໑໐. ປຸເຣຊາຕປຈ຺ຈຍນິທ຺ເທສວຓ຺ຓນາ

໑໐. ນຍທສ຺ສນວເສນ ຍານິ ວິນາ ອາຣມ຺ມຓປຸເຣຊາເຕນ ນ ວຕ຺ຕນ຺ຕິ, ເຕສໍ ຈກ຺ຂຸວິຎ຺ຎາຓາທີນໍ ອາຣມ຺ມຓປຸເຣຊາຕທສ຺ສເນນ ມໂນທ຺ວາເຣປິ ຍໍ ຍທາຣມ຺ມຓປຸເຣຊາເຕນ ວຕ຺ຕຕິ, ຕສ຺ສ ຕທາລມ຺ພິຕໍ ສພ຺ພມ຺ປິ ຣູປຣູປໍ ອາຣມ຺ມຓປຸເຣຊາຕນ຺ຕິ ທສ຺ສິຕເມວ ໂຫຕິ, ສຣູເປນ ປນ ອທສ຺ສິຕຕ຺ຕາ ‘‘ສາວເສສວເສນ ເທສນາ ກຕາ’’ຕິ ອາຫ. ຈິຕ຺ຕວເສນ ກາຍໍ ປຣິຓາມຍໂຕ ອິທ຺ຘິວິຘາຠິຎ຺ຎາຍ ຈ ອຏ຺ຐາຣສສຸ ຍໍກິຎ຺ຈິ ອາຣມ຺ມຓປຸເຣຊາຕໍ ໂຫຕີຕິ ທຏ຺ຐພ຺ພໍ.

ຕທາຣມ຺ມຓຠາວິໂນຕິ ເອຕ຺ຖ ປຏິສນ຺ຘິຠາວິໂນ ວຕ຺ຖຸປຸເຣຊາຕາຠາເວນ ອິຕຣສ຺ສປິ ອຠາວາ ອຄ຺ຄຫຓໍ. ຠວງ຺ຄຠາວິໂນ ປນ ຄຫຓໍ ກາຕພ຺ພໍ ນ ວາ ກາຕພ຺ພໍ ປຏິສນ຺ຘິຍາ ວິຍ ອປຣິພ຺ຍຕ຺ຕສ຺ສ ອາຣມ຺ມຓສ຺ສ ອາຣມ຺ມຓມຕ຺ຕຠາວໂຕ, ‘‘ມໂນຘາຕູນຎ຺ຈາ’’ຕິ ເອຕ຺ຖ ສນ຺ຕີຣຓຠາວິໂນ ມໂນວິຎ຺ຎາຓຘາຕຸຍາປິ.

ປຸເຣຊາຕປຈ຺ຈຍນິທ຺ເທສວຓ຺ຓນາ ນິຏ຺ຐິຕາ.