໑. ປຐມາທິສິກ຺ຂາປທວຓ຺ຓນາ

໑໐໖໗. ‘‘ຄພ຺ຠິນິ’’ນ຺ຕິ ທສ຺ສນາທີຫິປິ ຄພ຺ຠສມ຺ຠວໂຕ ວຸຕ຺ຕໍ. ປທຠາຊເນປິ ປວາຣິຕຠາໂວ ນ ທິສ຺ສຕິ.

໑໐໗໔. ຘາຕິ ວາຕິ ເອຕ຺ຖ ທາຣກໍ ສາມິການໍ ທຕ຺ວາ ອາຫເຏ ວຑ຺ເຒຕິ, ຕຖາ ມາຕາປີຕິ ເກຈິ.

໑໐໘໐. ‘‘ສິກ຺ຂມານ’’ນ຺ຕິ ປາຐໍ ທີປວາສິໂນ ໂຣເຈນ຺ຕິ ກິຣິຍາກິຣິຍຕ຺ຕາ, ຊມ຺ພຸທີປວາສິໂນ ‘‘ສິກ຺ຂມານາ’’ຕິ. ຕສ຺ສຕ຺ໂຖ ສິກ຺ຂາຘມ຺ມມານນໂຕ ສິກ຺ຂມານາຕິ. ອິຘ ກິຣິຍາ ນ ໂຫຕິ, ສຎ຺ຎາວ ອຘິປ຺ເປຕາ. ນ ເອຕາສຸ ອສິກ຺ຂິຕາ ອຸປສມ຺ປາເທຕພ຺ພາ ອຸປຊ຺ຌາຍິນີອາທີນໍ ອາປຕ຺ຕິຠາວາ. ‘‘ຕສ຺ສາ ອຸປສມ຺ປທາ ໂຫຕິ ເອວາ’’ຕິ ວທນ຺ຕິ.

໑໐໘໒. ຘມ຺ມກມ຺ເມຕິ ອຸປສມ຺ປທກມ຺ມໍ ອຘິປ຺ເປຕໍ.

໑໑໑໒. ວຸຏ຺ຐາປິຕນ຺ຕິ ສາມເຓຣິຠູມິໂຕ ຍາຍ ເຖຣິຍາ ອຸປສມ຺ປທາເປກ຺ຂາ ວຸຏ຺ຐປິຕາ, ສາ ເຖຣີ ວຸຏ຺ຐາປິຕາ ນາມ, ເຕເນວ ປຸນ ວິເສສນຕ຺ຖໍ ‘‘ປວຕ຺ຕິນິ’’ນ຺ຕິ ອາຫ.

ປຐມາທິສິກ຺ຂາປທວຓ຺ຓນາ ນິຏ຺ຐິຕາ.

ຄພ຺ຠິນິວຄ຺ຄວຓ຺ຓນາ ນິຏ຺ຐິຕາ.