນຕາຍ ‘‘ເຕຠູມກາ’’ຕິ ວຸຕ຺ຕາ. ເຍ ປນ ປຕ຺ຕນິຍາມານໍ ສນ຺ຕາເນ ປວຕ຺ຕາ ອນິຍຕຘມ຺ມາ, ນ ເຕສເມຕ຺ຖ ສງ຺ຄໂຫ ກໂຕ. ນ ຫິ ເຕຫິ ສມນ຺ນາຄເມນ ອນິຍຕຕາ ອຕ຺ຖິ. ເຕເນວາຫ ‘‘ເຕຫິ ສມນ຺ນາຄໂຕປິ ອນິຍໂຕເຍວາ’’ຕິ. ອິມໍ ໂວຫາຣມຕ຺ຕນ຺ຕິ ອິມິນາ ນິຍາໂມ ນາມ ໂກຈິ ຘມ຺ໂມ ນຕ຺ຖິ, ອຸປຈິຕສມ຺ຠາຣຕາຍ ອຠິສມ຺ພຸຊ຺ຌິຕຸໍ ຠພ຺ພຕາວ ຕຖາ ວຸຈ຺ຈຕີຕິ ທສ຺ເສຕິ. ນິຍໂຕຕິ ວຈນສ຺ສ ກາຣຓຠາເວນ ວຸຕ຺ໂຕຕິ ໂຍຊນາ. ອຸຠຍສ຺ສປີຕິ ນິຍໂຕ ນິຍາມໍ ໂອກ຺ກມຕີຕິ ວຈນທ຺ວຍສ຺ສ.

ນິຍຕສ຺ສນິຍາມກຖາວຓ຺ຓນາ ນິຏ຺ຐິຕາ.