໖. ກິເລສສໍຍຸຕ຺ຕວຓ຺ຓນາ

໓໒໒-໓໓໑. ເອໂສຕິ ຈກ຺ຂຸສ຺ມິໍ ຉນ຺ທຣາໂຄ. ອຸເປຈ຺ຈ ກິເລເສຕີຕິ ອຸປກ຺ກິເລໂສ. ຈິຕ຺ຕສ຺ສາຕິ ສາມຎ຺ຎວຈນໍ ອນິຈ຺ຉນ຺ໂຕ ໂຈທໂກ ‘‘ກຕຣຈິຕ຺ຕສ຺ສາ’’ຕິ ອາຫ. ອິຕໂຣ ກາມໍ ອຸປຕາປນມລີນຠາວກຣຓວເສນ ອຸປກ຺ກິເລໂສ ໂລກຸຕ຺ຕຣສ຺ສ ນຕ຺ຖິ, ວິພາຘນຏ຺ໂຐ ປນ ອຕ຺ເຖວ ອຸປ຺ປຕ຺ຕິນິວາຣຓໂຕຕິ ອຘິປ຺ປາເຍນາຫ ‘‘ຈຕຸຠູມກຈິຕ຺ຕສ຺ສາ’’ຕິ. ໂຈທໂກ ‘‘ເຕຠູມກາ’’ຕິອາທິນາ ອຕ຺ຕໂນ ອຘິປ຺ປາຍໍ ວິວຣຕິ, ອິຕໂຣ ‘‘ອຸປ຺ປຕ຺ຕິນິວາຣຓໂຕ’’ຕິອາທິນາ. ອຣິຍຜລປຏິປ຺ປສ຺ສທ຺ຘິປຫານວເສນ ປວຕ຺ຕິຍາ ສພ຺ພສໍກິເລສໂຕ ນິກ຺ຂນ຺ຕຕ຺ຕາ ເນກ຺ຂມ຺ມໍ, ມຄ຺ຄນິພ຺ພານານໍ ປນ ເນກ຺ຂມ຺ມຠາໂວ ອຸກ຺ກໍສໂຕ ຄຫິໂຕ ເອວາຕິ ອາຫ ‘‘ເນກ຺ຂມ຺ມນິນ຺ນນ຺ຕິ ນວໂລກຸຕ຺ຕຣຘມ຺ມນິນ຺ນ’’ນ຺ຕິ. ອຠິຊານິຕ຺ວາຕິ ອຠິມຸຂຠາເວນ ຊານິຕ຺ວາ. ສຈ຺ຉິກາຕພ຺ເພສູຕິ ປຈ຺ຈກ຺ຂກາຕພ຺ເພສຸ. ຉຬຠິຎ຺ຎາຘມ຺ເມສູຕິ ອຣິຍມຄ຺ຄສມ຺ປຍຸຕ຺ຕຘມ຺ເມສຸ.

ກິເລສສໍຍຸຕ຺ຕວຓ຺ຓນາ ນິຏ຺ຐິຕາ.