໓. ປຎ຺ຫປຸຈ຺ຉກວຓ຺ຓນາ

໒໑໕. ເອວໍ ປຸຣິເມສຸປິ ທ຺ວີສູຕິ ກສ຺ມາ ວຸຕ຺ຕໍ, ນນຸ ສຸຕ຺ຕນ຺ຕຠາຊນີເຍ ທຸກ຺ຂນິໂຣຘຄາມິນິປຏິປທານິທ຺ເທເສ ໂລກິຍໂລກຸຕ຺ຕຣມິສ຺ສໂກ ມຄ຺ໂຄ ວຸຕ຺ໂຕ. ຕສ຺ສ ຫິ ອຏ຺ຐກຖາຍໍ (ວິຠ. ອຏ຺ຐ. ໒໐໕) ‘‘ຈຕູສຸ ສຈ຺ເຈສຸ ອຸຄ຺ຄຫາທິວເສນ ປຸພ຺ພຠາຄຎາຓຸປ຺ປຕ຺ຕິໍ ສນ຺ຘາຍ ອິທໍ ‘ທຸກ຺ເຂ ຎາຓ’ນ຺ຕິອາທິ ວຸຕ຺ຕໍ, ປຏິເວຘກ຺ຂເຓ ປນ ເອກເມວ ຎາຓໍ ໂຫຕີ’’ຕິ ສມ຺ມາທິຏ຺ຐິຍາ, ຕຖາ ສມ຺ມາສງ຺ກປ຺ປາທີນຎ຺ຈ ໂລກິຍໂລກຸຕ຺ຕຣມິສ຺ສກຕາ ທສ຺ສິຕາ ‘‘ອປິເຈສາ ສມ຺ມາທິຏ຺ຐິ ນາມ ປຸພ຺ພຠາເຄ ນານາກ຺ຂຓາ ນານາຣມ຺ມຓາ ໂຫຕິ, ມຄ຺ຄກ຺ຂເຓ ເອກກ຺ຂຓາ ເອກາຣມ຺ມຓາ’’ຕິອາທິນາ ຈາຕິ? ສຈ຺ຈເມຕໍ, ເອວໍ ປນ ອາຄມນວເສນ ຕຕ຺ຖາປິ ຈຕຸສຈ຺ຈກມ຺ມຏ຺ຐານທສ຺ສນາທິມຸເຂນ ອຣິໂຍວ ອຏ຺ຐງ຺ຄິໂກ ມຄ຺ໂຄ ທສ຺ສິໂຕ. ເອວຎ຺ຈ ກຕ຺ວາ ‘‘ປຏິເວຘກ຺ຂເຓ ປນ ເອກເມວ ຎາຓໍ ໂຫຕີ’’ຕິ ມຄ຺ຄຎາຓສ຺ສ ເອກສ຺ເສວ ທຸກ຺ຂຎາຓາທິຕາ, ‘‘ມຄ຺ຄກ຺ຂເຓ ປນ…ເປ… ເອໂກວ ກຸສລສງ຺ກປ຺ໂປ ອຸປ຺ປຊ຺ຊຕິ, ອຍໍ ສມ຺ມາສງ຺ກປ຺ໂປ ນາມາ’’ຕິອາທິນາ ມຄ຺ຄສງ຺ກປ຺ປາທີນໍ ສມ຺ມາສງ຺ກປ຺ປາທິຕາ ຈ ນິທ຺ຘາຣິຕາ, ປາຬິຍຎ຺ຈ ອຏ຺ຐງ຺ຄິກໍ ມຄ຺ຄໍ ອຸທ຺ທິສິຕ຺ວາ ຕເມວ ນິທ຺ທິສິຕຸໍ ‘‘ທຸກ຺ເຂ ຎາຓ’’ນ຺ຕິອາທິ ວຸຕ຺ຕໍ. ເຕນ ສຸຕ຺ຕນ຺ຕຠາຊນີເຍປິ ທ຺ວິນ຺ນໍ ໂລກິຍຕາ, ທ຺ວິນ຺ນໍ ໂລກຸຕ຺ຕຣຕາ ວຸຕ຺ຕາ ‘‘ເອວໍ ປຸຣິເມສຸປິ ທ຺ວີສູຕິ ເອເຕນາຕິ.

ປຎ຺ຫປຸຈ຺ຉກວຓ຺ຓນາ ນິຏ຺ຐິຕາ.

ສຈ຺ຈວິຠງ຺ຄວຓ຺ຓນາ ນິຏ຺ຐິຕາ.