໓-໕. ໂຍຘາຊີວສຸຕ຺ຕາທິວຓ຺ຓນາ

໓໕໕-໓໕໗. ຍຸຊ຺ຌນໍ ໂຍໂຘ, ໂສ ອາຊີໂວ ເອຕສ຺ສາຕິ ໂຍຘາຊີໂວ. ເຕນາຫ – ‘‘ຍຸທ຺ເຘນ ຊີວິກໍ ກປ຺ປນໂກ’’ຕິ, ອຸສ຺ສາຫໍ ວາຍາມໍ ກໂຣຕີຕິ ຍຸຊ຺ຌນວເສນ ອຸສ຺ສາຫໍ ວາຍາມໍ ກໂຣຕິ. ປຣິຍາປາເທນ຺ຕີຕິ ມຣຓປຣິຍນ຺ຕິກໍ ອາປທໍ ປາເປນ຺ຕິ. ເຕນາຫ ‘‘ມຣຓໍ ປຏິປຊ຺ຊາເປນ຺ຕີ’’ຕິ. ທຸຏ຺ຐຸ ຐປິຕນ຺ຕິ ທຸຏ຺ຐາກາເຣນ ອຕ຺ຕໂນ ປເຣສຎ຺ຈ ອຕ຺ຖາວຫຠາວໍ ນ ຄຕໍ ປຏິປນ຺ນໍ. ປເຣຫິ ສງ຺ຄາເມ ຊິຕາ ຫຕາ ເອຕ຺ຖ ຊາຍນ຺ຕີຕິ ປຣຊິໂຕ ນາມ ນິຣໂຍ. ອສິຘນຸຄທາຍສງ຺ກຸຈກ຺ການິ ປຎ຺ຈາວຸຘານິ. ຕໍ ສນ຺ຘາຍາຕິ ຕໍ ໂຍຘາຊີວໍ ປຸຄ຺ຄລໍ ສນ຺ຘາຍ. ເອຕໍ ‘‘ໂຍ ໂສ’’ຕິອາທິ ວຸຕ຺ຕໍ. ຈຕຸຕ຺ຖປຎ຺ຈເມສູຕິ ຫຕ຺ຖາໂຣຫອສ຺ສາໂຣຫສຸຕ຺ເຕສຸ. ເອເສວ ນໂຍຕິ ເອໂສ ຕຕິເຍ ວຸຕ຺ໂຕ ເອວ ອຕ຺ຖໂຕ ວິເສສາຠາວໂຕ.

ໂຍຘາຊີວສຸຕ຺ຕາທິວຓ຺ຓນາ ນິຏ຺ຐິຕາ.