໖. ຈາຣິຕ຺ຕສິກ຺ຂາປທໍ

໒໙໔. ຉຏ຺ເຐ ກສ຺ມາ ເຕຫິ ‘‘ເທຖາວຸໂສ ຠຕ຺ຕ’’ນ຺ຕິ ວຸຕ຺ຕໍ, ນນຸ ຠິກ຺ຂູນໍ ເອວໍ ວຕ຺ຕຸໍ ນ ວຏ຺ຏຕີຕິ ອາຫ ‘‘ເອຕ຺ຖ ຕໍ ກິຣາ’’ຕິອາທິ. ຕສ຺ມາຕິ ຍສ຺ມາ ອຠິຫຏໍ ອໂຫສິ, ຕສ຺ມາ.

໒໙໕. ອິທໍ ປນ ວຈນໍ ອາຫາຕິ ສມ຺ພນ຺ໂຘ. ປສາທຎ຺ຎຖຕ຺ຕນ຺ຕິ ປສາທສ຺ສ ອຎ຺ເຎນາກາເຣນ ຠາໂວ. ນນ຺ຕິ ຂາທນີຍໍ. ‘‘ຄເຫຕ຺ວາ ອາຄມໍສູ’’ຕິອິມິນາ ‘‘ອຸສ຺ສາຣິຍິຕ຺ຖາ’’ຕິ ເອຕ຺ຖ ອຸກາຣສ຺ສ ອຸຄ຺ຄຫຕ຺ຖຕຎ຺ຈ ສຣຘາຕຸສ຺ສ ຄຕ຺ຍຕ຺ຖຕຎ຺ຈ ອຊ຺ຊຕນິຎຸໍວິຠຕ຺ຕິຍາ ຕ຺ຖຕ຺ຕຎ຺ຈ ທສ຺ເສຕິ, ອຸຄ຺ຄເຫຕ຺ວາ ສາຣິໍສຸ ອຄມໍສູຕິ ອຕ຺ໂຖ.

໒໙໘. ຍຕ຺ຖາຕິ ຍສ຺ມິໍ ຐາເນ. ຐິຕສ຺ສ ຠິກ຺ຂຸໂນ ຈິຕ຺ຕໍ ອຸປ຺ປນ຺ນນ຺ຕິ ໂຍຊນາ. ຕໂຕຕິ ຈິຕ຺ຕຸປ຺ປນ຺ນໂຕ. ຍນ຺ຕິ ຠິກ຺ຂຸໍ. ປກຕິວຈເນນາຕິ ອຸຈ຺ຈາສທ຺ທມກຕ຺ວາ ປວຕ຺ເຕນ ສຠາວວຈເນນ. ອນ຺ໂຕວິຫາເຣຕິ ວຈນສ຺ສ ອຕິສມ຺ພາຘຕ຺ຕາ ອຍຸຕ຺ຕຠາວໍ ມຎ຺ຎມາໂນ ອາຫ ‘‘ອປິ ຈ ອນ຺ໂຕອຸປຈາຣສີມາຍາ’’ຕິ.

໓໐໒. ຄາມສ຺ສ ອນ຺ຕເຣ ອາຣາໂມ ຕິຏ຺ຐຕີຕິ ອນ຺ຕຣາຣາໂມ ວິຫາໂຣ, ຕໍ ຄຈ຺ຉຕີຕິ ທສ຺ເສນ຺ໂຕ ອາຫ ‘‘ອນ຺ໂຕຄາເມ’’ຕິອາທີຕິ. ຉຏ຺ຐໍ.