໓. ສໂຠຊນສິກ຺ຂາປທວຓ຺ຓນາ

໒໘໐. ຕຕິເຍ ປິຏ຺ຐສງ຺ຆາໂຏຕິ ທ຺ວາຣພາຫາເຍຕໍ ອຘິວຈນໍ. ຂຸທ຺ທກໍ ນາມ ສຍນິຆຣໍ ວິຕ຺ຖາຣໂຕ ປຎ຺ຈຫຕ຺ຖປ຺ປມາຓໍ ໂຫຕິ, ຕສ຺ສ ຈ ມຊ຺ຌິມຏ຺ຐານໍ ປິຏ຺ຐສງ຺ຆາຏໂຕ ອຑ຺ຒເຕຍ຺ຍຫຕ຺ຖປ຺ປມາຓເມວ ໂຫຕິ, ຕສ຺ມາ ຕາທິເສ ສຍນິຆເຣ ປິຏ຺ຐສງ຺ຆາຏໂຕ ຫຕ຺ຖປາສໍ ວິຊຫິຕ຺ວາ ນິສິນ຺ໂນ ປິຏ຺ຐິວໍສໍ ອຕິກ຺ກມິຕ຺ວາ ນິສິນ຺ໂນ ນາມ ໂຫຕິ. ເອວໍ ນິສິນ຺ໂນ ຈ ມຊ຺ຌໍ ອຕິກ຺ກມິຕ຺ວາ ນິສິນ຺ໂນ ນາມ ໂຫຕີຕິ ອາຫ ‘‘ອິມິນາ ມຊ຺ຌາຕິກ຺ກມໍ ທສ຺ເສຕີ’’ຕິ. ຍຖາ ວາ ຕຖາ ວາ ກຕສ຺ສາຕິ ປິຏ຺ຐິວໍສໍ ອາໂຣເປຕ຺ວາ ວາ ອນາໂຣເປຕ຺ວາ ວາ ກຕສ຺ສ. ສຈິຕ຺ຕກນ຺ຕິ ອນຸປວິສິຕ຺ວາ ນິສີທນຈິຕ຺ເຕນ ສຈິຕ຺ຕກໍ. ເສສເມຕ຺ຖ ອຸຕ຺ຕານເມວ. ປຣິຍຸຏ຺ຐິຕຣາຄຊາຍມ຺ປຕິການໍ ສນ຺ນິຫິຕຕາ, ສຍນິຆຣຕາ, ທຸຕິຍສ຺ສ ຠິກ຺ຂຸໂນ ອຠາໂວ, ອນຸປຂຊ຺ຊ ນິສີທນນ຺ຕິ ອິມານິ ປເນຕ຺ຖ ຈຕ຺ຕາຣິ ອງ຺ຄານິ.

ສໂຠຊນສິກ຺ຂາປທວຓ຺ຓນາ ນິຏ຺ຐິຕາ.

໒໘໔-໒໘໙. ຈຕຸຕ຺ຖປຎ຺ຈເມສຸ ນຕ຺ຖິ ກິຎ຺ຈິ ວຕ຺ຕພ຺ພໍ.