໓. ມິຕ຺ຕສຸຕ຺ຕວຓ຺ຓນາ

໕໓. ສຫ ອຕ຺ເຖນ ວຕ຺ຕຕີຕິ ສຕ຺ໂຖ, ຠຓ຺ຑມູລໍ ຄເຫຕ຺ວາ ວາຓິຊ຺ຊວເສນ ເທສນ຺ຕຣາທີສຸ ວິຈຣຓກຊນສມູໂຫ. ເຕນາຫ ‘‘ສທ຺ຘິໍຈໂຣ’’ຕິ, ສຫຈຣຓໂກຕິ ອຕ຺ໂຖ. ມິຕ຺ຕນ຺ຕິ ສິເນຫໂຍເຄນ ມິຕ຺ຕກິຈ຺ຈຍຸຕ຺ຕໍ. ອິຘາຘິປ຺ເປຕປ຺ປກາຣໍ ທສ຺ເສຕຸໍ ‘‘ໂຣເຄ ອຸປ຺ປນ຺ເນ’’ຕິອາທິ ວຸຕ຺ຕໍ. ຕຖາຣູເປຕິ ຊິຄຸຈ຺ຉນີເຍ, ທຸຕ຺ຕິກິຈ຺ເຉ ວາ. ຍຖາ ອສຓ຺ຐິຕານໍ ສຓ຺ຐາປນວເສນ ປວສໂຕ ປຸຣິສສ຺ສ ໂຠຄພ຺ຍສເນ ນາຖຕາ, ເອວໍ ປຸຕ຺ຕສິເນຫວເສນ ປຸຕ຺ຕສ຺ສ ມາຕຸຍາ ອນ຺ໂຕເຄເຫ ນາຖຕາຕິ ວຸຕ຺ຕໍ ‘‘ມາຕາ ມິຕ຺ຕໍ ສເກ ຆເຣ’’ຕິ. ອຕ຺ຖຊາຕສ຺ສາຕິ ອຸປຏ຺ຐິຕປໂຍຊນສ຺ສາຕິ ອຕ຺ໂຖຕິ ອາຫ ‘‘ອຸປ຺ປນ຺ນກິຈ຺ຈສ຺ສາ’’ຕິ. ສມ຺ປຣາຍຫິຕນ຺ຕິ ສມ຺ປຣາເຍ ຫິຕາວຫໍ.

ມິຕ຺ຕສຸຕ຺ຕວຓ຺ຓນາ ນິຏ຺ຐິຕາ.