໑-໑໑. ກາຍຄຕາສຕິສຸຕ຺ຕາທິວຓ຺ຓນາ

໓໖໖-໓໗໖. ອສງ຺ຂຕນ຺ຕິ ນ ສງ຺ຂຕໍ ເຫຕຸປຈ຺ຈເຍຕິ. ເຕນາຫ ‘‘ອກຕ’’ນ຺ຕິ. ຫິຕໍ ເອສນ຺ເຕນາຕິ ເມຕ຺ຕາຍນ຺ເຕນ. ອນຸກມ຺ປມາເນນາຕິ ກຣຸຓາຍນ຺ເຕນ. ອຸປາທາຍາຕິ ອາທິຍິຕ຺ວາຕິ ອຍມຕ຺ໂຖຕິອາຫ ‘‘ຈິຕ຺ເຕນ ປຣິຄ຺ຄເຫຕ຺ວາ’’ຕິ. ອວິປຣີຕຘມ຺ມເທສນາຕິ ອວິປຣີຕຘມ຺ມສ຺ສ ເທສນາ, ປຏິປຕ຺ຕິມ຺ປິ ສາວກາ ວິຍ ຄຣຸໂກ ຠຄວາ. ທາຍຊ຺ຊໍ ອຕ຺ຕໂນ ອຘິຏ຺ຐິຕໍ ນິຍ຺ຍາເຕຕິ.

ຠິກ຺ຂາສມ຺ປຕ຺ຕິກາລາທີນໍ ສຕ຺ຕນ຺ນໍ ສປ຺ປາຍານໍ ສມ຺ປຕ຺ຕິຍາ ລພ຺ຠນກາເລ. ວິປຕ຺ຕິກາເລ ປນ ເອຕ຺ຖ ວຸຕ຺ຕວິປຣິຍາເຍນ ອຕ຺ໂຖ ເວທິຕພ຺ໂພ. ຠາຣິຍນ຺ຕິ ທຸກ຺ຂພຫຸລຕາຍ ທາຣຸຓໍ. ອມ຺ຫາກໍ ສນ຺ຕິກາ ລທ຺ຘພ຺ພາ. ຕຸມ຺ຫາກໍ ອນຸສາສນີຕິ ຕຸມ຺ຫາກໍ ທາຕພ຺ພາ ອນຸສາສນີ.

ກາຍຄຕາສຕິສຸຕ຺ຕາທິວຓ຺ຓນາ ນິຏ຺ຐິຕາ.