໒. ສກ຺ກນາມສຸຕ຺ຕວຓ຺ຓນາ

໒໓໖. ສກ຺ກນາມໂກຕິ ພລິປຸຕ຺ໂຕ ວິຍ ສກ຺ກສ຺ສ ວເສນ ຄຫິຕນາໂມ. ‘‘ເອໂສ ກິຣາ’’ຕິ ປາໂຐ. ‘‘ເອໂກ ກິຣາ’’ຕິປິ ລິຂນ຺ຕິ. ມາຣສ຺ສ ປກ຺ເຂ ຄໂຕ ມາຣປກ຺ຂິໂກ. ຍທຎ຺ຎນ຺ຕິ ເອຕ຺ຖ ຍນ຺ຕິ ກິຣິຍາປຣາມສນໍ, ຕສ຺ມາ ຍໍ ອຎ຺ຎສ຺ສ ອນຸສາສນໍ, ຕໍ ສມຓສ຺ສ ນ ສາຘູຕິ ໂຍຊນາ. ກາຣເຓນາຕິ ກາຣຓມຕ຺ເຕນ ສໍວາໂສ ຊາຍຕິ. ເຍນ ເກນຈິ ຄຫຏ຺ເຐນ ວາ ປພ຺ພຊິເຕນ ວາ. ຕໍ ກາຣຓນ຺ຕຣໍ ສມາຄຕໍ ປຸຣິສໍ ສປ຺ປຎ຺ໂຎ ສມ຺ພຸທ຺ໂຘ ອນຸກມ຺ປິຕຸໍ ນາຣຫຕິ ວິເສສາຘິຄມາຠາວາ, ສຕິ ປນ ຕສ຺ມິໍ ສວິເສສໍ ປສາໂທ ໂຫຕີຕິ. ມນສາ ເຈ…ເປ… ນ ເຕນ ໂຫຕິ ສໍຍຸຕ຺ໂຕ ສິເນຫວເສນ ອນຸກມ຺ປາ ອນຸທ຺ທຍາ ຕສ຺ສາ ອສໍກິລິຏ຺ຐສຠາວຕ຺ຕາ.

ສກ຺ກນາມສຸຕ຺ຕວຓ຺ຓນາ ນິຏ຺ຐິຕາ.