໙. ຘມ຺ມຏ຺ຐິຕຕາກຖາວຓ຺ຓນາ

໖໒໗. ອວິຊ຺ຊາຍ ຍາ ຐິຕຕາຕິ ອວິຊ຺ຊາຍ ສງ຺ຂາຣານໍ ອນນ຺ຕຣປຈ຺ຈຍຠາເວ ຍາ ນິຍຕຕາ ຘມ຺ມນິຍາມຕາສງ຺ຂາຕາ, ຍາ ຐິຕສຠາວຕາ ນິປ຺ຜນ຺ນາ, ນ ຘມ຺ມມຕ຺ຕຕາຏ຺ຐິຕຕາຍ ນິປ຺ຜນ຺ນາຍ ວເສນ, ອນນ຺ຕຣປຈ຺ຈຍຠາວສງ຺ຂາຕາ ຐິຕຕາ ປຈ຺ຈຍຕາ ໂຫຕີຕິ ອຕ຺ໂຖ. ອຎ຺ຎມຎ຺ຎປຈ຺ຈຍຠາວຣຫິຕສ຺ສາຕິ ອິທໍ ສຫຊາຕນິສ຺ສຍາທິປຈ຺ຈຍານໍ ປຏິກ຺ເຂປປທໍ ທຏ຺ຐພ຺ພໍ, ນ ອຎ຺ຎມຎ຺ຎປຈ຺ຈຍຕາມຕ຺ຕສ຺ສ. ສພ຺ໂພ ຕາທິໂສຕິ ອິມິນາ ສມນນ຺ຕຣອນນ຺ຕຣູປນິສ຺ສຍນຕ຺ຖິວິຄຕາເສວນາທິກໍ ສງ຺ຄຓ຺ຫາຕິ. ອຎ຺ຎມຎ຺ຎປຈ຺ຈຍຕຎ຺ຈາຕິ ເອຕ຺ຖາປິ ວຸຕ຺ຕນເຍນ ອຕ຺ໂຖ ເວທິຕພ຺ໂພ. ເອຕ຺ຖ ປນ ປຈ຺ຈຍຸປ຺ປນ຺ນສ຺ສປິ ປຈ຺ຈຍຠາວໂຕ ສງ຺ຂາຣານມ຺ປິ ວເສນ ໂຍເຊຕພ຺ພໍ. ເຕນາຫ ‘‘ຕສ຺ສາ ຈ ອິຕຣາ’’ຕິ.

ຘມ຺ມຏ຺ຐິຕຕາກຖາວຓ຺ຓນາ ນິຏ຺ຐິຕາ.