໑໑. ອນຸສຍສຸຕ຺ຕວຓ຺ຓນາ

໒໐໐. ທຸຕິຍວຄ຺ເຄ ອຕ຺ຕໂນຕິ ອາຍສ຺ມາ ຣາຫຸໂລ ອຕ຺ຕໂນ ສວິຎ຺ຎາຓກໍ ກາຍໍ ທສ຺ເສຕິ. ປຣສ຺ສາຕິ ປຣສ຺ສ ອວິຎ຺ຎາຓກກາຍໍ ທສ຺ເສຕິ. ປຣສນ຺ຕາເນ ວາ ອຣູເປ ຘມ຺ເມ ອຄ຺ຄເຫຕ຺ວາ ຣູປກາຍເມວ ຄຓ຺ຫນ຺ໂຕ ວທຕິ. ອປເຣ ‘‘ອສຎ຺ຎສຕ຺ຕານໍ ອຕ຺ຕຠາວໍ ສນ຺ຘາຍ ຕຖາ ວຸຕ຺ຕ’’ນ຺ຕິ ວທນ຺ຕິ. ປຸຣິເມນາຕິ ‘‘ອິມສ຺ມິໍ ສວິຎ຺ຎາຓເກ ກາເຍ’’ຕິ ອິມິນາ ປເທນ. ປຈ຺ຉິເມນາຕິ ‘‘ພຫິທ຺ຘາ’’ຕິ ອິມິນາ ປເທນ. ເອເຕ ກິເລສາຕິ ເອເຕ ທິຏ຺ຐິຕຓ຺ຫາມານສຎ຺ຎິຕາ ກິເລສາ. ເອເຕສຸ ວຕ຺ຖູສູຕິ ອຊ຺ຌຕ຺ຕພຫິທ຺ຘາວຕ຺ຖູສຸ. ສມ຺ມ…ເປ… ປສ຺ສຕີຕິ ປຸພ຺ພຠາເຄ ວິປສ຺ສນາຎາເຓນ ສມ຺ມສນວເສນ, ມຄ຺ຄກ຺ຂເຓ ອຠິສມຍວເສນ ສຸຏ຺ຐຸ ອຕ຺ຕປຈ຺ຈກ຺ເຂນ ຎາເຓນ ປສ຺ສຕິ.

ອນຸສຍສຸຕ຺ຕວຓ຺ຓນາ ນິຏ຺ຐິຕາ.