໑໑. ອວິຎ຺ຎຕ຺ຕິທຸສ຺ສີລ຺ຍນ຺ຕິກຖາວຓ຺ຓນາ

໖໐໓-໖໐໔. ມຫາຠູຕານິ ອຸປາທາຍ ປວຕ຺ໂຕ ອຎ຺ຎຈິຕ຺ຕກ຺ຂເຓປິ ລພ຺ຠມາໂນ ກຸສລາກຸສລານຸພນ຺ໂຘ ອວິຎ຺ຎຕ຺ຕີຕິ ອຍໍ ວາໂທ ‘‘ຈິຕ຺ຕວິປ຺ປຍຸຕ຺ໂຕ ອປຸຎ຺ຎູປຈໂຍ’’ຕິ ອິມິນາ ສງ຺ຄຫິໂຕຕິ ຕໂຕ ອຎ຺ຎານຸພນ຺ຘາຍໍ ‘‘ອາຓຕ຺ຕິຍາ’’ຕິອາທິ ວຸຕ຺ຕນ຺ຕິ ຕໍ ທສ຺ເສຕຸໍ ‘‘ອາຓຕ຺ຕິຍາ…ເປ… ອຘິປ຺ປາໂຍ’’ຕິ ວຸຕ຺ຕໍ. ຕຕ຺ຖ ອາຓຕ຺ໂຕ ຍທາ ອາຓຕ຺ຕຠາເວນ ວິຫິໍສາທິກິຣິຍໍ ສາເຘຕິ, ຕທາ ອາຓຕ຺ຕິຍາ ປາຓາຕິປາຕາທີສຸ ອງ຺ຄຠາໂວ ເວທິຕພ຺ໂພ. ສາ ປນາຓຕ຺ຕິ ປາຣິວາສິກຠາເວນ ວິຎ຺ຎຕ຺ຕິຣຫິຕາ ນາມ ໂຫຕີຕິ ປຣວາທິໂນ ອຘິປ຺ປາໂຍ, ຕໍ ທສ຺ເສຕຸໍ ‘‘ເອກສ຺ມິໍ ທິວເສ’’ຕິອາທິ ວຸຕ຺ຕໍ.

ອວິຎ຺ຎຕ຺ຕິທຸສ຺ສີລ຺ຍນ຺ຕິກຖາວຓ຺ຓນາ ນິຏ຺ຐິຕາ.

ທສມວຄ຺ຄວຓ຺ຓນາ ນິຏ຺ຐິຕາ.

ທຸຕິໂຍ ປຓ຺ຓາສໂກ ສມຕ຺ໂຕ.