໓໖. ເຠສຊ຺ຊນິທ຺ເທໂສ

ເຠສຊ຺ຊນ຺ຕິ –

໒໗໔. ຊນສ຺ສ ກາຕຸໍ ເຠສຊ຺ຊໍ, ທາຕຸໍ ວຕ຺ຕຸໍ ນ ລພ຺ຠຕິ;

ຠິກ຺ຂາຈຣິຍວິຎ຺ຎຕ຺ຕິ, ສເກຫິ ສຫຘມ຺ມິນໍ.

໒໗໕. ປິຕູນໍ ຕທຸປຏ຺ຐາກຠິກ຺ຂຸນິສ຺ສິຕຠຓ຺ຑຸນໍ;

ລພ຺ຠໍ ເຠສຊ຺ຊກຣຓໍ, ເວຍ຺ຍາວຈ຺ຈກຣສ຺ສ ຈ.

໒໗໖. ມຫາຈູຬປິຕາມາຕາຠາຕາຠຄິນິອາທິນໍ;

ເຕສໍ ສເກນຕ຺ຕນິເຍ, ທາຕພ຺ພໍ ຕາວກາລິກໍ.

໒໗໗. ກຸລທູສນວິຎ຺ຎຕ຺ຕິ, ເຠສຊ຺ຊກຣຓາທິ ຫິ;

ມາຕາປິຕູຫິ ສມ຺ພນ຺ຘຎາຕເກສຸ ນ ຣູຫຕິ.

໒໗໘. ປິຓ຺ຑປາໂຕ ອນາມຏ຺ໂຐ, ມາຕາທີນມວາຣິໂຕ;

ຉນ຺ນໍ ທາມຣິກໂຈຣສ຺ສ, ທາຕຸມິສ຺ສຣິຍສ຺ສ ຈ.

໒໗໙. ເຕສໍ ສຸຕ຺ໂຕທເກເຫວ, ປຣິຕ຺ຕໍ ກຍິຣາ ນຕ຺ຕໂນ;

ຠຓິຕພ຺ພໍ ຠຓາເປນ຺ເຕ, ປຣິຕ຺ຕໍ ສາສໂນຄຘໍ.

໒໘໐. ສີລໍ ຘມ຺ມໍ ປຣິຕ຺ຕໍ ວາ, ອາຄນ຺ຕ຺ວາ ເທຕຸ ຠາສຕຸ;

ທາຕຸໍ ວຕ຺ຕຸຎ຺ຈ ລພ຺ຠຕິ, ຄນ຺ຕ຺ວາ ເກນຈິ ເປສິໂຕຕິ.