໑໓. ສມຓກປ຺ປນິທ຺ເທໂສ

ສມຓກປ຺ປາຕິ –

໑໒໕. ຠູຕຄາມສມາຣມ຺ເຠ, ປາຈິຕ຺ຕິ ກຕກປ຺ປິຍໍ;

ນເຂນ ວາຄ຺ຄິສຕ຺ເຖຫິ, ຠເວ ສມຓກປ຺ປິຍໍ.

໑໒໖. ສ ມູລຂນ຺ຘພີຊຄ຺ຄ-ຜຬຸພີຊປ຺ປຠາວິໂຕ;

ອາຣມ຺ເຠ ທຸກ຺ກຏໍ ພີຊໍ, ຠູຕຄາມວິໂຍຊິຕໍ.

໑໒໗. ນິພ຺ພຏ຺ຏພີຊໍ ໂນພີຊ-ມກຕຎ຺ຈາປິ ກປ຺ປຕິ;

ກຏາຫພທ຺ຘພີຊານິ, ພຫິທ຺ຘາ ວາປິ ກາຣເຍ.

໑໒໘. ເອກາພທ຺ເຘສຸ ພີເຊສຸ, ຠາຊເນ ວາປິ ຠູມິຍໍ;

ກເຕ ຈ ກປ຺ປິເຍກສ຺ມິໍ, ສພ຺ເພສ຺ເວວ ກຕໍ ຠເວ.

໑໒໙. ນິກ຺ຂິຕ຺ເຕ ກປ຺ປິຍໍ ກຕ຺ວາ, ມູລປຓ຺ຓານິ ຊາຍຣຸໍ;

ກປ຺ປິຍໍ ປຸນ ກາເຣຍ຺ຍ, ຠູຕຄາໂມ ຫິ ໂສ ຕທາ.

໑໓໐. ສປຓ຺ໂຓ ວາ ອປຓ຺ໂຓ ວາ, ເສວາໂລທກສມ຺ຠໂວ;

ເຈຕິຍາທີສຸ ເສວາໂລ, ນິພ຺ພຏ຺ຏທ຺ວຕ຺ຕິປຕ຺ຕໂກ;

ຠູຕຄາໂມວ ພີຊມ຺ປິ, ມູລປຓ຺ເຓ ວິນິຄ຺ຄເຕ.

໑໓໑. ຆຏາທິປິຏ຺ເຐ ເສວາໂລ, ມກຸຬໍ ອຫິຉຕ຺ຕກໍ;

ທຸກ຺ກຏສ຺ເສວ ວຕ຺ຖູນິ, ຜຸລ຺ລມພ຺ຍວຫາຣິກໍ.

໑໓໒. ລາຂານິຍ຺ຍາສຉຕ຺ຕານິ, ອລ຺ລຣຸກ຺ເຂ ວິໂກປິຍ;

ຄຓ຺ຫໂຕ ຕຕ຺ຖ ປາຈິຕ຺ຕິ, ຉິນ຺ທໂຕ ວາປິ ອກ຺ຂຣໍ.

໑໓໓. ປີເຬຕຸໍ ນາຬິເກຣາທິໍ, ທາຣຸມກ຺ກຏກາທິນາ;

ຉິນ຺ທິຕຸໍ ຄຓ຺ຐິກໍ ກາຕຸໍ, ຕິຓາທິໍ ນ ຈ ກປ຺ປຕິ.

໑໓໔. ຠູຕຄາມໍ ວ ພີຊໍ ວາ, ຉິນ຺ທ ຠິນ຺ໂທຈິນາຫິ ວາ;

ຜາເລຫິ ວິຊ຺ຌ ປຈ ວາ, ນິຍເມຕ຺ວາ ນ ຠາສເຍ.

໑໓໕. ອິມໍ ກໂຣຫິ ກປ຺ປິຍໍ, ອິມໍ ຄຓ຺ເຫທມາຫຣ;

ອິມໍ ເທຫິ ອິມໍ ໂສເຘເຫວໍ ວຏ຺ຏຕິ ຠາສິຕຸນ຺ຕິ.