໓. ປຎ຺ຈວິຎ຺ຎາຓສມງ຺ຄິສ຺ສມຄ຺ຄກຖາວຓ຺ຓນາ

໕໗໖. ລກ຺ຂຓນ຺ຕິ ປຎ຺ຈວິຎ຺ຎາຓານໍ ອຸປ຺ປນ຺ນາຣມ຺ມຓຕາທິອວິຕເຖກປ຺ປກາຣຕາລກ຺ຂຓໍ. ກາມໍ ມໂນວິຎ຺ຎາຓໍ ອວຕ຺ຖຸກມ຺ປິ ໂຫຕິ, ສວຕ຺ຖຸກຕ຺ເຕ ປນ ຕມ຺ປິ ອຸປ຺ປນ຺ນວຕ຺ຖຸກເມວ. ຕຖາ ຫິ ປາຬິຍໍ ຐປນາຍໍ ‘‘ຫຎ຺ຈິ ປຎ຺ຈວິຎ຺ຎາຓາ ອຸປ຺ປນ຺ນາຣມ຺ມຓາ’’ຕ຺ເວວ ວຸຕ຺ຕໍ. ມໂນວິຎ຺ຎາຓສ຺ສປິ ອຸປ຺ປນ຺ນວຕ຺ຖຸກຕາປຣິຍາໂຍ ອຕ຺ຖີຕິ ‘‘ປຎ຺ຈ ວິຎ຺ຎາຓາ’’ຕິ ອວຕ຺ວາ ‘‘ຉ ວິຎ຺ຎາຓາ ອຸປ຺ປນ຺ນວຕ຺ຖຸກາ’’ຕິ ວຸຕ຺ເຕ ‘‘ໂນ ຈ ວຕ ເຣ ວຕ຺ຕພ຺ເພ ປຎ຺ຈວິຎ຺ຎາຓສມງ຺ຄິສ຺ສ ອຕ຺ຖິ ມຄ຺ຄຠາວນາ’’ຕິ ວຕ຺ຕຸໍ ນ ສກ຺ກາຕິ ທສ຺ເສນ຺ໂຕ ອາຫ ‘‘ຉ ວິຎ຺ຎາຓາ…ເປ… ອຘິປ຺ເປຕ’’ນ຺ຕິ.

໕໗໗. ‘‘ອນິມິຕ຺ຕໍ ສຸຎ຺ຎຕໍ ອປ຺ປຓິຫິຕ’’ນ຺ຕິ ນິພ຺ພານສ຺ສ ເຕ ປຣິຍາຍາ. ຈກ຺ຂຸວິຎ຺ຎາຓສ຺ສ ອນິມິຕ຺ຕຄາຫິຠາເວ ສຸຎ຺ຎຕາຣມ຺ມຓຕາປິ ສິຍາຕິ ວຸຕ຺ຕໍ ‘‘ຕເທວ ສຸຎ຺ຎຕນ຺ຕິ ອຘິປ຺ປາໂຍ’’ຕິ.

ປຎ຺ຈວິຎ຺ຎາຓສມງ຺ຄິສ຺ສມຄ຺ຄກຖາວຓ຺ຓນາ ນິຏ຺ຐິຕາ.